Month: September 2020

ព្រះសីហនុ៖ កម្លាំងកងរាជអាវុធហត្ថខេត្តព្រះសីហនុបានឲ្យដឹងថា ដោយមានការសម្របសម្រួលនីតិវិធីដោយលោកហួត វិចិត្រ ព្រះរាជអជ្ញារង អមសាលាដំបូងខេត្តព្រះសីហនុ និងចូលរួមពីលោក ប៊ុត បុប្ផាប្រធានមន្ទីរ វប្បធម៌និងវិចិត្រសីល្បៈខេត្តនៅថ្ងៃទី២៧.កញ្ញាឆ្នាំ២០២០បានចុះឃាត់ចាប់ជនសង្ស័យម្នាក់ដែលលាក់ទុកក្រឡចាស់ៗរកឃើញពីបាតសមុទ្រ(សង្ស័យវត្ថុបុរាណ)នៅចំណុចផែរូយ៉ាល់ ស្ថិតក្រុម៣១ ភូមិ៣ សង្កាត់លេខ៣ ក្រុងព្រះសីហនុ ។ លោក ប៊ុត បុប្ផាប្រធានមន្ទីរ វប្បធម៌និងវិចិត្រសីល្បៈខេត្តបានឲ្យដឹងថា ការចុះឃាត់ខ្លួនជនសង្ស័យជាជនជាតិវៀតណាមម្នាក់ ដែលលាក់ទុកក្រឡចាស់ៗ ក្នុងបាតសមុទ្រ(សង្ស័យវត្ថុបុរាណ)ជនសង្ស័យមានឈ្មោះ (ឡេ វ៉ាងហួន) ភេទប្រុស អាយុ៤២ឆ្នាំ ជនជាតិវៀតណាម និងដកហូតក្រឡទាំងតូច .ធំចំនួន២៨១ក្រឡ។ បច្ចុប្បន្នជនសង្ស័យនិងវត្ថុតាងកំពុងរក្សាទុកនៅបញ្ជាការដ្ឋានអាវុធហត្ថខេត្តព្រះសីហនុ ដើម្បីអនុវត្តបន្តតាមនីតិវិធី។

បន្ទាយមានជ័យ:ជនសង្ស័យម្នាក់ត្រូវបានសមត្ថកិច្ចក្រុងប៉ោយប៉ែតឃាត់ខ្លួនថ្ងៃសៅរ៍០៩កើតខែអស្សុជឆ្នាំជូតទោស័ក ពុទ្ធសករាជ២៥៦៤ត្រូវនឹងថ្ងៃទី២៦ ខែកញ្ញាឆ្នាំ២០២០ ករណីរក្សាទុកដឹកជញ្ជូនជួញដូរដោយខុសច្បាប់នូវសារធាតុញៀន ក្នុងបទល្មើសជាក់ស្តែង។ លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែតបានឲ្យដឹងថា ដោយអនុវត្តតាមបទបញ្ជារបស់លោកស្នងការខេត្តនិងអនុវត្តតាមបទបញ្ជារបស់លោក កម្លាំងក្រោមការដឹកនាំបញ្ជាផ្ទាល់ពីលោកវរសេនីយ៍ទោ កែវ ដូល អធិការរងគ្រឿងញៀនបានធ្វើការបង្រ្កាបនិងឃាត់ខ្លួនជនសង្ស័យបានចំនួនម្នាក់។ លោកបន្តថា សកម្មភាពបង្រ្កាបបទល្មើសខាងលើក្នុងភូមិសាស្រ្តក្រុង ដល់ត្រង់ចំណុចមណ្ឌល៤ ភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត សង្ស័យជា(មុខសញ្ញាចាស់)ចំនួន១នាក់ឈ្មោះ នេត កុសល ភេទប្រុស អាយុ៤៤ឆ្នាំ ជនជាតិខ្មែរ មុខរបរជ្រែអីវ៉ាន់ ឃាត់ខ្លួនធ្វើការសួរនាំ ក្រោយពីសួរនាំរួច ជនសង្ស័យខាងលើបានឆ្លើយសារភាពថា ខ្លួនបានលាក់ទុកវត្ថុតាងថ្នាំញៀននៅបន្ទប់ស្នាក់នៅរបស់ខ្លួនក្នុងភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។ ក្រោយមកកម្លាំងសមិត្ថកិច្ចបានចុះដល់ចំណុចខាងលើសមត្ថកិច្ចជំនាញត្រួតពិនិត្យចាប់យកវត្ថុតាងមាន:១-ម្សៅក្រាមសថ្លាចំនួន១កូនថង់តូច២-ថ្នាំទឹកប្រភេទដបសំរាប់សំងួតខេហិតចំនួន១១(ដប់មួយ)ដប៣-ថ្នាំគ្រាប់ពណ៌ស្វាយមានរូបសត្វពីលើចំនួន១១(ដប់មួយ)គ្រាប់និង៥(ប្រាំ)កំណាត់។៤-ម្សៅម៉ត់ស (សង្ស័យខេហិត)ចំនួន៤(បួន)កូនថង់តូច។៥-ថ្នាំគ្រាប់ពណ៌ផ្កាឈូកមានរាងបេះដូងចំនួន៥(ប្រាំ)គ្រាប់៦-កូនជញ្ជីងថ្លឹងថ្នាំញៀន១៧-ស្លាបព្រាជ័រសម្រាប់ចូកថ្នាំញៀន៣។៨-ដែកកេះសម្រាប់ដុត១និងសំបកថង់មួយចំនួន។ បច្ចុប្បន្នជនសង្ស័យ រួមទាំងវត្ថុតាងត្រូវបានសមត្ថកិច្ច យកមកអធិការដ្ឋាននគរបាលក្រុងប៉ោយប៉ែតដើម្បីចាត់ការតាមនិតិវិធី។

ប៉ៃលិនៈ ឯកឧត្តម ហ៊ុន ម៉ានី ប្រធានគណ:ប្រតិភូនិងជាគណ:កម្មការទី៧នៃរដ្ឋសភា ដឹកនាំគណ:ប្រតិភូគណ:កម្មការ និងសហការី ព្រមទាំងមានការចូលរួមពីអាជ្ញាធរគ្រប់លំដាប់ថ្នាក់នៃខេត្តប៉ៃលិន បានអញ្ជើញចុះជួបសំណេះសំណាលសួរសុខទុក្ខកងកម្មាំងជួរមុខឈជើងតាមបន្ទាត់ព្រំដែនកម្ពុជាថៃភូមិសាស្រ្តខេត្តប៉ៃលិន សរុប៤៥២នាក់ នៅទីបញ្ជាការវរៈសេនាតូចលេខ១ ព្រមទាំងនាំយកនូវគ្រឿងឧបភោគបរិភោ និងសម្ភារ:សំណង់ ជូនដល់អង្គភាព និងកងកម្លាំងផងដែរ នៅរសៀល ថ្ងៃសុក្រ ៨កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹង ថ្ងៃទី២៥ ខែកញ្ញា ឆ្នាំ២០២០។ ឆ្លៀតក្នុងឱកាសនោះឯកឧត្តមប្រធានគណៈកម្មការ បានពាំនាំនូវការសួរសុខទុក្ខពីសម្តេចប្រធានរដ្ឋសភា និងការនឹករលឹកជាពិសេសពីសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនចំពោះកងកម្លាំងទាំងអស់ ហើយក៏ឆ្លៀតឱកាសសម្តែងនូវការគោរពដឹងគុណ និងថ្លែងអំណរគុណចំពោះកងកម្លាំងទាំងអស់ ដែលបានបំពេញភារកិច្ច យ៉ាងសកម្ម និងស្វិតស្វាញបំផុត ក្នុងការការពារជាតិ ការពារបូរណភាពទឹកដី។ ប្រតិភូនៃគណៈកម្មការទី៧ បានវាយតម្លៃខ្ពស់ចំពោះ ការបំពេញបេសកកម្មដ៏ឧត្តមរបស់កងកម្លាំងដែល បាន និងកំពុងការពារនៅតាមបណ្តោយព្រំដែន ជាពិសេសក្នុងតំបន់ប្រតិបត្តិការសឹករងបៃលិន។ ការលះបង់របស់កងកម្លាំងទាំងអស់បានធ្វើឲ្យកម្ពុជាអាចរក្សាសុខសន្តិភាព និងបានអនុញ្ញាតឲ្យបងប្អូនប្រជាពលរដ្ឋខ្មែរទូទាំងប្រទេស អាចរស់នៅប្រកបដោយភាពសុខដុម មិនមានភាពភ័យខ្លាចពីបញ្ហាអសន្តិសុខ ហើយក៍អនុញ្ញាតឲ្យរាជរដ្ឋាភិបាលអាចផ្តោតការយកចិត្តទុកដាក់លើការអភិវឌ្ឍសេដ្ឋកិច្ចជាតិ និងដឹកនាំប្រទេសជាតិទៅរកកាអភិវឌ្ឍជាបន្តបន្ទាប់៕  

ភ្នំពេញៈសមត្ថកិច្ចមូលដ្ឋានបានឲ្យដឹងថា យុវតីម្នាក់ទើបតែអាយុ១៧ឆ្នាំត្រូវបានសមត្ថកិច្ចចាប់ខ្លួនដោយចោទប្រកាន់ពីបទលួច ស្ថិតនៅតាមបណ្តោយផ្លូវចោមចៅ ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញដោយសាតែលួចយកម៉ូតូគេជិះបាត់ជិតកន្លះខែទើបម្ចាស់ប្តឹងឲ្យសមត្ថកិច្ចចាប់ខ្លួន។ សមត្ថកិច្ចបន្តថា ជនសង្ស័យឈ្មោះសេង គឹមលី ភេទស្រី អាយុ១៧ឆ្នាំ ស្នាក់នៅភូមិព្រៃល្វា សង្កាត់ចោចៅទី២ ខណ្ឌពោធិ៍សែនជ័យ រាជធានីភ្នំពេញ ចំណែកជនរងគ្រោះឈ្មោះង៉ាម ស្រស់ ភេទស្រី ស្នាក់នៅភូមិ-សង្កាត់ជាមួយគ្នា។ត្រូវបានសមត្ថកិច្ចឃាត់ខ្លួននាសៀលថ្ងៃទី២៧ ខែកញ្ញា ឆ្នាំ២០២០ ដើម្បីកសាងសំណុំរឿងបញ្ជូនទៅតុលាការ។ថ្វីត្បិតតែនាងជាក្មេងស្រី ស្អាតតែចិត្តនាងមិនស្អាតបែរជាធ្វើបែបនេះទៅវិញ ខណៈនាងបានធ្វើសកម្មភាពលួចយកលួចម៉ូតូអ្នកជិតខាង កាលពីយប់ថ្ងៃទី១២ ខែកញ្ញា ឆ្នាំ២០២០ កន្លងទៅ។ សមត្ថកិច្ចបានបញ្ជាក់ថា ម៉ូតូដែលជនសង្ស័យលួចទៅម៉ាកស៊េរីសង់ប៊ិច ពាក់ផ្លាកលេខ ១BG 4896 ពណ៌ខ្មៅ មួយគ្រឿងចេញពីបរិវេណបន្ទប់ជួលនៅក្នុងភូមិព្រៃល្វា សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ រួចព្យាយាមជិះគេចខ្លួនរហូតបាន១៥ថ្ងៃ ទើបម្ចាស់ជិះម៉ូតូតាមបណ្តោយផ្លូវវេងស្រេងខាងលើ ប្រទះឃើញយុវតីសង្ស័យខាងលើ ជិះម៉ូតូរបស់ខ្លួន ក៏នាំគ្នាឃាត់ភ្លាមៗនិងរាយការណ៍ទៅសមត្ថកិច្ចប៉ុស្តិ៍នគរបាលចោមចៅទី២ នាំទៅសួរនាំតែម្តង។។ បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅតុលាការដើម្បីចាត់ការតាមនិតិវិធី។

ភ្នំពេញៈសមត្ថកិច្ចនគរបាលព្រហ្មទណ្ឌរាជធានីភ្នំពេញបានឲ្យដឹងថា ដោយមានការសហការគ្នាជាច្រើនខេត្តនិងរាជធានី ខណ្ឌបានសហការ ជាមួយកម្លាំងនគរបាល តាមបណ្តាលខណ្ឌនានា នគរបាលព្រហ្មទណ្ឌ កំរិតធ្ងន់នៃស្នងការដ្ឋាន នគរបាលរាជធានីភ្នំពេញ ខេត្តកំពង់ស្ពឺ និង ខេត្តបាត់ដំបង បានធ្វើការស្រាវជ្រាវបង្ក្រាបក្រុមចោរប្លន់យ៉ាងសកម្ម នៅតាមបណ្តោយផ្លូវជាតិលេខ៣ ផ្លូវជាតិលេខ៤ និងផ្លូវលេខ៤១ខេត្តកំពង់ស្ពឺ រួមទាំងអ្នកទទួលផលចោរកម្មផងនោះ ប្រមាណ១៣នាក់ បញ្ជូន ទៅកាន់តុលាការដើម្បីផ្ដន្ទាទោសតាមច្បាប់។ នគរបាលខណ្ឌកំបូលបានប្រាប់ឲ្យដឹង នៅព្រឹកថ្ងៃទី២៧ ខែកញ្ញា ឆ្នាំ ២០២០នេះថា កាលពីអំឡុង ខែឧសភា និងខែកញ្ញា ឆ្នាំ២០២០ មាន ករណីអំពើប្លន់ម៉ូតូ ពីប្រជាពលរដ្ឋនៅតាមដងផ្លូវកើតឡើងនៅក្នុង សង្កាត់ ភ្លើងឆេះរទេះ និងសង្កាត់ប្រទះឡាង ខណ្ឌកំបូល រាជធានីភ្នំពេញ បង្កឡើងដោយក្រុមជនសង្ស័យជាច្រើននាក់។បន្ទាប់ពីកើតហេតុជនរងគ្រោះ បានដាក់ពាក្យបណ្តឹង ដើម្បីឲ្យសមត្ថកិច្ច បើកការស្រាវជ្រាវយកជនសង្ស័យមកផ្តន្ទាទោស។ លោកវរសេនីយ៍ទោឈឹម សាវុទ្ធ ប្រាប់ឲ្យដឹងថា ក្រោយពីទទួលបាន ពាក្យបណ្តឹងភ្លាមៗ កម្លាំងជំនាញព្រហ្មទណ្ឌខណ្ឌកំបូល ដឹកនាំដោយ លោកផ្ទាល់ ក្រោមការណែនាំពីលោកវរសេនីយ៍ឯកហង្ស មុនី អធិការ នៃអធិការដ្ឋាននគរបាល ខណ្ឌកំបូល ស្រាវជ្រាវស៊ើបអង្កេត សហការ […]

សៀមរាបៈសមត្ថកិច្ចមូលដ្ឋានបានឲ្យដឹងថា រថយន្តដឹកអ្នកដំណើរមួយគ្រឿង មានលេខសម្គាល់ ២៦ .VET. ពាក់ស្លាកលេខភ្នំពេញ ២AD៣៥៤២ បានបើកធ្លាក់ផ្លូវបង្កឱ្យមានការភ្ញាក់ផ្អើល ដោយសារតៃកុងបើកបរបាត់ម្ចាស់ការឬងង៉ុយដេកទើបធ្លាក់ស្រែបែបនេះ។ ហេតុការណ៍បានកើតឡើងម៉ោង១៥និង០០នាទីថ្ងៃទី ២៧ ខែកញ្ញាឆ្នាំ ២០២០ នៅចំណុចបង្គោលគីឡូម៉ែត្រលេខ២៧០ ភូមិយាង ឃុំឬស្សីលកស្រុកជីក្រែង ខេត្តសៀមរាប។ សមត្ថកិច្ចបន្តថា ករណីគ្រោះថ្នាក់ចរាចរណ៍នេះបង្កឡើងដោយខ្លួនឯង។ ទោះយ៉ាងណាពាក់ព័ន្ធករណីគ្រោះថ្នាក់ចរាចរណ៍នេះសមត្ថកិច្ចនៅមិនទាន់បញ្ជាក់លម្អិតនៅឡើយទេតើមានអ្នករួមដំណើរនិងតៃកុងឡានគ្រោះថ្នាក់ធ្ងន់និងស្រាលប៉ុន្មាននាក់នោះទេ៕

ពោធិសាត់ៈសមត្ថកិច្ចមូលដ្ឋានខេត្តពោធិសាត់បានឲ្យដឹងថា ជនសង្ស័យដៃដល់ជាឃាត.កឈ្មោះវ៉ាត សារួន ភេទប្រុស អាយុ ៧០ឆ្នាំ ជនជាតិខ្មែរ ចំណែកស្រ្តីជាប្រពន្ធ(ស្លាប់)ឈ្មោះសាំង ហុន អាយុ៥៩ឆ្នាំ ជនជាតិខ្មែរ បច្ចុប្បន្ន រស់នៅភូមិអូរថ្កូវ សង្កាត់រលាប ក្រុង.ខេត្តពោធិសាត់ ជាមួយគ្នា។ ត្រូវបានប្តីចាក់សម្លាប់នៅថ្ងៃអាទិត្យ១០កើត ខែអស្សុជ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៧ ខែកញ្ញា ឆ្នាំ២០២០ ត្រង់ចំណុចចម្ការខ្លឹមស្ថិតនៅភូមិ/សង្កាត់/ក្រុង.ខេត្តពោធិសាត់ រស់នៅខាងលើ។ សមត្ថកិច្ចបន្តថា ករណីឃាតកម្មនេះគឺប្ដីប្រើកាំបិតចុងស្រួចចាក់សម្លាប់ប្រពន្ធ ដែលគេសង្ស័យអាចបណ្ដាលមកពីរឿងដណ្តើមលុយគ្នាចំនួន៥០០០រៀល ដើម្បីយកទៅទិញស្រាផឹកបន្ត ខណៈពេលគេដឹងថាបុរសជាជនសង្ស័យស្រវឹងអ៊ួទីនួរជាប្រចាំថ្ងៃ ឬផ្តើមចេញពីភ្លើងប្រចណ្ឌផងដែរ។ សមត្ថកិច្ចនឹងកំពុងស្រាវជ្រាវជុំវិញកន្លែងកើតហេតុ ជនសង្ស័យដៃដល់ និងប្រពន្ធជាជនរងគ្រោះ គេសង្កេតល្អូកល្អិនជាមួយគ្នាខ្លាំងណាស់ ហើយពេលខ្លះពួកគាត់តែងស្រវឹងអ៊ួទីនួរជាប្រចាំទាំងពីរនាក់ និងបង្កទំនាស់ពាក្យសម្ដីគ្នាជាប្រចាំផងដែរ ប៉ុន្តែមិនដឹងជាយ៉ាងម៉េចក្នុងថ្ងៃកើតហេតុនេះបានជាតាជាប្ដីទាញកាំបិតចុងស្រួចចាក់យាយជាប្រពន្ធចំនួន២កាំបិត បណ្ដាលឲ្យប្រកាច់ដាច់ខ្យល់ស្លាប់ភ្លាមៗ នៅនឹងកន្លែងកើតហេតុយ៉ាងអាណោចអាធមតែម្តង។ ចំណែក ឯអ្នកជិតខាងនិយាយថាមុនពេលកើតហេតុគេឮសំឡេងតាប្រចណ្ឌយាយ រួចដណ្តើមលុយគ្នាចំនួន៥០០០រៀលពីយាយទៅទិញស្រាផឹកមិនបានហើយក្រោយមកស្រាប់តែកើតរឿងបែបនេះតែម្តង។ បច្ចប្បន្នជនសង្ស័យជាជនដៃដល់និងជាឃាតក(ប្ដី)ត្រូវបានសមត្ថកិច្ចនគរបាលនៃអធិការដ្ឋាន នគរបាលក្រុងពោធិសាត់ នាំយកទៅអធិការដ្ឋានដើម្បីសាកសួរបន្តចាត់ការតាមនីតិវិធី៕ចំណែកសពត្រូវបានអ្នកជិតខាងរួមគ្នាធ្វើបុណ្យឲ្យតាមប្រពៃណី។  

សៀមរាបៈកម្លាំងអាវុធហត្ថខេត្តសៀមរាបបានឲ្យដឹងថា ក្មេងទំនើងចំនួន៤នាក់ពាក់ព័ន្ធករណីកាប់គ្នានៅមុខបឹងហ្កាឡូ ដែលបណ្ដាលឲ្យជនរងគ្រោះម្នាក់រងរបួសធ្ងន់ត្រូវបានចាប់ខ្លួននៅវេលាម៉ោង ០៨និង៣០នាទី ថ្ងៃទី២៧ ខែកញ្ញា ឆ្នាំ២០២០នៅភូមិសាស្ត្រខេត្តសៀមរាប។ កម្លាំងសមត្ថកិច្ចបានបញ្ជាក់ថា ករណីហិង្សានេះបានកើតឡើងតាំងពី ថ្ងៃទី២៤ ខែកញ្ញា ឆ្នាំ២០២០ វេលាម៉ោង ២៣និង១០នាទី នៅចំណុចខាងមុខបឹងហ្កាឡូចាស់ ភូមិមណ្ឌល២ សង្កាត់ស្វាយដង្គុំ ក្រុងសៀមរាប ខេត្តសៀមរាប ដោយកម្លាំងទើបនិងកំណត់មុខសញ្ញាចាប់ខ្លួនជនសង្ស័យបាននៅថ្ងៃទី២៧កញ្ញាឆ្នាំ២០២០។ មន្ត្រីកងរាជអាវុធហត្ថខេត្តដដែលបន្តថា ជនសង្ស័យរួមមាន៖១.ឈ្មោះ រ៉េន ភារំ ភេទប្រុស អាយុ១៧ឆ្នាំ ទីលំបច្ចុប្បន្ន ភូមិលាងដៃ ឃុំលាងដៃ ស្រុកអង្គរធំខេត្តសៀមរាប។២.ឈ្មោះ តារា ឧត្តម ភេទប្រុស អាយុ១៤ឆ្នាំ ទីលំបច្ចុប្បន្ន ភូមិខ្ទីង ឃុំពាក់ស្នែង ស្រុកអង្គរធំ។៣.ឈ្មោះ សឿន សិទ្ធ ភេទប្រុស អាយុ១៦ឆ្នាំ ៤..ឈ្មោះ ជន តុលា ភេទប្រុស អាយុ១៨ឆ្នាំទាំងពីរនាក់នេះ ទីលំបច្ចុប្បន្ន ភូមិនគក្រៅ សង្កាត់គោកចក ក្រុងសៀមរាប។ ចំណែកជនរងគ្រោះ ឈ្មោះ ហ៊ីង ធាលី […]

បាត់ដំបងៈសមត្ថកិច្ចស្រុកសំឡូតបានឲ្យដឹងថា ជនសង្ស័យម្នាក់ត្រូវបានឃាត់ខ្លួន ករណីជួញដូរគ្រឿងញៀនក្នុងបទល្មើសជាក់ស្តែង។ហេតុការណ៍នេះបានធ្វើឡើងនៅថ្ងៃសុក្រទី២៥ខែកញ្ញាឆ្នាំ២០២០ នៅចំណុចក្រុមទី០៩ ភូមិស្រែជីពៅ ឃុំមានជ័យ ស្រុកសំឡូត ខេត្តបា ត់ដំបង។ ជនសង្ស័យឈ្មោះ ភឹម ផាន់ណា ហៅ ង៉ែត អាយុ២៣ឆ្នាំមានទីលំនៅក្រុមទី១៦ភូមិស្រែជីពៅឃុំមានជ័យ ស្រុកសំឡូត ខេត្តបាត់ដំបង។ សមត្ថកិច្ចបន្តថា ក្រោយការឃាត់ខ្លួនដកហូតវត្ថុតាងរួមមានម្សៅក្រាមពណ៌សថ្លាច្រកក្នុងកូនថង់ប្លាស្ទិកពណ៌សថ្លា ចំនួន ០១ថង់ ទម្ងន់ ១០,៥២ក្រាម (ទាំងសំបក) សង្ស័យជាសារធាតុញៀន ប្រភេទមេតំហ្វេតាមីន ម៉ាទឹកកក ICE-ទូរស័ព្ទដៃចំនួន ០១គ្រឿង (ចាស់)-ថង់សម្រាប់រំលែកច្រកថ្នាំញៀនលក់ និងសម្ភារសម្រាប់ប្រើបាស់ថ្នាំញៀនមួយចំនួន៕

សៀមរាបៈសមត្ថកិច្ចខេត្តសៀមរាបបានឲ្យដឹងថា មនុស្សចំនួនពីរនាក់និងរថយន្ត១គ្រឿង ត្រូវបានឃាត់ខ្លួនពាក់ព័ន្ធករណីដឹកជញ្ជូនសត្វព្រៃខុសច្បាប់។ ហេតុការណ៍នេះបានធ្វើឡើងនៅវេលាម៉ោង១២និង៣០ នាទី យប់ឈានចូលព្រឹកថ្ងៃទី២៦ខែកញ្ញាឆ្នាំ២០២០នេះនៅចំណុចភូមិជ្រៃ ឃុំកណ្ដែក ស្រុកប្រាសាទបាគង ខេត្តសៀមរាប។ សមត្ថកិច្ចខាងលើបន្តថា រថយន្តដែលសមត្ថកិច្ចឃាត់បានខាងលើម៉ាកឡង់គ្រីស័រពណ៌ត្រេអ៊ីប៉ារា ពាក់ស្លាកលេខ ខម2-6158 ដឹកសត្វប្រវឹកព្រៃចំនួន៥៥៣ក្បាល។ ជនសង្ស័យទាំង០២ នាក់ ជាអ្នកបើកបរ និងអ្នករួមដំណើរ ទី១/ឈ្មោះ យ៉េង ឈុនហេង ភេទប្រុសអាយុ៣៣ឆ្នាំ រស់នៅភូមិព្រៃឬស្សី សង្កាត់ពន្លក ក្រុងសិរីសោភ័ណ ខេត្តបន្ទាយមានជ័យ និងទី២/ឈ្មោះ ឆាត រស្មី រស់នៅភូមិគាប ឃុំទឹកផ្លា ស្រុកសិរីសោភ័ណ ខេត្តបន្ទាយមានជ័យ។ សមត្ថកិច្ចបន្តថា បន្ទាប់ពីបានសាកសួរ ជនសង្ស័យបានសារភាពថា សត្វប្រវឹកព្រៃទាំងនេះ ត្រូវបានពួកគេ លួចនាំចូលមកពីខេត្តស្រះកែវ ប្រទេសថៃ បម្រុងយកទៅលក់នៅរាជធានីភ្នំពេញ។ បច្ចុប្បន្នជនសង្ស័យនិងវត្ថុតាង ត្រូវបានកម្លាំងនគរបាលស្រុកប្រាសាទបាគងសហការ ជាមួយកម្លាំងនគរបាលការិយាល័យប្រឆាំងបទល្មើសសេដ្ឋកិច្ច ខេត្តសៀមរាប ប្រគល់ឲ្យខណ្ឌរដ្ឋបាលព្រៃឈើស្រុកបន្ទាយស្រី ដើម្បីអនុវត្តតាមផ្លូវច្បាប់៕