ខេត្តកំពត:យោងតាមប្រភពព័ត៌មាន ពីប្រជាពលរដ្ឋពិតជាមានការភ្ញាក់ផ្អើលមួយទាំងព្រឹកព្រលឹមខណៈពេលដែលឃាតករបានបាញ់សម្លាប់ទៅលើបងប្អូនស្រីរបស់ខ្លួនចំនួនពីរនាក់បណ្ដាលឲ្យម្នាក់ស្លាប់និងម្នាក់រងរបួសជាទម្ងន់រួចជនដៃដល់ក៏បាញ់សម្លាប់ខ្លួនឯងតាមក្រោយតែមិនស្លាប់រងរបួសធ្ងន់ ជនបង្កកំពុងសង្រ្គោះបន្ទាន់សម្រាប់មូលហេតុមិនទាន់ដឹង។ ហេតុការណ៍នេះបានកើតឡើងកាលពីវេលាម៉ោង១១:០០ព្រឹកថ្ងៃទី២៧ខែមេសាឆ្នាំ២០២៣ស្ថិតនៅក្នុងភូមិប្រាល ឃុំតានី ស្រុកអង្គរជ័យ ខេត្តកំពត។ សមត្ថកិច្ចមូលដ្ឋានខេត្តកំពតបានឲ្យដឹងថាពិតជាមានករណីឃាតកម្មបានកើតឡើងនៅក្នុងមូលដ្ឋានពិតប្រាកដមែន។ហើយ ពាក់ព័ន្ធនឹងករណីឃាតកម្មដ៏សាហាវនេះសមត្ថកិច្ចមូលដ្ឋានមិនទាន់បានដឹងពីមូលហេតុនៅឡើយទេដោយសារករណីនេះជនរងគ្រោះជាស្ត្រីម្នាក់បានស្លាប់និងម្នាក់រងរបួសជាទម្ងន់ហើយជនដៃដល់ក៏បានរងរបួសជាទម្ងន់ផងដែរ។ សមត្ថកិច្ចបន្តថាខណៈពេលនេះសមត្ថកិច្ចកំពុងរក្សាការពារកន្លែងកើតហេតុនិងសង្គ្រោះជនរងគ្រោះនិងជនដៃដល់ឲ្យរួចផុតពីសេចក្តីស្លាប់សិនរង់ចាំសួរនាំស្រាវជ្រាវពីមូលហេតុនៅពេលក្រោយ។(ព័ត៌មានបឋម)
