(ឧត្តរមានជ័យ)កាលពីពេលប៉ុន្មានថ្ងៃកន្លងទៅថ្មីៗនេះក្រោយពីមានក្រុមអាជីវករជាច្រើនតូបលើកមកតវ៉ាមុខផ្សារសំរោង ខេត្តឧត្តរមានជ័យដោយស្នើរសុំឲ្យអាជ្ញាធរពាក់ព័ន្ធជួយរកដំណោះស្រាយចំពោះក្រុមភាសុីផ្សារដេញបានថ្មីក្នុងរយ:ពេល១ខែនេះធ្វើឲ្យពួកគាត់ស្មុកស្មាញពិបាក៣ទៅ៤ចំណុច រត់មិនរួចបញ្ហរឿងខាងភាសុីគេទា ទី១យកថ្លៃឆ័ត្រ៥០០រៀលទី២យកថ្លៃភ្លើង១៥០០រៀលក្នុង១គីឡូឡើងជាងមុន ទី៣រឿងការប្រមូលសម្រាមយឺតយ៉ាវទុកឲ្យស្អុយរលួយទី៤លឺថាខាងភាសុីគ្រោងយកកន្លែងតចឡានមុខផ្សារសំរោង ឲ្យអ្នកលក់ត្រីមកលក់នៅទីនោះ។ បើតាមការឲ្យដឹងពីឯកឧត្តម ឃិនញ៉ានអភិបាលរងខេត្តតំណាងឲ្យឯកឧត្តមប៉ែនកុសល្យអភិបាលខេត្តឧត្តរមានជ័យបន្ទាប់ពីមានការតវ៉ាពីបងប្អូនក្រុមអាជីវករលក់ដូរផ្សារសំរោងជាក់ស្តែងនៅព្រឹកថ្ងៃទី២៩ខែសីហាឆ្នាំ២០២៣ថា លោកបានការអនុញាតិពីលោអភិបាលខេត្រចុះដឹកនាំមន្ត្រីជំនាញត្រួតពិនិត្យនិងជួបដោយផ្ទាល់ជាមួយបងប្អូនដែលជាអាជីវករអ្នកលក់ដូរនៅខាងមុខអមសងខាងជុំវិញផ្សារសំរោងក៏ដូចជានៅក្នុងផ្សារខណ:នៅពេលថ្មីៗនេះបានត្អូញត្អែរ រឿងរ៉ាវ ដូចជាការយកថ្លៃឆ័ត្រ ថ្លៃភ្លើង ការយកសម្រាមយឺត ហើយលឺថាមានគម្រោងយកកន្លែងចតឡាន ឲ្យដាក់លក់ត្រី ជាដើម ទាំងអស់នេះ ក្នុងនាុំរដ្ធបាលខេត្តទទួលយករាល់ការលើកឡើងជាច្រើនចំណុចនេះហើយក៏ត្រូវតែធ្វើការដោះស្រាយមិនឲ្យមានបញ្ហាឡើយ។ អភិបាលរងដដែលបានបញ្ជាក់បន្ថែមថាដោយឡែកការមិនពេញចិត្តចំពោះខាងភាសុីផ្សារដេញបានថ្មីរវាងអាជីវករនេះដោយបានមកយកថ្លៃឆ័ត្រពីគាត់១ថ្ងៃ៥០០រៀល កាលពីមុនពុំដែលយកពិតប្រាកមែន ពីព្រោះថាកាលពីភាសុីផ្សារចាស់គេយោគយល់តែដល់ពេលភាសុីគេដេញបានថ្មីគឺគេយកតែគេយកតាមសៀវភៅបន្ទុកប៉ុណ្ណោះហើយពាក្យចរចាមអារាមថាភាសុីថ្មីយកទីតាំងចតឡាមុខផ្សារសំរោងជាកន្លែងលក់ត្រីនោះមិនមាននោះទេខាងខេត្តមិនអនុញាតិទេមានតែរៀបចំឲ្យល្អធំទូលាយស្អាតជាងនេះហើយក៏សូមអំពាវនាវដល់អាជីវករទាំងអស់ឲ្យចូលរួមថែរក្សាអនាម័យបរិស្ថានវេចខ្ចប់សម្រាមដាក់ថង់ឲ្យល្អទាំងអស់គ្នា។ ពាក់ព័ន្ធការលើកឡើងពីក្រុមអាជីវករនោះដែរប្រធានភាសុីផ្សារចាស់បានបង្ហើបប្រាប់ទូរទស្សន៏ហង្សមាសឲ្យដឹងនៅព្រឹកថ្ងៃទី២៩ខែសីហាឆ្នាំ២០២៣ កន្លងមកខាងលោកចេះតែយោគយល់ក្នុងការមិនយកថ្លៃឆ័ត្រ ហើយរឿងថ្លៃភ្លើងវិញក៏យកតម្លៃថោកជាងភាសុីថ្មីដែរពីព្រោះថា ការលក់ដូររបស់អាជីវករលក់ពុំសូវដាច់ ទាល់តែគេដេញបានក្រោយគេយកថ្លៃបែបណានោះក៏ខាងលោកពុំដឹងច្បាស់ដែរ ព្រោះជាការងាររកសុីរបស់គេបើធ្វើទៅខាតក៏គេមិនធ្វើដែរ ហើយណាមួយភ្លើង គេទិញហើយតខ្សែក៏វាអស់ច្រើនគួរសមដែរ។ សូមបញ្ជាក់ផងដែរថា ទាក់ទិនទៅនឹងការលើកគ្នាមកតវ៉ាពីសំណាក់ក្រុមអាជីវកនៅមុខផ្សារសំរោងរឿងភាសុីផ្សារថ្មីនៅក្នុងថ្ងៃទី២៩ខែសីហាឆ្នាំ២០២៣ដោយមានការយកចិត្តទុកដាក់ពីឯកឧត្តមប៉ែនកុសល្យអភិបាលខេត្តបានអនុញាតិឲ្យឯកឧត្តមឃិនញ៉ានអភិបាលរងខេត្ត រួមជាមួយលោកអភិបាលក្រុងសំរោង ប្រធានគ្រប់គ្រងភាស៊ីផ្សារអាជ្ញាធរជាច្រើននាក់ ជួបផ្ទាល់ជាមួយបងប្អូនដែលជាអាជីវករក្រៅផ្សារ ក្នុងផ្សារ ដោយពន្យល់ណែនាំនូវបញ្ហាទុកលំបាកផ្សេងៗ ជាពិសេសរឿងរ៉ាវ ដែលក្រុមអាជីវករលើកឡើងហើយត្អូញត្អែរអំពីបញ្ហា ការប្រមូលសម្រាមយឺតនោះ អាជ្ញាធរ ខេត្ត ក្រុងបានចាត់វិធានការរួចរាល់ហើយដោយឲ្យឡានប្រមូលសម្រាម ចាំដឹករាល់ថ្ងៃ មិនឲ្យទុកយូថ្ងៃតទៅទៀតឡើយ ដោយឡែកជាពិសេសទៀតនោះលោកផុនចាន់និលអភិបាលក្រុងសំរោងក៏បានផ្តល់ធុងសម្រាមដាក់នៅមុខផ្សារសំរោងចំនួន៤បន្ថែមទៀតផងដែរ។(ឈឿន ប៊ុនឈី)
