កសិករមួយគ្រួសារសប្បាយរីករាយ ពេលឃើញមើមដំឡូងមីក្នុងចំការមិនរលួយ ខណ:មើមដំឡូងចំការអ្នកជិតខាងរងការខូចខាត អស់ច្រើនដោយសារភ្លៀងធ្លាក់ជោកជាំជារៀងរាល់ថ្ងៃ ខេត្តប៉ៃលិន ៖ រហូតមកដល់ថ្ងៃទី២៥ ខែតុលា ឆ្នាំ២០២១នេះ ដោយសារតែភ្លៀងធ្លាក់ជោកជាំ ជារៀងរាល់ថ្ងៃ អស់រយ:ពេលជិត១ខែមកហើយ ធ្វើឱ្យដីក្នុងចំការរបស់ប្រជាកសិករ ជាច្រើនកន្លែងទទួ លរងការជាំទឹក (សើមដី) បណ្តាលឱ្យរងការស្អុយរលួយមើមដំឡូងមីស្ទើរអស់ពីចំការ ។ តែនៅក្នុងចំការរបស់ប្រជាកសិករមួយគ្រួសារ ខូចខាតនោះឡើយ ព្រោះពួកគាត់ បានដាំដុះដំឡូងមី នៅត្រង់ដីជំរេលជើងភ្នំប្រមាណ ៥.៥ហិកតា ធ្វើឱ្យមានការសប្បាយរីករាយយ៉ាងខ្លាំង ហើយសង្ឃឹមថា នៅពេលប្រមូលផលនាថ្ងៃខាងមុខ នឹងបានថវិកាច្រើនជាងឆ្នាំមុនៗ ។ ជាក់ស្តែងមានកសិករមួយគ្រួសារ ឈ្មោះ កង គ្រុយ អាយុ៥២ឆ្នាំ មានប្រពន្ធ ឈ្មោះ ពេន ក្រឹម អាយុ៥១ឆ្នាំ រស់នៅភូមិក្ងោក ឃុំស្ទឹងកាច់ ស្រុកសាលាក្រៅ ខេត្តប៉ៃលិន បាននាំដំឡូងមីចំនួន៥.៥ ហិកតា នៅលើដីចំការក្បែរផ្ទះរបស់ខ្លួន ។ បើតាមការរៀបរាប់ពីស្រ្តី ឈ្មោះ ពេន ក្រឹម បានឱ្យដឹងថា ៖ កាលពីឆ្នាំ២០២០ គ្រួសាររបស់គាត់ […]
បាត់ដំបងៈMC.បច្ចុប្បន្នកសិករខ្មែរភាគច្រើនបាននាំគ្នាងាកមកដាំដំណាំ យុទ្ធសាស្រ្តបន្លែបង្ការជារបស់ខ្មែរ បន្ទាប់ពីធ្វើស្រែ ដោយប្រើប្រាស់ជីវធម្មជាតិកែច្នៃអាចម៏គោអាចម៏ក្របីស្លឺកឈើ ដើម្បីដាក់បំប៉នដំណាំឲ្យល្អដោយមិនប្រើប្រាស់ជីគីមីដូចបន្លែនាំចូលមកពីប្រទេសជិតខាងឡើយ,ធ្វើឲ្យពួកគាត់ងាយរកទីផ្សាហើយលក់បានតម្លៃរខ្ពស់ ដោះស្រាយជីវភាពប្រចាំថ្ងៃបានល្អប្រសើរ។ លោក ហួត ចយ,អាយុ៣០ឆ្នាំកសិកររស់នៅភូមិពពាលខែគ្រួស ឃុំជ្រៃស្រុកថ្មគោលខេត្តបាត់ដំបងបានឲ្យដឹងថា គ្រួសារលោកបានចាប់យកមុខរបរដាំបន្លែបង្ការលក់ដូរចិញ្ចឹមជីវិតនេះជាង១០ឆ្នាំមកហើយ ធ្វើឲ្យជីវភាពប្រែប្រួលល្អ។ លោកបន្តថាទោះបីបន្លែមានតម្លៃប្រែប្រួលមិនទៀងទាត់ ឡើងចុះតាមទីផ្សាក្តី ក៏លោកនៅតែបន្តដាំដុះជាប្រចាំមិនរាថយឡើយ។ លោកបន្តថា មុននិងលោកចាប់យករបរនេះជាអាជីពលោកបានបោះបង់ចោលមុខរបរជាច្រើនដែលមិនបានធ្វើឲ្យលោកមានភាពប្រសើរឡើងក្នុងជីវិតគ្រួសារទេ។ទើបលោកចាប់យកមុខរបរដាំបន្លែនេះជាអាជីព។មុនដំបូងលោកដើរសុំដីគេដាំតាមទីទួលដំបូកតែបន្តិចបន្តួចទេ តែពេលក្រោយមកប្រមូលផលលក់បានចំណេញច្រើនដោយ ចំណាយទុនតិច ធ្វើឲ្យលោកមានទឹកចិត្តក្នងការដាំដុះលោកក៏សន្សំបានប្រាក់ទិញបានដីជាងកន្លះហិកតានេះនៅជិតប្រភពទឹក បានដាំដុះបន្លែបង្ការនេះរហូតមក។ កសិកររូបនេះបន្តថានៅលើផ្ទៃដីជាងកន្លះហិកតានេះលោកចំណាយទុនមុនដំបូងអស់ប្រាក់ជាង៣លានរៀល,ដោយសម្អាតដីលើករងជាថ្នាលឲ្យស្អាតទិញម៉ាស៊ីនបូមទឹក រៀបប្រព័ន្ធទឹក ប្រើប្រាស់ទុយោហុយស្រោច បន្លែជាប្រចាំមានទឹកស្រោចលើបន្លែគ្រប់ គ្រាន់ ងាយឆាប់ទទួលបានផល និងមិនសូវហត់ដូចប្រើប៉ោតរែកស្រោច ឬប្រើទុយោដើរបាញ់ស្រោចវាទេ យើងចំណេញពេលវេលាអាចទៅធ្វើអ្វីផ្សេងទៀត ឬដើរចោលវាបាន។ លោកបន្តថា បន្លែស្ពៃក្រញាញ់ងាយដាំ ក្រោយដាំរួចរយៈពេលតែ១ខែបានប្រមូលផលកាត់លក់ជាបន្តបន្ទាប់ហើយ។ ដោយចំណាយទុនអស់ត្រឹមតែ១លានរៀល,កាត់លក់រៀងរាល់ថ្ងៃសរុបជិត២០លានរៀល.ព្រោះសម្ភារៈប្រើប្រាស់លោកចំណោយកាលពីរៀបចំដាំដំបូងកាត់ចំណេញអស់ហើយពេលដាំលើកក្រោយៗនេះមិនចំណាយទៀតទេ,ចំណាយតែទុនពូជដាំដុះតិចតួច។ លោកបន្តថា ភាគច្រើនការដាំដុះបន្លែលោកមិនសូវដាំបន្លែណាក្រៅពីបន្លែស្ពៃក្រតាញាញ់ឬស្ពៃតាសយនេះទេ យូរៗប្តូរដាំដំណាំស្ពៃក្តោបម្តង និងប្តូរវេនគ្នាប្រមូលផល។ នៅថ្ងៃនេះលោកបានចាប់ផ្តើមប្រមូលផលវាកាត់លក់ឲ្យម៉ូយតាមការបញ្ជាទិញយកទៅឲ្យម៉ូយនៅផ្សាទំនើបភូពុយក្រុងបាត់ដំបង។ កសិកររូបនេះបន្តថារីឯតម្លៃរទីផ្សាបន្លែស្ពៃក្រញាញ់ឆ្នាំនេះធ្លាក់ថ្លៃរជាងឆ្នាំមុនពាក់កណ្តាលឆ្នាំមុនក្នុង១គក៤,០០០ទៅ៥,០០០រៀល ឆ្នាំនេះបានតែ១គក/២,០០០រៀល,ដោយសារតែបន្លែគេនាំចូលមកពីប្រទេសជិតខាងច្រើនពេក ធ្វើឲ្យបន្លែខ្មែរចុះថោក។ លោកបានសំណូមពរឲ្យរាជរដ្ឋាភិបាលជួយទប់ស្កាត់បន្លែបរទេសងាកមកគាំទ្របន្លែខ្មែរគ្មានសារធាតុគីមី ធ្វើឲ្យជីវភាពកសិករបានធូរធារផង។ លោកមេឃុំជ្រៃកន្លងមកបានឲ្យដឹងថា ប្រជាពលរដ្ឋក្នុងឃុំរបស់លោកចំនួន៨០%ធ្វើស្រែ,ក្រោយធ្វើស្រែ៧%ដាំដុះបន្លែបង្ការលក់ប្រចាំថ្ងៃនិង១៣%ទៀតគាត់លក់ដូរនិងធ្វើជាកម្មករក្នុងស្រុក។ លោកបានបញ្ជាក់ទៀតថា ប្រជាកសិករក្នុងឃុំរបស់លោកមានជីវភាពល្អជាមធ្យមភាគច្រើន ដែលពួកគាត់មិនទុកដីឲ្យនៅទំនេរចោលទេ,បញ្ហាដែលប្រឈមខ្លាំងគឺខ្វះទឹកស្រោចស្រពដំណាំនិងតម្លៃទីផ្សា.បើមានប្រភពទឹកនៅជិតការដាំដុះដំណាំនិងធ្វើស្រែកសិករធ្វើវិលជុំនិងតម្លៃទីផ្សាក៏មិនសូវថិតថេរដែរតម្លៃស្រូវធ្លាក់ចុះតិចតួចមិនខុសពីឆ្នាំមុនៗទេ រីឯតម្លៃបន្លែផ្សេងៗល្អ ចុះថោកតិចតួច។
(ខេត្តកណ្ដាល)ថ្ងៃចន្ទ ១១កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី១៨ ខែតុលា ឆ្នាំ២០២១ ឯកឧត្តម ណុប ដារ៉ា អភិបាលរង នៃគណៈអភិបាលខេត្តកណ្តាល និងប្រធានមន្ទីជំនាញពាក់ព័ន្ធជុំវិញខេត្តកណ្តាល មានការចូលរួមដោយលោក ចាន់ តារា អភិបាលរងស្រុកខ្សាច់កណ្តាល បានអញ្ជើញបើកកិច្ចប្រជុំស្តីពីការពិនិត្យ ការដឹកជញ្ជូន ការធ្វើអាជីវកម្មធនធានរ៉ែ នៅក្នុងស្រុកខ្សាច់កណ្តាល ស្រុកល្វាឯម មានការចូលរួមដោយ៖ លោកប្រធានការិយាល័យជំនាញជុំវិញស្រុក លោក លោកស្រីអាជ្ញាធរឃុំ ភូមិ ទាំង៣ឃុំបងប្អូនប្រជាពលរដ្ឋដែលប្រកបមុខរបរអាជីវកម្ម រ៉ែ ដឹកដី ដឹកខ្សាច់ គ្រួស នៅក្នុងឃុំស្វាយជ្រំ ព្រែកតាកូវ ព្រែកលួង ក្នុងស្រុកខ្សាច់កណ្តាល ។ ដោយមានមតិលើកឡើងពីបញ្ហាប្រឈមផ្សេងៗមានដូចជាបញ្ហាខូចផ្លូវខ្លាំង ទឹកដកតាមដងផ្លូវ និងសំណូមពរដល់អាជីវករទាំងអស់ចូលរួមអនុវត្តមានដូចជា៖ 1. ត្រូវចូលរួមអនុវត្ត និងគោរពច្បាប់ចរាចរណ៍ 2. ម្ចាស់ដេប៉ូត្រូវមានច្បាប់អាជីវកម្មត្រឹមត្រូវ 3. ម្ចាស់ដេប៉ូត្រូវពិនិត្យ ឡានរបស់ខ្លួនមុននឹងចេញដំណើរដោយមានការសម្អាតឡាន រក្សា និងគ្រប់គ្រងអាជីវកម្មរបស់ខ្លួនអោយបានត្រឹមត្រូវមិនអោយមានផលប៉ះពាល់ដល់សាធារណៈឡើង។ ជាលទ្ធផល៖ ប្រជាពលរដ្ឋជាអាជីវករប្រកបមុខរបរអាជីវកម្ម […]
