ខេត្តស្វាយរៀង៖ ជនសង្សយ័ចំនួន០៦នាក់(ស្រី០១នាក់)រួមជាមួយវត្ថុតាង ដែលជាប់ទាក់ទិនក្នុងករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន ត្រូវបានកម្លាំងជំនាញផែនការងារប្រឆាំងគ្រឿងញៀន នៃស្នងការដ្ឋាននគរបាលខេត្តស្វាយរៀង បញ្ជូនទៅកាន់សាលាដំបូងខេត្ត ដើម្បីចាត់ការបន្តតាមច្បាប់នៅព្រឹកថ្ងៃទី២៦ ខែវិច្ឆិកា ឆ្នាំ២០២ នេះ។
សមត្ថកិច្ចបានឲ្យដឹងថា ក្នុងប្រតិបត្តិការបង្ក្រាបករណីជួញដូរគ្រឿងញៀនខាងលើនេះគឺធ្វើឡើងកាលពីថ្ងៃទី២៤.២៥ ខែវិច្ឆិកា ឆ្នាំ២០២០ ក្រោមការដឹកនាំចង្អុលបង្ហាញពីលោកឧត្តមសេនីយ៍ទោ កឹង ឃន ស្នងការនគរបាលខេត្ត និងដឹកនាំបញ្ជារផ្ទាល់ពីលោកឧត្តមសេនីយ៍ត្រី កែវ សុថា ស្នងការរងទទូលផែនការងារប្រឆាំងគ្រឿងញៀន និងលោកវរសេនីយ៍ឯក កាន កេន នាយការិយាលយ័ប្រឆាំងគ្រឿងញៀនខេត្ត និងស្ថិតក្រោមការសម្របសម្រូលនីតិវិធីពីឯកឧត្តម ខាំ សុផារី ព្រះរាជអាជ្ញាអមសាលាដំបូងខេត្តស្វាយរៀងកម្លាំងការិយាលយ័ជំនាញ សហការជាមួយកម្លាំងអធិការដ្ឋាននគរបាលស្រុកស្វាយទាប និងកម្លាំងអធិការដ្ឋាននគរបាលក្រុងបាវិត បានបើកប្រតិបត្តិការស្រាវជ្រាវ បង្ក្រាបឃាត់ខ្លួនជនសង្សយ័ជាបន្តបន្ទាប់និងរឹបអូសវត្ថុតាងថ្នាំញៀនប្រភេទមេតំហ្វេតាមីនចំនួន០៧កញ្ចប់(ធំ០២កញ្ចប់)- ជញ្ជីងថ្លឹងថ្នាំញៀន០១គ្រឿង -ទូរសព្ទ័ដៃ០៦គ្រឿង-ម៉ូតូ០២គ្រឿង ព្រមទាំងឧបករណ៍ជក់ប្រើប្រាស់និងសម្ភារះវេចខ្ចប់ថ្នាំញៀនមួយចំនួនទៀត។
