ព័ត៌មានសុខភាព និងសម្រស់

  ប៉ៃលិន៖ មានប្រសាសន៍លើកឡើងក្នុងឱកាសអញ្ជើញពិនិត្យមើល ក្រុមការងាររបស់រដ្ឋបាលខេត្ត បន្តដាំដើមផ្កាក្ងោក បន្ថែមទៀត នារសៀលថ្ងៃទី១៤ ខែកក្កដាឆ្នាំ២០២៤ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានថ្លែងឱ្យដឹងថា៖ នៅថ្ងៃអនាគត់ដើមផ្កាក្ងោក រាប់ពាន់ ដើម នឹងត្រូវបានដាំដុះ និងបង្ហាញសម្រស់គួរឱ្យទាក់ទាញ នៅតាមទីសាធារណៈ និងអមសងខាងផ្លូវទូទាំងខេត្ត ដូច្នេះអំពាវនាវឱ្យមានការ ចូលរួមពី សំណាក់បងប្អូនប្រជាពលរដ្ឋ និងគ្រប់មជ្ឈដ្ឋានទាំងអស់ ហើយរួមគ្នាថែទាំ ដើម្បីលើកកំពស់សោភ័ណភាព និងបង្កើតជា គម្របបរិស្ថានបៃតងក្នុងខេត្ត ។ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍លើកឡើងថា៖ បច្ចប្បន្ន រដ្ឋបាលខេត្តប៉ៃលិន បានខិតខំកែលម្អហេដ្ឋារចនាសម្ព័ន្ធសាធារណៈនានា រួមទាំងការដាំដើមឈើ ការដាំផ្កាលំអបន្ថែម និងការថែទាំ ព្រមទាំង ការ កែ រ លម្អហេដ្ឋារចនាសម្ព័ន្ធសួនច្បារ ឱ្យបានកាន់តែល្អឡើង ដើម្បីឆ្លើយតបទៅនឹងតំរូវការរបស់ប្រជាពលរដ្ឋលើផ្នែក បរិស្ថាន សុខភាព ក៍ដូចជាបន្ថែមក្រវាត់ពណ៌បៃតងក្នុងទីក្រុង ប្រកបដោយសោភ័ណភាពស្រស់បំព្រង ក្នុងការទាក់ទាញ ភ្ញៀវជាតិ និងអន្តរជាតិ […]

  ឧត្តរមានជ័យ:ក្រោយពីក្រុមអាជីវករលក់ដូរជាច្រើនតូបនាំគ្នាលើកឡើងហើយត្អូញត្អែរអំពីក្រុមហ៊ុនប្រមូលសំរាមមានការយឺតយ៉ាវ ទុកយូរថ្ងៃធ្វើឲ្យពួកគាត់ពិបាកក្នុងការរស់នៅលក់ដូរគ្មានភ្ញៀវចូលទិញជាប្រចាំថ្ងៃផងនោះ ដោយអ្នកខ្លះទ្រាំលែងបានរហូតដល់ទៅមានការរិះគន់ផុសចែករំលែកនៅលើបណ្តាញសង្គមថែមទៀតដើម្បីឲ្យអាជ្ញាធរជួយរកដំណោះស្រាយជូនពួកគាត់។ ប្រភពពីក្រុមអាជីវករលក់ដូរនៅខាងមុខផ្សារសំរោងបានអះអាងថា ចំពោះបញ្ហាសម្រាមនេះសំណូមពរទៅ អាជ្ញាធរពាក់ព័ន្ធ គួរតែចាត់វិធានការទៅក្រុមហ៊ុនប្រមូលសម្រាមផង បើសិនទុកត្រឹមតែ៣ថ្ងៃអីនឹង មិនជាមានបញ្ហាធំក្លិនស្អុយចេញមកក្រៅខ្លាំងនោះទេ តែនេះសម្រាមទុកនៅឡើងគររយ:ពេលយូរពេករហូតដល់ទៅជាង១សប្តាហ៏ទើបពួកគាត់ទ្រាំលែងបាននាំគ្នារអ៊ូរទាំទៅពីព្រោះខំបង់ថ្លៃអនាម័យប្រចាំខែក្នុងម្នាក់ៗមិនដែលខកខានទេ រាប់សិបឆ្នាំមកហើយ។   ជាក់ស្តែងនៅរសៀលថ្ងៃទី០៥ខែមិថុនាឆ្នាំ២០២៤នេះ ផ្ទាល់តែម្តង លោកប៊ុន វ៉ាន់ដេតអភិបាលរងតំណាងឲ្យលោកផុន ចាន់និលអភិបាលក្រុងសំរោងដឹកនាំកម្លាំងគណៈបញ្ជាការឯកភាព មានទាំង កងកម្លាំងប្រដាប់អាវុធ ចុះទៅដល់ទីតាំងផ្ទះលក់ដូររបស់បងប្អូនអាជីវករដែលបានលើកឡើងថា ក្រុមហ៊ុនប្រមូលសម្រាមទុកយូរមិនព្រមមកយកនោះ ខណ:នេះដែរលោកអភិបាលរងក្រុងសំរោងបានជួបបងប្អូនអាជីវករនៅតាមខ្នងផ្ទះដើម្បីសួរអំពីព័ត៌មានលម្អិតចំពោះដើមចមក្នុង ការយឺតយ៉ាវរបស់ក្រុមហ៊ុនប្រមូលសំរាមហើយនិងមួយទៀតប្រសិនបើ ករណីនេះនៅតែមានបញ្ហាជាបន្តបន្ទាប់ទៀតនោះខាង អាជ្ញាធរក្រុងនិងចាត់វិធានការ កែសម្រួល ទៅឲ្យក្រុមហ៊ុន កែប្រែនូវកត្តាយឺតយ៉ាវមួយចំនួនឲ្យបានល្អប្រសើរឡើងវិញ ហើយបញ្ជាក់ឲ្យបានច្បាស់អំពីមូលហេតុរាល់ការយឺតយ៉ាវនោះមកពីកត្តាអ្វីឲ្យប្រាកដ។ ដោយឡែកលោកផុន ចាន់និល អភិបាលក្រុងសំរោងបានបញ្ជាក់ប្រាប់ឲ្យដឹងនៅថ្ងៃទី០៥ខែមិថុនាឆ្នាំ២០២៤នេះថា ចំពោះករណីនេះបន្ទាប់ពីមានការរាយការណ៍ពីបងប្អូនអាជីវករលោកបានចាត់តាំងឲ្យមន្ត្រី របស់រដ្ឋបាលក្រុងសំរោងចុះទៅដល់ សួរដោយផ្ទាល់អំពីព័ត៌មានជាក់លាក់ហើយមួយវិញទៀតបញ្ហា អស់ទាំងនេះពុំមែនតែមានការលើកឡើងពីបងប្អូនមួយចំហៀងយើងដាក់បន្ទុកទៅលើក្រុមហ៊ុននោះទេ គឺយើងធ្វើដោយ ឈរលើឆន្ទ:មានតម្លាភាព ហើយចំពោះ ការយឺតយ៉ាវរបស់ក្រុមហ៊ុនក្នុងការប្រមូលសំរាមនេះ នៅថ្ងៃទី៧ខែមិថុនាឆ្នាំ២០២៤នេះលោកនឹងកោះអញ្ជើញតំណាងក្រុមហ៊ុនដើម្បីមកប្រជុំពិភាក្សាពង្រឹងលើកិច្ចការងារប្រមូលសំរាមកុំឲ្យមានការយឺតយ៉ាវបន្តទៀតមួយវិញទៀតក្នុងនាមរដ្ឋបាលក្រុងសំរោង នៅតែទទួលយករាល់សំណូមពរបញ្ហាផ្សេងៗពីបងប្អូនអាជីវករគ្រប់ពេលវេលាជានិច្ច។ សូមជម្រាបផងដែរថាបើយោងទៅតាមការលើកឡើងរបស់រដ្ឋបាលក្រុងបានអះអាងថាចំពោះកិច្ចការងារនេះ យើង ពុំមែនធ្វើតែមួយពេលនោះទេគឺធ្វើឡើងរៀងរាល់ថ្ងៃតែម្តង ដើម្បីឲ្យ ក្រុងយើងស្អាត ទាល់តែមានកិច្ចសហការពីបងប្អូន នៅតាមតូប ក៏ដូចជានៅតាមខ្នងផ្ទះ ជួយវិចខ្ចប់ ទុកដាក់សម្រាប់ឲ្យបានត្រឹមត្រូវ ហើយមួយទៀត ក្រុមបងប្អូនអាជីវករដែលបានលើកឡើង […]

  ឧត្តរមានជ័យ:បងប្អូនដែលជាអាជីវករលក់ដូរនៅខាងមុខផ្សារសំរោងក៏ដូចជានៅក្នុងផ្សារ អ្នករស់នៅតាមដងផ្លូវតំបន់ទីប្រជុំជន នាំគ្នាត្អូញត្អែរហើយរអ៊ូរទាំទៅលើ ក្រុមហ៊ុនប្រមូលសម្រាម នឹងខាងភាស៊ីផ្សារ ដែលតែងតែឲ្យកូនចៅ អ្នកដើរប្រមូល យក លុយថ្លៃអនាម័យពីអាជីវករលក់ដូរជាប្រចាំថ្ងៃ ចំណែកការមកដឹកជញ្ជូនសម្រាមវិញមានការយឺតយ៉ាវទុកឲ្យសំរាមស្អុយរលួយនៅខាងមុខផ្សាររហូតជិតទៅដល់ដប់ថ្ងៃក៏មានដែរ។ ទីតាំង គំនរសំរាមនេះដែរ ស្ថិតនៅខាងមុខផ្សារសំរោង នឹងមួយផ្នែកទៀត មានសម្រាមជាច្រើនកន្លែងននៅតាមដងផ្លូវសាធារណ: ស្ថិតនៅក្នុងសង្កាត់សំរោង ក្រុងសំរោង ខេត្តឧត្តរមានជ័យផ្ទាល់តែម្ដង ។លើ បើតាមការលើកឡើងពី អាជីវករលក់ដូរនៅមុខផ្សារសំរោងបានរៀបរាប់ឲ្យដឹងកាលពីថ្ងៃទី០៣ខែមិថុនាឆ្នាំ២០២៤ម្សិលមិញនេះថា ជារៀងរាល់ថ្ងៃ បុគ្គលិកភាសុីផ្សារ តែងតែដើរប្រមូលលុយថ្លៃ អនាម័យជាប្រចាំដោយពុំដែលខានមួយថ្ងៃនោះឡើយ ដោយឡែកខាងក្រុមហ៊ុនប្រមូលសម្រាមវិញ ដាច់ខែមិនទាន់នោះទេ ដឹងតែមកដល់មុខផ្ទះហុចវិក័យប័ត្រយកលុយគ្មានខ្វះ១រៀលនោះទេ ចំណែកចំពោះការប្រមូលសំរាមវិញមានការយឺតយ៉ាវ រហូតដល់ទៅដប់ថ្ងៃធ្វើឲ្យប៉ះពាល់ដល់បរិស្ថានសុខភាពការរស់នៅប្រចាំថ្ងៃខ្យល់ដកដង្ហើមរបស់ពួកគាត់ ពិបាកដកដង្ហើមយ៉ាងខ្លាំង។ ប្រជាពលរដ្ឋដែលជាអាជីវករលក់ដូរនៅខាងជើងផ្សារសំរោងបានត្អូញត្អែរនិងរៀបរាប់ប្រាប់ថា ក្នុងនាមពួកគាត់ដែលជាអាជីវករលក់ដូរពុំមានចង់បានអ្វី នោះទេគ្រាន់តែស្នើរឲ្យអាជ្ញាធរពាក់ព័ន្ធជួយមានវិធានការទៅលើក្រុមហ៊ុនប្រមូលសម្រាម នឹងភាសុីផ្សារដែលដេញថ្លៃផ្សារបានហើយ នៅពេលដែលឲ្យកូនចៅដើរយកលុយប្រចាំថ្ងៃ ថ្លៃអនាម័យនោះមេត្តាជួយយកសំរាមឲ្យបានលឿនផងបើសិនជាទុកត្រឹមមួយថ្ងៃពីរថ្ងៃ ក៏ពួកគាត់ពុំថានោះទេ តែនេះ ទុករយ:ពេលរហូតដល់១សប្តាហ៍ទៅ១០ថ្ងៃធ្វើឲ្យមានក្លិនស្អុយរលួយចេញដង្កូវពីថង់ អ៊ីចឹងនោះទេ ពួកគាត់ពិបាកក្នុងការរស់នៅក៏ដូចជាលក់ដូរខណៈពេលខែនេះគឺជារដូវធ្លាក់ភ្លៀង មកជាបន្តបន្ទាប់ធ្វើឲ្យសំរាមដែលមានក្លិនស្អុយខ្លាំងដោយទ្រាំពុំបាននោះឡើយ។ ជុំវិញការលើកឡើងពីក្រុមអាជីវករលក់ដូរក៏ដូចជាប្រជាពលរដ្ធដែលរស់នៅខាងជើងផ្សារសំរោង ត្អូញត្អែរអំពីរឿងក្រុមហ៊ុនប្រមូលសម្រាម ក៏ដូចជាភាស៊ីផ្សារដើរប្រមូលលុយថ្លៃអនាម័យប្រចាំថ្ងៃនេះដែរ លោកផុន ចាន់និល ភិបាលក្រុងសំរោងបានបញ្ជាក់ប្រាប់ឲ្យដឹងនៅថ្ងៃទី០៤ខែមិថុនាឆ្នាំ២០២៤នេះថា ចំពោះបញ្ហាទាំងអស់នេះនៅថ្ងៃទី១១ខែមិថុនាឆ្នាំ២០២៤ខាងមុខនេះលោកនឹង បើកកិច្ចប្រជុំជាមួយនឹងក្រុមហ៊ុននៅលើកទី៣ហើយដើម្បីពង្រឹងលើ ការប្រមូលសម្រាម កុំឲ្យមានការយឺតយ៉ាវតទៅទៀត ម៉្យាងទៀតក្រោយពីទទួលពត៌មានពីបងប្អូនអាជីវករមកថា […]

  ខេត្តប៉ៃលិន ៖ ចំនួនភ្ញៀវទេសចរណ៍ដែលធ្វើដំណើរមកពីតាមបណ្តាខេត្តនានា ដូច ជាខេត្តបាត់ដំបង បន្ទាយមានជ័យ ពោធិ៍សាត់ រហូតដល់រាជធានីភ្នំពេញ ពេលជួបជាមួយភ្នាក់ងារសារ ព័ត៌មានពួកគាត់ម្នាក់ៗ ពោលសរសើរទេសភាពរមណីយដ្ឋានធម្មជាតិ ទឹកធ្លាក់ភ្នំខៀវថា មានទេសភាព ស្រស់ស្អាតជាងគេ នៅទូទាំងខេត្តប៉ៃលិន ជាពិសេសមានទឹកជ្រោះច្រើនជាន់ អំណោយផលឱ្យពួកគាត់ អាចនាំគ្នាចុះទៅងូតលេងកំសាន្តយ៉ាងត្រជាក់កាយសប្បាយចិត្ត ជាពិសេសនាឱកាសបុណ្យចូលឆ្នាំចិន ឆ្នាំ២០២៤នេះតែម្តង។ សូមបញ្ជាក់ផងដែរថា ចំនួនភ្ញៀវទេសចរទាំងនោះ បានចូលមកទស្សនា និងដើរលេងកំសាន្ត នៅតាមរមណីយដ្ឋាននានាក្នុងខេត្តប៉ៃលិន ដូចជារមណីយដ្ឋានម្លប់សាវម៉ាវ រមណីយដ្ឋានចំការខ្នុរ រមណីយដ្ឋាន ស្ទឹងត្រជាក់ចិត្ត ព្រមទាំងរមណីយដ្ឋានមួយចំនួនដែលទើបនឹងបង្កើតថ្មីក៏ដោយ គឺរមណីយដ្ឋានទឹកធ្លាក់ភ្នំខៀវ ទទួលបានភ្ញៀវទេសចរច្រើនជាងគេ ខណ:ដែលអាជ្ញាធរខេត្តប៉ៃលិន បានធ្វើការរៀបចំតុបតែងយ៉ាងស្រស់ស្អាតគួរឱ្យកោតសរសើរ ទើបធ្វើឱ្យរមណីយដ្ឋានមួយនេះប្រែក្លាយទៅជាកន្លែងដ៍ទាក់ទាញបំផុត និងមានភាពស្រស់ត្រកាលគួរឱ្យចង់គយគន់ ព្រោះមានអំណោយផលធម្មជាតិដើមឈើដុះត្រឈឹង ត្រឈៃនៅសងខាងផ្លូវ និងជុំវិញកន្លែងកម្សាន្ត។ ភ្ញៀវទេសចរ ឈ្មោះ សុខ ណាវី ភេទស្រី អាយុ២៨ឆ្នាំ និង ឈ្មោះ កែវ រចនា ភេទស្រី អាយុ២៥ឆ្នាំ មកពីខេត្តបាត់ដំបង បានឱ្យភ្នាក់ងារយើងដឹងថា ៖ […]

  បន្ទាយមានជ័យ: អំណោយរួមមានអង្ករ២៥គីឡូក្រាម, មី១កេស, ត្រីខ២យួរ, ប្រេងឆា១ដប, ស្ករស១គីឡូក្រាម, ប្រេងកូឡា១ដប,ទឹកសុទ្ឌ២យួរ,ជែលលាងសម្អាតដៃ៤ដប, សារុង១,អាវយឺតកមូល៥ ,ថវិកាសាខា និងថវិកាផ្ទាល់របស់ឯកឧត្តមនិងលោកជំទាវមួយចំនួនផងនោះនៅព្រឹកថ្ងៃពុធ ទី១៧ ខែសីហា ឆ្នាំ២០២២ ត្រូវបានឯកឧត្តមអ៊ុំ រាត្រី អភិបាលខេត្ត និងជាប្រធានគណៈកម្មាធិការសាខា និងលោកជំទាវ បាន ដឹកនាំក្រុមការងារចុះសួរសុខទុក្ខគ្រួសារអ្នករស់នៅជាមួយមេរោគអេដស៍ចំនួន១៥គ្រួសារ មកពី៨ភូមិ នៃឃុំបត់ត្រង់ ស្រុកមង្គលបូរី។ ក្នុងឱកាសសាកសួរសុខទុក្ខនេះដែរ ឯកឧត្តម អ៊ុំ រាត្រី បាននាំនូវប្រសាសន៍ផ្តាំផ្ញើសាកសួរសុខទុក្ខពីសម្តេចកិត្តិព្រឹទ្ឌបណ្ឌិតប៊ុន រ៉ានីហ៊ុនសែនប្រធានកាកបាទក្រហមកម្ពុជា លោកតែងតែយកចិត្តទុក្ខដាក់ដល់ទុក្ខលំបាករបស់ប្រជាពលរដ្ឋទូទាំងប្រទេសដែលជួបការលំបាកខ្វះខាតជានិច្ច ។ នាពេលជាមួយគ្នានេះឯកឧត្តមប្រធានសូមអរគុណដល់អាជ្ញាធរភូមិ ឃុំនិងមណ្ឌលសុខភាពបត់ត្រង់ដែលបានសហការជាមួយសាខាកក្រកដោយសាខាបានអនុវត្តយោងតាមផែនការសកម្មភាពប្រចាំឆ្នាំ២០២២។ ឯកឧត្តមប្រធានបានណែនាំដល់បងប្អូនដែលផ្ទុកមេរោគអេដស៍ទាំងអស់គ្នាត្រូវចេះថែរក្សាសុខភាព បើមានបញ្ហាត្រូវរកមណ្ឌលសុខភាពឬមន្ទីរពេទ្យមិនត្រូវលាក់លៀម ព្រោះឥឡូវមិនមានការរើសអើងអ្វីនោះទេ។  

បាត់ដំបង៖ ក្រុមយុវជននិងយុវនារីជាច្រើននាក់ ខណ:ពួកគេតែងតែប្រមូលផ្តុំពពាក់ពពូនគ្នាពេលយប់ជ្រៅៗ នៅតាមសួនច្បារសារធារណៈក្នុងក្រុងបាត់ដំបង ត្រូវបានកម្លាំងអធិការនគរបាលក្រុងបាត់ដំបង ចុះអនុវត្តប្រមូលពួកគេទាំងនោះទៅសាកសួរ។ សមត្ថកិច្ចបានឲ្យដឹងថា ដោយសារពួកគេជាក្រុមយុវជនប្រុស/ស្រីទាំងអស់នេះតែងតែប្រមូលផ្តុំពពាក់ពពូនគ្នានៅពេលយប់ជ្រៅៗ ដើម្បីរក្សាសន្តិសុខសណ្តាប់ធ្នាប់សង្គមស្របតាមគោលនយោបាយភូមិ/ឃុំមានសុវត្ថិភាព និង តាមការណែនាំរបស់លោកស្នងការ កម្លាំងសមត្ថកិច្ចបានប្រមូលពួកគេសង្ស័យប្រើប្រាស់គ្រឿងញៀនយកមកពិនិត្យ នឹង ស្វែងរកអ្នកពាក់ព័ន្ធជាមួយនូវសារធាតុញៀនជាដើម។ សមត្ថកិច្ចខាងលើដដែលបានបន្តថា ការអនុវត្តនេះក្នុងគោលបំណងធានានូវសុវត្ថិភាពជូនដល់ប្រជាពលរដ្ឋ ដែលកន្លងមកតែងតែមានភាពអសន្តិសុខ រួមមានអំពើលួច ឆក់ ប្លន់អំពើចោរកម្មជាដើម ផ្តើមចេញពីប្រភពយុវជននិងយុវនារី។ សមត្ថកិច្ចបន្តថា ហេតុការណ៍នេះបានធ្វើឡើង នៅវេលាម៉ោង១១:០០នាទីយប់ ថ្ងៃទី០៨ ខែសីហា ឆ្នាំ២០២២ នៅសួនច្បារសាធារណ:សម្តេចក្រឡាហោម ស ខេង ស្ថិតក្នុងភូមិ រំចេក៤ សង្កាត់រតន:ក្រុង/ខេត្តបាត់ដំបង។ ប្រជាពលរដ្ឋក្នុងក្រុងបាត់ដំបងមានការសាទរដល់សមត្ថកិច្ចអាជ្ញាធរនិងថ្នាក់ដឹកនាំខេត្ត/ក្រុងដែលមានចំណាត់ការល្អបែបនេះជាខ្លាំង ។ពួកគាត់បានសំណូមពរដល់អាជ្ញាធរមានសមត្ថកិច្ចធ្វើការចុះអនុវត្តបែបនេះឱ្យបានជារៀងរាល់យប់ ដើម្បីសុវត្ថិភាពក្នុងមូលដ្ឋានមានសន្តិសុខល្អ៕ #ដោយលោកអ៊ន អឿម  

អាវុធហត្ថ​ខេត្តបន្ទាយមានជ័យ​ បញ្ជូន ជនជាតិថៃ​ ម្នាក់​ ករណី រក្សាទុក និងប្រើប្រាស់ដោយខុសច្បាប់នូវសារធាតុញៀនទៅកាន់សាលាដំបូងខេត្តចាត់ការតាមនីតិវិធី…..(ខេត្តបន្ទាយមានជ័យ)​ ៖​ កម្លាំងអាវុធហត្ថ​ក្រុង​ប៉ោយប៉ែត​ បានបេីកប្រតិបត្តិការបង្ក្រាបករណី រក្សាទុក និងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនជនសង្ស័យជនជាតិថៃ​ម្នាក់​ រួមនឹងថ្នាំញៀន​មួយចំនួន នៅវេលាម៉ោង ០៣និង៣០នាទី ថ្ងៃទី១៥ ខែកក្កដា​ ឆ្នាំ​២០២២ នៅចំណុចផ្សាររាត្រីទឹកពុះ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បញ្ជូនមកកាន់មូលដ្ឋានកងរាជអាវុធហត្ថក្រុងប៉ោយប៉ែត​ ដេីម្បីអនុវត្តតាមនីតិវិធី។ លោកវរសេនីយ៍ត្រី​ នួន​ នីណារ៉ូ​ មេបញ្ជាការមូលដ្ឋានកងរាជអាវុធហត្ថក្រុង​ប៉ោយប៉ែត​ បានឲ្យដឹងថា​ ជនសង្ស័យ​ដែលកម្លាំងបានឃាត់ខ្លួនឈ្មោះ គៀតតិសាក់ ខានភីត ភេទប្រុស អាយុ២២ឆ្នាំ ជនជាតិថៃ មុខរបរ បុគ្គលិកកាស៊ីណូ ទីកន្លែងកំណើតខេត្តសមុទ្របាកាន ប្រទេសថៃ បច្ចុប្បន្ន​ស្នាក់នៅបណ្តោះអាសន្នភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។ ក្នុងប្រតិបត្តិការ​កម្លាំងអាវុធហត្ថ​យេីងបានដកហូតសម្ភារៈវត្ថុតាងរួមមាន​ -ម្សៅក្រាម ពណ៌ស(ខេហិត) ចំនួន០៤កូនថង់កិប ទម្ងន់ ២,១៣ក្រាម​,​ -ថ្នាំគ្រាប់រាងមូលពណ៌កាហ្វេ(ថ្នាំក្រវី) ចំនួន ០១គ្រាប់កន្លះ […]