ឧត្តរមានជ័យ:ក្រុមការងារមន្ទីរសាធារណការនិងដឹកជញ្ជូនខេត្តឧត្តរមានជ័យបានដាក់គ្រឿងចក្រធ្វើការស្ថាបនាជួសជុលស្តារឡើងវិញផ្លូវក្នុងតំបន់ទីប្រជុំជន ស្ថិតនៅក្នុង ក្រុងសំរោង ខេត្តឧត្តរមានជ័យ នេះបើយោងតាមការអះអាងបញ្ជាក់ពីលោកប៉ាង សំអាត អនុប្រធានមន្ទីរសាធារណការនិងដឹកជញ្ជូនខេត្តឧត្តរមានជ័យនៅថ្ងៃទី២៨ខែវិច្ឆិកាឆ្នាំ២០២៥។
លោកប៉ាង សំអាត អនុប្រធានមន្ទីរ សាធារណការដឹកជញ្ជូនខេត្តឧត្តរមានជ័យបានរៀបរាប់បញ្ជាក់បន្ថែមថាការដាក់គ្រឿងចក្រជួសជុលផ្លូវនេះដែរដោយសារផ្លូវមួយចំនួនរងការខូចខាតដោយជំនន់ទឹកភ្លៀងក្រលីកក្រឡុក ពិបាកដល់ការធ្វើដំណើររបស់បងប្អូនប្រជាពលរដ្ធ ពីព្រោះថានៅក្នុងតំបន់ទីប្រជុំជនមមាញឹកក្នុងការធ្វើចរាចរណ៍របស់ពួកគាត់ទាំងថ្ងៃទាំងយប់។
ជាក់ស្តែងការដាក់គ្រឿងចក្រចុះធ្វើផ្លូវនេះដែរគឺដោយ យោងទៅតាមការចង្អុលបង្ហាញពីលោកឈឿង ផលលាង ប្រធានមន្ទីរដែលជានិច្ចកាលបានឲ្យក្រុមការងារចុះពិនិត្យ ផ្លូវក្នុងតំបន់ទីប្រជុំជនក៏ដូចជាផ្លូវ ជាតិមួយចំនួនដើម្បីធ្វើការជួសជុលជាប់ជាប្រចាំ។
សូមជម្រាបផងដែរថាចំពោះផ្លូវនៅក្នុងតំបន់ទីប្រជុំជន មួយចំនួននេះដែរ ក្រុមការងាររបស់មន្ទីរសាធារណការនិងដឹកជញ្ជូនខេត្តនៅតែបន្តក្នុងការថែទាំជួសជុល ជាបន្តបន្ទាប់ផងដែរ។(ដោយឈឿន ប៊ុនឈី)