ព័ត៌មានសិល្បះ និងកីឡា

  ខេត្តឧត្តរមានជ័យ:មន្ទីរវប្បធម៌និងវិចិត្រសិល្បៈ បានប្រារព្វរៀបចំ ពិធីអបអរសាទរ ទិវាវប្បធម៌ជាតិ ៣មីនាក្រោមប្រធានបទ យុវជនដើម្បីវប្បធម៌ជាតិ ដែលវិធីនេះដែលប្រព្រឹត្តធ្វើឡើងនៅព្រឹកថ្ងៃទី២៥ខែមីនាឆ្នាំ២០២៥នេះស្ថិតនៅក្នុងបរិវេណសាលប្រជុំនៃមន្ទីរអប់រំយុវជននិងកីឡាខេត្តឧត្តរមានជ័យ នៅក្នុងនោះដែរក៏មានការអញ្ជើញចូលរួមពីលោកប្រធានមន្ទីរអង្គភាពជុំវិញខេត្ត សិស្សានុសិស្ស លោកគ្រូអ្នកគ្រូជាច្រើននាក់ ផងដែរ ។ លោកហុង យឿន ប្រធានមន្ទីរវប្បធម៌និងវិចិត្រសិល្បៈបានលើកឡើងថា ការប្រារព្ធរៀបចំពិធី នេះឡើងគឺធ្វើឡើងដើម្បីអបអរសាទរ ទិវាវប្បធម៌ជាតិ ៣មីនាលើកទី២៧ឆ្នាំ២០២៥(ក្រោមវិធានបទយុវជនដើម្បីវប្បធម៌ជាតិ) ជំនួសមុខឲ្យមន្ទីរវប្បធម៌និងវិចិត្រសិល្បៈនិងមន្ត្រីរាជការចំណុះឲ្យមន្ទីរទាំងមូល ខ្ញុំបាទសូមសម្ដែងភាវកិច្ចស្វាគមន៍ ដ៏ជ្រាលជ្រៅប្រកបដោយការដឹងគុណចំពោះវត្តមានឯកឧត្តមលោកជំទាវលោកលោកស្រីគណៈធិបតីភ្ញៀវកិត្តិយសដែលបានអញ្ជើញចូលរួមក្នុងកម្មវិធីនេះយ៉ាងច្រើនកុះករ ។ លោកប្រធានមន្ទីរវប្បធម៌និងវិចិត្រសិល្ប:បាន លើកឡើងបន្តថាទិវាវប្បធម៌ជាតិ៣មីនា គឺជាព្រឹត្តិការណ៍ជាតិដ៏សំខាន់ដើម្បីរំលឹកគុណូបក្ការៈដល់បុព្វបុរសខ្មែរគ្រប់ជំនាន់ដែលបានពលីកម្លាំងកាយចិត្តប្រាជ្ញាស្មារតីដើម្បីបង្កើតនូវវប្បធម៌ដ៏សម្បូរបែបរួមមាន ជាអាទិ៍ ប្រាសាទបុរាណ សំណង់ប្រវត្តិសាស្ត្របេតិកភណ្ឌ សិល្បៈ ចម្លាក់របាំប្រពៃណី ទំនៀមទម្លាប់ក្បូរក្បួនច្បាប់ទាំងឡាយដែលជាមរតកព្រលឹងជាតិខ្មែរ មរតកវប្បធម៌ជាតិដ៏សម្បូរបែបទាំងអស់នេះអាច បន្តនិរន្តរភាពបានគង់វង្ស បានគឺត្រូវពឹងផ្អែកលើអ្នកបន្តវេនជាយុវជនជំនាន់ក្រោយ សម្រាប់មើលថែបន្តទៅថ្ងៃអនាគត។ ថ្លែងនៅក្នុងពិធីនេះដែរ ឯកឧត្ដម សុឹមវុទ្ធា អភិបាលរងខេត្ត បានមានប្រសាសន៍ថា ភាពចាំបាច់ក្នុងការពង្រឹងស្មារតីស្នេហាមរតកព្រលឹងជាតិខ្មែរឲ្យបានគង់វង្ស បានជានិរន្តពីរដ្ឋាភិបាលដែលមានក្រសួងវប្បធម៌និងវិចិត្រសិល្បៈជាសេនាធិការបានកំណត់យកពាក្យស្លាក យុវជនដើម្បីវប្បធម៌ជាតិ ជាប្រធានបទនៃទិវាវប្បធម៌ជាតិ៣មីនា ក្នុងគោលបំណងបំផុសចលនាដល់យុវជនឲ្យចូលរួមយ៉ាងមោះមុតក្នុងការអភិរក្សនិងអភិវឌ្ឍន៏មរតកវប្បធម៌ជាតិនឹងបន្តផ្ទេរមរតទាំងអស់នេះទៅអ្នកជំនាន់ក្រោយពីមួយជំនាន់ទៅមួយជំនាន់ ឲ្យបានគង់វង្ស ចៀសវាងការបាត់បង់និងទប់ស្កាត់លំហូរចូលនៃវប្បធម៌អាក្រក់ផ្សេងៗពីបរទេស។ សូមជម្រាបថា បើយោងតាមប្រសាសន៏របស់ឯកឧត្តម អភិបាលរងខេត្តបានគូសបញ្ជាក់បន្ថែមថា ក្នុងនាមរដ្ធបាលខេត្ត ស្នើរទៅមន្ត្រីជំនាញបេតិកភណ្ឌសហការជាមួយរដ្ឋបាលក្រុងស្រុកទាំងប្រាំក្នុងការងារចុះបញ្ជីដីធ្លីស្ថានីយបុរាណទូទាំងខេត្តជាលក្ខណៈជាប្រព័ន្ធតាមផែនការរបស់ក្រសួងដែនដីនគររូបនីយកម្មនិងសំណង់ដែលជាសេនាធិការ របស់រាជរដ្ឋាភិបាលនិងស្របតាមផែនការរបស់ឯកឧត្តម […]

  ខេត្តឧត្តរមានជ័យ:កាលពីចុងសប្ដាហ៍កន្លងទៅនេះរដ្ឋបាលស្រុកបន្ទាយអំពិលបានរៀបចំ ការប្រកួតកីឡាមហាជនជ្រើសរើសជើងឯកថ្នាក់ស្រុកប្រចាំឆ្នាំ២០២៥ ដែលពិធីនេះដែរប្រព្រឹត្តធ្វើឡើងរយៈពេល៤ថ្ងៃស្ថិតនៅក្នុងបរិវេណនៃវិទ្យាល័យបន្ទាយអំពិលឃុំគោកមន ស្រុកបន្ទាយអំពិល ខេត្តឧត្តរមានជ័យ នៅក្នុងនោះដែរក៏មានការអញ្ជើញចូលរួមពី អស់លោកលោកស្រី លោកគ្រូ អ្នកគ្រូ សិស្សានុសិស្ស កងកម្លាំងប្រដាប់អាវុធ លោកមេឃុំ មកពីតាមបណ្ដាឃុំទាំង៤ ជាច្រើននាក់ ផងដែរ។ ថ្លែងនៅក្នុង ពិធីនេះដែរ លោក នៅសំតារារិទ្ធអភិបាលស្រុកបន្ទាយអំពិលបានលើកឡើងថា ការប្រកួតកីឡាបាល់ទាត់មហាជនជ្រើសរើសជើងឯកថ្នាក់ស្រុក ប្រចាំឆ្នាំ២០២៥នេះត្រូវបាន សហការពីការិយាល័យអប់រំយុវជននិងកីឡាស្រុក អស់លោកលោកស្រីចំណុះឲ្យរដ្ឋបាលស្រុកបន្ទាយអំពិលជាច្រើននាក់ ជាងនេះទៅទៀតការប្រកួតកីឡាមហាជនជើកឯកថ្នាក់ស្រុកបន្ទាយអំពិលជ្រើសរើសថ្នាក់ឯកប្រចាំឆ្នាំ២០២៥មានចំនួន ១២ ក្រុមបានដាក់ចូលរួមប្រកួតដល់ក្រុមកីឡាដែលមកពីបណ្ដាឃុំទាំង៤នៃស្រុកបន្ទាយអំពិល។ លោកអភិបាលស្រុកបានលើកឡើងបន្តថាឆ្លងតាមការប្រកួតយ៉ាងស្វិតស្វាញរយៈពេល៤ថ្ងៃគឺចាប់ផ្តើម គិតចាប់ពីថ្ងៃទី២០ដល់ថ្ងៃទី២៣ខែមីនាឆ្នាំ២០២៥កន្លងមកនេះ ដោយឈរលើស្មារតីចេះអធ្យាស្រ័យគ្នាមានសាមគ្គីភាពមិត្តភាពហើយប្រកាន់បានយ៉ាងខ្ជាប់ខ្ជួននូវ គោលការណ៍ច្បាប់បញ្ញត្តិនិងបច្ចេកទេសក្នុងពេលប្រកួត កន្លងមកយើងទទួលបាននូវលទ្ធផល បច្ចេកទេស បានល្អប្រសើរ។ ជាថ្មីម្តងទៀតក្នុងនាមគណៈកម្មការបច្ចេកទេសខ្ញុំសូមសម្តែងអំណរគុណយ៉ាងជ្រាលជ្រៅចំពោះអាជ្ញាធរ ស្រុកបន្ទាយអំពិលព្រមទាំងមន្ត្រីរាជការគ្រប់ជាន់ថ្នាក់ដែលបានជួយសហការយ៉ាងល្អប្រសើរនាំឱ្យការ ប្រកួតទទួលបានជោគជ័យគួរជាទីពេញចិត្ត។ សូមជម្រាបផងដែរថា បើយោងតាមការលើកឡើងពីលោកអភិបាលស្រុកបន្ទាយអំពិលបានគូសបញ្ជាក់ថាក្នុងនាមខ្ញុំផ្ទាល់ខ្ញុំសូមឆ្លៀតឱកាសដ៏មានសារៈសំខាន់នេះដើម្បីថ្លែងអំណរគុណដល់មន្ត្រី បច្ចេកទេសរបស់ការិយាល័យអប់រំយុវជននិងកីឡាស្រុកបន្ទាយអំពិលដែលបានសហការរៀបចំការប្រកួត កីឡាមហាជនជ្រើសរើសជើងឯកថ្នាក់ស្រុកប្រចាំឆ្នាំ២០២៥និងអនុវត្តសកម្មភាពតាមនិយាមបច្ចេកទេសបាន ត្រឹមត្រូវដែលជាហេតុជំរុញឲ្យការប្រកួតកីឡាបាល់ទាត់ទាំងមូលមានការដំណើរការល្អនិងឈរលើគណៈកម្មាការយុត្តិធម៌ហើយ ទទួលបានលទ្ធផលវិជ្ជមាននិងជោគជ័យយ៉ាងល្អ(ប្រសើរផងដែរ។ដោយឈឿន ប៊ុនឈី

  ឧត្តរមានជ័យ:យុវជនកាកបាទក្រហមកម្ពុជាបានរៀបចំព្រឹត្តការណ៍បោះជំរំថ្នាក់ជាតិនិងអន្តរជាតិឆ្នាំ២០២៤ដែលនឹងប្រព្រឹត្តទៅរយ:ពេល៥ថ្ងៃនៅក្នុងភូមិសាស្ត្រខេត្តឧត្តរមានជ័យគឺគិតចាប់ពីថ្ងៃទី២៩ខែវិច្ឆិកាឆ្នាំ២០២៤រហូតដល់ទៅថ្ងៃទី០៣ខែធ្នូឆ្នាំ២០២៤ខាងមុខនេះ។ ជាក់ស្តែងនៅព្រឹកថ្ងៃទី២៩ខែវិច្ឆិកាឆ្នាំ២០២៤នេះឯកឧត្តម មានចាន់យ៉ាដា អភិបាលខេត្តឧត្តរមានជ័យ បានដឹកនាំមន្ត្រីរាជការមន្ទីរអង្គភាពពាក់ព័ន្ធជុំវិញខេត្ត ចុះត្រួតពិនិត្យបន្ថែមក្នុងការរៀបចំបោះជំរំរបស់យុវជនកាកបាទក្រហមកម្ពុជាថ្នាក់ជាតិនិងអន្តរជាតិឆ្នាំ២០២៤ នៅខេត្តឧត្តរមានជ័យដែលមានទីតាំងស្ថិតនៅក្នុងបរិវេណពហុកីឡាដ្ធានខេត្ត។ គួររំលឹកថាបើយោងទៅតាមសេចក្តីជូនដំណឹងរដ្ឋបាលខេត្តឧត្តរមានជ័យ  បានប្រកាសថា ចាប់ពីថ្ងៃទី២៩ខែវិច្ឆិកាដល់ថ្ងៃទី៣ខែធ្នូឆ្នាំ២០២៤ អាជ្ញាធរមិនអនុញ្ញាតឲ្យសាធារណជន ប្រើប្រាស់និងបង្ហោះដ្រូន  ក្នុងភូមិសាស្រ្តក្រុង បរិវេណទីតាំងបោះជំរំ តាមបណ្តោយផ្លូវជាតិលេខ៦៨ ចាប់ពីក្រុងសំរោងដល់ស្រុកចុងកាល់ និងទីតាំងចែកអំណោយនៅឃុំចុងកាល់ ឡើយ  ។ ឯកឧត្តម មាន ចាន់យ៉ាដា អភិបាលខេត្តឧត្តរមានជ័យបានមានប្រសាសន៏ដោយលើកឡើងថា វិធានការនេះធ្វើឡើង ដើម្បីរក្សាសន្តិសុខ សណ្តាប់ធ្នាប់ របៀបរៀបរយសាធារណៈ និងសុវត្ថិភាពនៅជុំវិញទីតាំងបោះជំរំ និងទីកន្លែងទស្សន:កិច្ចសិក្សារបស់គណ:ប្រតិភូជាតិនិងអន្តរជាតិ នៅតាមបណ្តាក្រុង និងស្រុកមួយចំនួន ក្នុងខេត្តនេះ។ ជាក់ស្តែងនៅក្នុងសេចក្តីជូនដំណឹង កាលពីអំឡុងថ្ងៃទី២៨ខែវិច្ឆិកាឆ្នាំ២០២៤កន្លងមកនេះរដ្ឋបាលខេត្តឧត្តរមានជ័យ ក៏បានណែនាំដល់ប្រជាពលរដ្ឋ ដែលមានលំនៅដ្ឋាននៅតាមបណ្តោយផ្លូវជាតិនិងផ្លូវក្នុងក្រុង ស្រុក និងមន្ទីរនានា ជុំវិញខេត្ត ត្រូវសម្អាតអនាម័យ   បរិស្ថាន និងលើកទង់ជាតិ ផងដែរ។ សូមជម្រាបថា កាកបាទក្រហមកម្ពុជា នឹងរៀបចំកម្មវិធីបោះជំរំយុវជនកាកបាទក្រហមកម្ពុជា ថ្នាក់ជាតិនិងអន្តរជាតិ ឆ្នាំ២០២៤ នៅខេត្តឧត្តរមានជ័យ ដែលប្រព្រឹត្តទៅរយៈពេល៥ថ្ងៃ គឺចាប់ពីថ្ងៃទី២៩នេះ រហូតដល់ថ្ងៃទី៣ធ្នូ ឆ្នាំ២០២៤។ (ដោយឈឿន […]

  ខេត្តប៉ៃលិន ៖ កាលពីល្ងាចថ្ងៃទី២៧ ខែតុលា ឆ្នាំ២០២៤ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងជាប្រធានគណៈកម្មការរៀបចំបុណ្យជាតិ-អន្តរជាតិខេត្ត អមដំណើរដោយថ្នាក់ដឹកនាំខេត្ត បានអញ្ជើញពិនិត្យមើល ទីតាំងរៀបចំរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលខាងមុខ នៅមាត់ស្ទឹងតារាប ស្ថិតក្នុងសង្កាត់ទួលល្វា ក្រុងប៉ៃលិន ខេត្តប៉ៃលិន។ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍លើកឡើងថា៖ បើទោះបីជាខេត្តប៉ៃលិន មិនមានដងស្ទឹង ឬទន្លេ ដែលអាចអុំទូកបាន ឬបញ្ជូនកីឡាអុំទូក ទៅប្រកួតប្រណាំងនៅរាជធានីភ្នំពេញក៍ដោយ ក៍រដ្ឋបាលខេត្ត នឹងរៀបចំព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំនេះ អោយបានអធឹកអធម ដើម្បីចូលរួមអបអរសាទរ និងបង្កបរិយាកាសសប្បាយរីករាយជូនបងប្អូនប្រជាពលរដ្ឋ និងភ្ញៀវទេសចរជាតិ+អន្តរជាតិ មកលេងកម្សាន្តក្នុងខេត្តផងដែរ។ លោកជំទាវបណ្ឌិតបានមានប្រសាសន៍ណែនាំ ដល់ក្រុមការងារ នៅក្នុងគណៈកម្មការរៀបចំបុណ្យជាតិ-អន្តរជាតិខេត្តទាំងអស់ ត្រូវសហការគ្នារៀបចំ និងត្រូវយកចិត្តទុកដាក់ទៅលើការរៀបចំតុបតែងក្លោងទ្វារ ទង់ បដា ប្រទីប និងភ្លើងបំភ្លឺចម្រុះពណ៌ ដើមី្បធ្វើយ៉ាងណា […]

  បាត់ដំបង:តាមការឱ្យដឹងពីរដ្ឋបាលខេត្តបាត់ដំបងអាជ្ញាធរខេត្តបានរៀបចំពិធីបុណ្យអុំទូកចេញព្រះវស្សាមានរយ:ពេល២ថ្ងៃគឺថ្ងៃទី១៦/១៧ខែតុលាឆ្នាំ២០២៤ដែលពិធីនេះប្រព្រឹត្តធ្វើនៅក្នុងដងស្ទឹងសង្កែក្រុងបាត់ដំបងដោយមានរៀបចំដង្ហែប្រទីបរបស់មន្ទីរនានាក្នុងខេត្តបាត់ដំបងចំនួន៧ មានការតុបតែងភ្លើងផ្កាខ្ញីតាមដងវិថីនានាក្នុងក្រុងយ៉ាងស្រស់ស្អាតនិងមានការប្រគុំតន្ត្ត្រី ការតាំងពិព័រណ៍ម្ហូបអាហារ សម្ភារ:ប្រើប្រាស់គ្រប់ប្រភេទនិងមានការបាញ់កាំជ្រួចអបអរសាទរយ៉ាងគគ្រឹក គគ្រេងក្នុងពិធីបុណ្យអុំទូកចេញព្រះវស្សាដើម្បីញ៉ាំងឱ្យកម្មវិធីនេះប្រកបដោយបរិយាកាសសប្បាយរីករាយ។     លោកអ៊ិច អ៊ំភីនីស្ស៊ារ៉ា ប្រធានមន្ទីរទេសចរណ៍ខេត្តបាត់ដំបងបានឱ្យដឹងថា ស្តីពីរបាយការណ៍ស្ថានភាព និងស្ថិតិភ្ញៀវទេសចរដែលបានមកកម្សាន្តក្នុងឱកាសពិធីបុណ្យអុំទូកចេញព្រះវស្សា ក្នុងក្រុងបាត់ដំបង ឆ្នាំ២០២៤ នាថ្ងៃទី១៦ ខែតុលា ឆ្នាំ២០២៤ មានដូចខាងក្រោម៖ ស្ថិតិភ្ញៀវទេសចរដែលបានមកកម្សាន្តក្នុងកម្មពិធីបុណ្យអ៊ុទូក នៅថ្ងៃទី១៦ ខែតុលា ឆ្នាំ២០២៤ មាន៖ -ភ្ញៀវជាតិ មានចំនួន ៤៦១,៥៦៨ នាក់ មានការកើនឡើង ៩.៥១% បើធៀបឆ្នាំ២០២៣ មានចំនួន ៤២១,៥០០ នាក់ -ភ្ញៀវអន្តរជាតិ មានចំនួន ២២៣ នាក់ មានការកើនឡើង ៨.៧៨ % បើធៀបឆ្នាំ២០២៣ មានចំនួន ២០៥ នាក់ -ភ្ញៀវទេសចរសរុប មានចំនួន ៤៦១,៧៩១ នាក់ មានការកើនឡើង ៩.៥១% បើធៀបឆ្នាំ២០២២ មានចំនួន ៤២១,៧០៥ នាក់ […]

  ឧត្តរមានជ័យ:ផ្ទះប៉ុលពតនិងខៀវសំផនស្ថិតនៅលើកំពូលភ្នំដងរែក ក្នុងស្រុកអន្លង់វែង ខេត្តឧត្តរមានជ័យ ដែលមានចំងាយពី ច្រកទ្វារអន្តរជាតិជាំសាងុាំ ប្រមាណជា៨គីឡូម៉ែត្រត្រូវបានមន្ទីរជំនាញអាជ្ញាធរពាក់ព័ន្ធ រក្សាទុកជាកន្លែងប្រវត្តិសាស្ត្រមកទល់ពេលបច្ចុប្បន្ន នឹងតំបន់ទេសចរណ៏មួយសម្រាប់ បងប្អូន មកពីតាមបណ្តាខេត្តផ្សេង ទាំងភ្ញៀវជាតិ និងភ្ញៀវអន្តរជាតិ ចូលលេងទស្សនា ដើម្បីឲ្យបានដឹងពីប្រវត្តិ ផ្ទះអតីត មេខ្មែរក្រហម ដែលបានកាប់សម្លាប់ មនុស្សដោយគ្មានញញើតដៃ កាលពីអំឡុងសម័យជំនាន់គុម្មុយនីស ហើយជាក់ស្តែងគិតមកត្រឹមឆ្នាំ២០២៤នេះ ពុំទាន់មានការប្រែប្រួលឡើយ អ្វីៗនៅដូចដើមដដែល។ លោកស្រី ធិន នីមុនីរស្មី ប្រធានមន្ទីរទេសចរណ៏ ខេត្តឧត្តរមានជ័យ បានបញ្ជាក់ប្រាប់ឲ្យដឹងនៅថ្ងៃទី២០ខែកញ្ញាឆ្នាំ២០២៤ថា ទីតាំងកន្លែង ផ្ទះប៉ុលពតនិងខៀវសំផននេះដែរកន្លងមក យើងក៏ពុំដែលធ្លាប់មានមន្ត្រី របស់មន្ទីរទេសចរណ៏ប្រចាំការនៅទីនោះ រៀងរាល់ថ្ងៃនោះទេ តែគឺយើងមានមន្ត្រីរបស់មន្ទីរទេសចរណ៏ ប្រចាំការនៅរម្មណីយដ្ធាន បឹងផ្ទះតាម៉ុក ពួកគាត់ឧស្សាហ៍ទៅដើរមើលជួយសម្អាតនឹងថែរក្សានៅតំបន់ផ្ទះប៉ុលពតនឹងខៀវសំផនជាប់ជាប្រចាំដែរ។ លោកស្រីប្រធានមន្ទីរទេសចរណ៏ដដែលបានប្រាប់បន្តថា មួយវិញទៀត នៅលើភ្នំដងរែកក្បែរទៅនឹងផ្ទះខៀវសំផនគឺយើងមានក្រុមការងាររបស់មជ្ឈមណ្ឌលសន្តិភាពស្រុកអន្លង់វែង អាជ្ញាធរពាក់ព័ន្ធ ទាហានដែលឈរជើងនៅតំបន់ហ្នឹងគឺពួកគាត់នៅជួយមើលថែរក្សាការពារនៅតំបន់ហ្នឹងដែរ ពីព្រោះថាទីតាំងនេះគឺជាតំបន់ប្រវត្តិសាស្ត្រដោយឡែក គម្រោងនៃការអភិរក្សទីតាំងអស់ហ្នឹងតាមពិតយើងមាន គោលដៅសម្រាប់ការអភិវឌ្ឍតំបន់ហ្នឹងដែរប៉ុន្តែដោយសារតែទីតាំងតំបន់ហ្នឹងគឺជាទីតាំងប្រវត្តិសាស្ត្រត្រូវមានការចូលរួមពីគណៈកម្មការច្រើនស្ថាប័ន លើកជាគោលការសម្រេចណាមួយទើបយើងធ្វើការអភិវឌ្ឍន៏បាន ហើយបើយើងគ្រោងនៃការអភិវឌ្ឍន៏គឺមានទំហំធំជាងគេ យើងអត់ទាន់មានថវិការគ្រប់គ្រាន់សម្រាប់ការរៀបចំ ក៏ប៉ុន្តែយើងមិនបោះបង់ទីតាំងប្រវត្តិសាស្ត្រនេះចោលដែរ គិតមកដល់ពេលនេះទីតាំងផ្ទះប៉ុតពតនឹងខៀវសំផន នៅមិនទាន់មាន ថវិកាក្នុងការរៀបចំនៅឡើយទេប៉ុន្តែគេធ្វើការអភិវឌ្ឍជាជំហានៗសិន។ គួររំលឹកថា បើយោងតាមការអះអាងពីបងប្អូនអ្នកភូមិចាស់ដែលគាត់រស់នៅលើកំពូលភ្នំដងរែកបានរៀបរាប់ប្រាប់ថា […]

  បន្ទាយមានជ័យ៖​នៅថ្ងៃទី១៧កញ្ញាឆ្នាំ២០២៤យ៉ាងហោចណាស់មានមនុស្សរាប់ម៉ឺននាក់​នៅខេត្តបន្ទាយមានជ័យ​ បានទៅទទួលស្វាគមន៍​ និងជូនដំណេីរដ៏កក់ក្តៅចំពោះប្រតិភូ Gumball ៣០០០ Rally in Cambodia នៅច្រកទ្វារព្រំដែនអន្តរជាតិប៉ោយប៉ែត​ ដែលចេញពីប្រទេសកម្ពុជាទៅប្រទេសថៃ។ ឯកឧត្តម អ៊ុំ រាត្រី អភិបាលខេត្តបន្ទាយមានជ័យបានឱ្យដឹងថា ក្នុងនាមថ្នាក់ដឹកនាំខេត្តលោកបានដឹកនាំសហការី មន្ត្រីរាជាការ កងកម្លាំង លោកគ្រូអ្នកគ្រូ និស្សិត សិស្សា នុសិស្ស យុវជន យុវជន យុវនារី ប្រជាពលរដ្ឋជិត​ ៥ម៉ឺននាក់ បានធ្វើការបដិសណ្ឋារកិច្ច និងការពារសន្តិសុខ សណ្តាប់ធ្នាប់ជូនប្រតិភូ Gumball 3000 Rally in Cambodia នៅរសៀលដល់ល្ងាចថ្ងៃទី១៧ ខែកញ្ញា ឆ្នាំ២០២៤ ។ ឯកឧត្តមបន្តថា ចំណែកថ្នាក់ដឹកនាំប្រតិភូ​ និងអ្នកសហការរៀបចំព្រឹត្តិការណ៍​ បានចុះមកថ្លែងអំណរ គុណដល់ជារដ្ឋាភិបាលកម្ពុជា​ និងក្រសួង ស្ថាប័ន អាជ្ញាធរ សមត្ថកិច្ច និងមហាជនពា់ក់ព័ន្ធដែលបានទទួលបដិសណ្ឋារកិច្ច សម្របសម្រួល ថែរក្សា ការពារសន្តិសុខ សុវត្ថិភាព បង្កលក្ខណៈងាយ ស្រួលដល់ពួកគេប្រកបដោយសុវត្ថិភាព។ […]

    បុណ្យ​ភ្ជុំបិណ្ឌ​ ជាពិធីបុណ្យមួយ ក្នុងចំណោមពិធីបុណ្យធំៗដទៃទៀតនៃ ព្រះរាជពិធីទា្វរទសមាស ប្រជារាស្រ្តទូទាំងព្រះ​រាជា​ណាចក្រ​កម្ពុជា​តាំង​ពី​បុរាណ​រៀង​មក​ (ពុំដឹងពីពេលណាច្បាស់លាស់) តែងតែមាន ប្រារព្ធពិធីនេះ​មិនដែលអាក់ខាន​ឡើយ គឺចាប់ពីថៃ្ង ១រោច ខែភទ្របទ រហូតដល់ថៃ្ងទី ១៥រោច មាន​រយៈ​ពេល ១៥ថៃ្ង ដែលយើងហៅថាបិណ្ឌ១, បិណ្ឌ២ … និងថៃ្ងបញ្ចប់ គឺជា ថៃ្ង “ភ្ជុំបិណ្ឌ”។ បុណ្យ​ភ្ជុំបិណ្ឌ ត្រូវបានធ្វើឡើងតាមបែប​ព្រះពុទ្ធសាសនា។​ ជា​រៀងរាល់​ឆ្នាំ​ នៅ​ពេល​ដល់​ថ្ងៃ​ខែ​ដែល​ត្រូវ​ប្រារព្ធ​ពិធី​បុណ្យ​ភ្ជុំបិណ្ឌ​ គ្រប់​បងប្អូន​កូន​ចៅ​ សាច់​ញាតិ​សន្ដាន​ទាំងអស់​ ទោះ​នៅ​ទី​ជិត​ ឬ​ទី​ឆ្ងាយ​ តែង​តែ​ធ្វើ​ដំណើរ​ទៅ​ជួប​ជុំ​គ្នា​ ជា​ពិសេស​ឪពុក​ម្ដាយ​ ដើម្បី​រៀបចំ​ម្ហូប​អាហារ​ បាយ​សម្ល​ ចង្ហាន់​យក​ទៅ​ប្រគេន​ព្រះសង្ឃ​ដែល​គង់​នៅ​វត្ត​អារាម។​ ប្រវត្តិ​បុណ្យ​ភ្ជុំបិណ្ឌ ពាក្យថា “ភ្ជុំបិណ្ឌ” មកពីពាក្យ “ភ្ជុំ” រួមគ្នាជាមួយពាក្យ “បិណ្ឌ” ដែលមានន័យថា : ភ្ជុំគឺការប្រមូលផ្តុំ ឬប្រជុំបិណ្ឌ (មកពីភាសាបាលី) “ដុំបាយ” ដូចេ្នះ​យើង​អាច​សម្គាល់​ពាក្យ​នេះ តាមវិធីងាយបានថា គឺជា “ការប្រជុំ ឬប្រមូលផ្តុំដុំបាយ” […]

  ខេត្តប៉ៃលិន ៖ ក្រុមការងាររដ្ឋបាល ខេត្ត និងមន្ទីរជំនាញពាក់ព័ន្ធនៅថ្ងៃទី១២ ខែមីនា ឆ្នាំ២០២៤ នេះបាននាំគ្នារៀបចំតុបតែងអំពូលភ្លើងផ្កាខ្ញីនៅតាមដងផ្លូវសាធារណ:ក្នុងក្រុងប៉ៃលិន ដោយមានចងបដា ដាក់ភ្លើងអគ្គីនី ជាពិសេសមានចងក្រម៉ា និងមួកស្លឹកត្នោតនៅក្បែរសួនកុមារ ដើម្បីត្រៀមទុកលេងនាឱកាសសង្ក្រានឆ្នាំថ្មី២០២៤បង្កភាពសប្បាយរីករាយរវាងប្រជាពលរដ្ឋរស់នៅក្នុងខេត្តប៉ៃលិនផ្ទាល់ និងភ្ញៀវទេសចរជាតិ អន្តរជាតិ ដែលចូលមកលេងកម្សាន្តនៅក្នុងខេត្តប៉ៃលិនផងដែរ។ មន្រ្តីសាលាខេត្តប៉ៃលិនបានឱ្យដឹងថា ឱកាសបុណ្យចូលឆ្នាំថ្មី ប្រពៃណីជាតិខ្មែរ កាន់តែកៀកខិតជិតមកដល់ ទើបក្រុមការងារ ទទួលបានការណែនាំពីលោកជំទាវ បាន ស្រីមុំ អភិបាលខេត្តប៉ៃលិន ឱ្យប្រញាប់ប្រញាលរៀបចំតុបតែង ចងស្លាកបដា និងស្លាកប៉ាណូ រៀបចំភ្លើងអំពូលជាផ្កាខ្ញី ព្រមទាំងមានរៀបចំដើមឫស្សី និងមួកស្លឹកត្នោត ធ្វើជាក្បាច់ម៉ូដ សម្រាប់ទាក់ទាញឱ្យបងប្អូនប្រជាពលរដ្ឋក្នុងខេត្តប៉ៃលិនផ្ទាល់ និងភ្ញៀវទេសចរជាតិ អន្តរជាតិ នាំគ្នាមកលេងកម្សាន្តនៅក្នុងខេត្តប៉ៃលិន កាន់តែច្រើនកុះករជាងឆ្នាំមុនៗ។ មន្រ្តីដដែលបន្តថា ម្យ៉ាងវិញទៀត នៅតាមរមណីយដ្ឋាននានាក្នុងខេត្តប៉ៃលិន ដូចជារមណីយដ្ឋានប្រវត្តិសាស្រ្តភ្នំ យ៉ាត រមណីយដ្ឋានគល់ស្ពានតារាប និងរមណីយដ្ឋានធម្មជាតិទឹកធ្លាក់ភ្នំខៀវ រដ្ឋបាលខេត្តប៉ៃលិន ក៏បានចាប់ផ្តើមណែនាំឱ្យមន្ត្រីក្រោមឱវាទ នាំគ្នាញាប់ ដៃញាប់ជើង រួសរាន់រៀបចំតុបតែង ដើម្បីទទួលភ្ញៀវឱ្យចូលមកលេង ធ្វើការទាក់ទាំញភ្ញៀវទេសចរជាតិ និងអន្តរជាតិ ខណ:ពេលដែលចូលមកលេងកម្សាន្តក្នុងខេត្តប៉ៃលិន។ នៅក្នុងខេត្តប៉ៃលិន […]