ឧត្តរមានជ័យ:អំណោយជាសម្ភារៈស្បៀងគ្រឿងឧបភោគបរិភោគ របស់ ពុទ្ធិសមាគមព្រះសង្ឃ ខ្មែរសហរដ្ឋអាមេរិកសហគមពុទ្ធសាសនិកកម្ពុជានិងសប្បុរសជនទាំងនៅកម្ពុជានិងនៅសហរដ្ឋអាមេរិកបាននាំយកអំណោយសប្បុរសធម៌ជូនដល់វីរ:កងទ័ពប្រចាំការឈរជើងនៅ សមរភូមិជួរមុខទិសខេត្តឧត្តរមានជ័យ។ដែលដឹកនាំដោយព្រះសង្ឃមហាធិបតីមហាធិបតី (ឥទ្ធិមុនីមុឹងសាងញាណសោរោ )ព្រះប្រធានពុទ្ធិសមាគមព្រះសង្ឃខ្មែរសហរដ្ឋអាមេរិក។
ពិធីផ្តល់អំណោយសប្បរសធម៌នេះដែរ ប្រព្រឹត្តធ្វើឡើងនៅរសៀលថ្ងៃទី២៤ខែវិច្ឆិកាឆ្នាំ២០២៥ម្សិលមិញស្ថិតនៅក្នុងបរិវេណទីបញ្ជាការតំបន់ប្រតិបត្តិការសឹករងខេត្តឧត្តរមានជ័យ ។ចំពោះការ រៀបចំនេះដែរដឹកនាំដោយលោកតិក សុភ័ក ,លោកឌឿក ហាន់ សហការជាមួយរដ្ឋបាលស្រុកបន្ទាយអំពិលក្នុងនោះដែរក៏មានការអញ្ជើញចូលរួមពី ឧត្ដមសេនីយ៍ទោសុខ ធារ៉ា មេបញ្ជាការរងកងពលធំអន្តរាគមន៍លេខ២តំណាងដ៏ខ្ពង់ខ្ពស់ឯកឧត្តមឧត្តមសេនីយ៍ឯកកែវ ធី មេបញ្ជាការរងកងទ័ពជើងគោកមេបញ្ជាការកងពលធំអន្តរាគមន៍លេខ២ និងលោកមេបញ្ជាការគ្រប់បណ្ដាអង្គភាព ចំនួនប្រាំបីគោលដៅផងដែរ។
ឆ្លៀតក្នុងឱកាសនោះដែរ ព្រះមហាសង្ឃ ធិបតី ឥទ្ធិមុនីសាងញាណសោរោ បានមានសង្ឃដីកាថា ការផ្តល់អំណោយជូនវីរ:កងទ័ពនេះដែរក្នុងនាមអាត្មាភាពគឺដើម្បីជាកម្លាំងចិត្តនិងគ្រាំទ្រកម្លាំងនៅជួរមួយ ហើយជាក់ស្តែងគ្រឿងឧបភោគបរិភោគដែលក្រុមការងារនាំយកមកចែកជូនដល់កងទ័ពដែលប្រចាំការនៅជួរមុខថ្វីថ្បិតតែមិនច្រើនក៏ពិតមែនប៉ុន្តែ ជាការសំដែងនូវទឹកចិត្តខ្មែរចេះជួយខ្មែរគ្រប់ពេលវេលាទោះបីស្ថិតក្នុងកាល:ទេស:ណាក៏ដោយ។
ជាមួយគ្នានេះលោកជំទាវ មិន ធារី អភិបាលរងខេត្តឧត្តរមានជ័យបានមានប្រសាសន៏លើកឡើងថាក្នុងនាមរដ្ធបាលខេត្តឧត្តរមានជ័យក៏ដូចជាវីរ:កងទ័ពគ្រប់រូបពិតជាមានមោន:ភាពយ៉ាងក្រៃលែងនៅពេលដែលបានទទួលនូវអំណោយនិងថ្លៃអំណរអរគុណទៅដល់ព្រះសង្ឃគ្រប់ព្រះអង្គព្រមទាំងសប្បុរសជនដែលបានចំណាយពេលវេលានាំយកនូវអំណោយទាំងនេះមកចែកជូនដល់កងទ័ព ពីព្រោះថានៅក្នុងភូមិសាស្ត្រដ៏មានជ័យរងនូវការប៉ះពាល់យ៉ាងធ្ងន់ធ្ងរដោយសារសង្គ្រាមឈ្លានពានរបស់ភាគីថៃហើយក្នុងនោះក៏សូមលើកទឹកចិត្តវីរ:ដល់កង យើងទាំងអស់គ្នាត្រូវតែប្រកាន់ជំហររឹងមាំ រងចាំបទបញ្ជាថ្នាក់ដឹកនាំ គ្រប់ពេលវេលាជានិច្ច។
សូមជម្រាបផងដែរថាចំពោះការផ្ដល់អំណោយជាគ្រឿងឧបភោគបរិភោគជូនដល់ វរៈកងទ័ពនេះដែរមានចំនួន៨គោលដៅ ដូចជា គ្រឿងឧបភោគបរិភោគមាន តង់ អង្ករ ទឹកសុទ្ធ ទឹកត្រី ទឹកស៊ីអ៊ីវ ត្រីខ កាហ្វេ សាច់ផាត់ ឆៃប៉ូវ ត្រីងៀត សាច់ក្រក ប្រហុកត្រីរៀល អង្រឹងអាយកូម ផ្ទាំងសូឡា អាវរងា ព្រមទាំងថវិកាមួយចំនួនផងដែរ។ (ដោយឈឿន ប៊ុនឈី)