ព័ត៌មានសេដ្ឋកិច្ច

    ប៉ៃលិន ៖ រហូតមកដល់ថ្ងៃទី១១ ខែមីនា ឆ្នាំ២០២៤នេះ ប្រជាកសិករជាច្រើនគ្រួសារ រស់នៅក្នុងស្រុកសាលាក្រៅ ខេត្តប៉ៃលិនកំពុងនាំគ្នាព្រួយបារម្ភពីបញ្ហាខ្វះខាតទឹកបូមដាក់ស្រែប្រាំងរបស់ខ្លួន ខណៈពេលស្រូវស្រែទាំងនោះបានដុះលូតលាស់ត្រឹមៗជង្គង់ទៅហើយ។ សូមបញ្ជាក់ផងដែរថាកន្លងមកជារៀងរាល់ឆ្នាំកសិករតែងតែរំពឹងទៅលើទឹកនៅក្នុងស្ទឹងកុយ ស្រាប់តែពេលនេះឆ្នាំនេះទឹកស្ទឹងកុយកំពុងតែស្រកចុះយ៉ាងខ្លាំង ខណ:ដែលមេឃអត់សូវមានភ្លៀងធ្លាក់ហើយ ប្រជាកសិករនាំគ្នាសម្រុកបូមដាក់ស្រែរៀងៗខ្លួន ព្រោះមើលឃើញស្រូវប្រាំងខ្លះកំពុងតែផើម និងខ្លះទៀតកំពុងតែបែកចេញផ្កា រីឯទឹកកាន់តែហោចទៅៗ។ ទោះបីជាខាងមន្ទីរធនធានទឹក និងឧត្តុនិយមខេត្តប៉ៃ លិន បានណែនាំឱ្យពួកគាត់ផ្អាកបន្ថែមការធ្វើស្រែប្រាំង ក៏នៅតែមិនស្តាប់ ទើបជួបបញ្ហាបែបនេះតែម្តង។ លោក សុង ភេទប្រុស អាយុ៥០ឆ្នាំ ប្រជាកសិកររស់នៅភូមិឃុំស្រុកខាងលើបានឲ្យដឹងថា គ្រួសារលោកបានធ្វើស្រែប្រាំងចំនួន៥ហិកតា នៅឆ្នាំ២០២៤នេះ ក្រោយពីពួកគាត់ប្រមូលស្រូវលក់បានតម្លៃខ្ពស់ លុះប្រមូលផលរួច ក៏នាំគ្នាភ្ជួររាស់ដី ប្រញាប់ព្រោះស្រូវប្រាំងបន្តទៀត។ តែនៅឆ្នាំនេះ ពួកគាត់បាននាំគ្នាធ្វើស្រែប្រាំងច្រើនជាងឆ្នាំមុនៗ ព្រោះទិន្នផលស្រូវឈ្មួញទិញក្នុងតម្លៃខ្ពស់ត្រដែត។ តែក្រោយពីព្រួសស្រូវ រួចបានជាង១ខែ ស្រាប់តែមេឃអត់មានធ្លាក់ភ្លៀងនោះទេ លុះម្នាក់ៗនាំគ្នាបូមទឹកអូរ និងទឹកស្ទឹងកុយដាក់ស្រែ ជារៀងរាល់ថ្ងៃ ធ្វើឱ្យទឹកស្ទឹងកាន់តែរីងទៅៗ ធ្វើឱ្យពួកគាត់មួយចំនួនកំពុងជួបនឹងបញ្ហាខ្វះទឹកជាបណ្តើរៗ ហើយអាជ្ញាធរខេត្តប៉ៃលិន ក៏ដូចជាមន្ទីរពាក់ព័ន្ធ បានចុះទៅជួយសម្របសម្រួលបូមទឹកស្ទឹងចែកចាយជូនពួកគាត់ដើម្បីសង្គ្រោះស្រូវប្រាំងឱ្យបានគ្រប់ៗគ្នា តាមដែលអាចធ្វើទៅបាន។ លោកបន្តទៀតថា កសិកររាប់រយគ្រួសារ កំពុងតែបារម្ភយ៉ាងខ្លាំង ក្រែងលោនៅថ្ងៃខាងមុខ អត់មានភ្លៀងធ្លាក់ […]

  ខេត្តប៉ៃលិន ៖ ដោយមា​នការព្រួយបារម្ភ ចំពោះសុខទុក្ខ និងមានការយកចិត្តទុកដាក់ខ្ពស់ទៅលើជីវភា​ពប្រជាកសិករ រហូតមកដល់រសៀលថ្ងៃទី១៦ ខែកុម្ភៈ ឆ្នាំ​២០២៤ លោកជំទាវ បាន ស្រីមុំ អភិបាល នៃគណៈ​អភិបាលខេត្តប៉ៃលិន បានដឹកនាំ​មន្ទីរជំនា​ញពាក់ព័ន្ធនៅជុំវិញខេត្ត អាជ្ញាធរភូមិ ឃុំ ស្រុក និងក្រុមការងារ បានចុះជួបសំណេះសំ​ណាលសួរសុខទុក្ខ និង​ពិនិត្យស្ថានភាពជាក់ស្តែង​ការបង្ក បង្កើនផលស្រូវប្រាំង និងដំណាំបន្លែរបស់ប្រជាក​​សិករនៅក្នុងឃុំស្ទឹងត្រង់ និងបានដោះស្រាយបញ្ហាចំពោះមុខភ្លាមៗ ជូនពួកគាត់ ព្រមទាំងបានចា​ត់មន្ត្រីជំនាញតាម​ដានជាប្រចាំលើប​ញ្ហាកង្វះទឹកស្រោចស្រពផលដំណាំ ដើម្បីជួយសង្គ្រោះបានទាន់ពេលវេលាក្នុងពេលរដូវប្រាំង ដែលកំពុងជួបនឹងបញ្ហាខ្លះខាតទឹកនេះ។ ចំណែកឯដំណាំបន្លែដូចជាត្រប់ ត្រសក់ ម្ទេស ស្ពៃ និងបន្លែផ្សេងៗ ជាច្រើនមុខ លោកជំទាវ អភិបាលខេត្ត លើកទឹកចិត្តឱ្យប្រជាពលរដ្ឋ ដាំតាមបែបធម្មជាតិ មិនត្រូវប្រើជីគីមីច្រើនហួសកម្រិត នាំឲ្យប៉ះពាល់ដល់សុខភាព ហើយក៏អំពាវនាវដល់បងប្អូនប្រជាពលរដ្ឋនៅតាមភូមិនាំគ្នាចូលទៅទិញ សម្រាប់ធ្វើម្ហូបអាហារ៕ ដោយ ៖ នាក់ ង៉យ

  បាត់ដំបង÷ផ្សារ គ្លូប៊ល ហៅស៍ សាខាខេត្តបាត់ដំបងនេះជាការវិនិយោគរួមគ្នារវាងក្រុមហ៊ុន សាយ៉ាម គ្លូប៊ល ហៅស៍ ចំកាត់ ជាមួយក្រុមហ៊ុន LYP Group ក្នុងទំហំទុនវិនិយោគសរុប ១៦ លានដុល្លារអាមេរិក។ សូមបញ្ជាក់ថានេះជាផ្សារទី១ដំបូងគេសម្រាប់ខេត្តបាត់ដំបងហើយត្រូវបានសម្ភោធនៅព្រឹកថ្ងៃសៅរ៍ ៨កើត ខែមាឃ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី១៧ ខែកុម្ភៈ ឆ្នាំ២០២៤ ឯកឧត្តម អ៊ុយ រី ប្រធានក្រុមប្រឹក្សាខេត្ត ឯកឧត្តម សុខ លូ អភិបាល នៃគណៈអភិបាលខេត្ត បានអញ្ជើញជាអធិបតីភាព ក្នុងពិធីបើកសម្ពោធជាផ្លូវការសាខាទី២ នៃផ្សារ គ្លូប៊ល ហៅស៍ លើទឹកដីខេត្តបាត់ដំបង ដែលជាខេត្តដ៏មានសកត្តានុពលរបស់កម្ពុជា។(ដោយថេង ដារ៉ា)  

  ភ្នំពេញ:ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ នៅព្រឹកថ្ងៃទី០៣ ខែមករា ឆ្នាំ២០២៤ នេះបានអនុញ្ញាតឱ្យអ្នកវិនិយោគចិនជួបសម្តែងការគួរសម និងពិភាក្សាការងារ នៅទីស្តីការក្រសួងកសិកម្ម រុក្ខាប្រមាញ់ និង នេសាទ។ ក្នុងជំនួបនេះ ឯកឧត្តមរដ្ឋមន្ត្រី បានសម្តែងនូវការស្វាគមន៍ចំពោះការវិនិយោគលើវិស័យកសិកម្មនៅកម្ពុជា។ ជាមួយគ្នានេះដែរ ឯកឧត្តមរដ្ឋមន្ត្រី បានគូសបញ្ជាក់ថា កម្ពុជាកំពុងត្រូវការអ្នកវិនិយោគនៅកម្រិត Upstream ដូចជា ការកែច្នៃ វេចខ្ចប់ផលិតផលកសិកម្ម សម្រាប់ការនាំចេញទៅប្រទេសចិន និងទីផ្សារអន្តរជាតិ ជាពិសេសអង្ករប្រណិត ស្វាយចន្ទី កៅស៊ូ ផលិតផលជលផលទឹកសាប និងវារីវប្បកម្ម ព្រមទាំងផលិតផលកសិកម្មដែលមានសក្តានុពលផ្សេងៗទៀត ដែលមានតម្លៃបន្ថែមខ្ពស់ ផ្តល់ផលចំណេញដល់កសិករ និង អ្នកវិនិយោគ។ ឯកឧត្តមរដ្ឋមន្ត្រីបន្តថា រាល់ការវិនិយោគត្រូវមានការសិក្សា មានផែនការវិនិយោគច្បាស់លាស់ និងទីផ្សារពិតប្រាកដ ដើម្បីធានាឱ្យការវិនិយោគស្របតាមគោលនយោបាយជាតិ ទទួលបានការគាំទ្រ ផ្តល់ផលចំណេញនិងមាននិរន្តរភាពសេដ្ឋកិច្ច។ ឯកឧត្តមរដ្ឋមន្ត្រីបានគូសបញ្ជាក់បន្ថែមថាអំពីយន្តការគោលនយោបាយអាទិភាពក្នុងវិស័យកសិកម្មនៃរាជរដ្ឋាភិបាលអាណត្តិទី៧នេះដែលផ្ដោតលើការកសាងសហគមន៍កសិកម្មទំនើបនិងការដាក់ពង្រាយមន្ត្រីកសិកម្មឃុំ៕  

  ប៉ៃលិន៖ រសៀលថ្ងៃទី១៩ ខែវិច្ឆិកា ឆ្នាំ២០២៣ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត ប៉ៃលិន និងថ្នាក់ដឹកនាំ មន្ត្រីរាជការ កងកម្លាំងទាំងបីប្រភេទ យុវជន សសយក បានជួយដក និងទិញមើមដំឡូងជ្វា របស់ កសិករ ដែលកំពុងជួបបញ្ហាទីផ្សារ នៅភូមិផ្ទះស្បូវ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន បន្ទាប់ពីបងប្អូនបានលើក ឡើងពី កង្វល់ នៅក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត អាណត្តិទី៣ ឆ្នាំទី៥ នៅស្រុកសាលាក្រៅ កាលពីព្រឹកថ្ងៃទី១៩ ខែវិច្ឆិកា ឆ្នាំ២០២៣ ។ លោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍លើកឡើងថា៖ រាជរដ្ឋាភិបាលកម្ពុជា អាណត្តិ ទី៧ ដែលមានក្រសួងកសិកម្ម រុក្ខាប្រមាញ់ និងនេសាទ ជាសេនាធិការ បានកំពុងខិតខំបណ្តុះបណ្តាល ដល់ សហគមន៍ ឬបណ្តុំកសិករ ដោយផ្តល់អ្នកជំនាញទៅបណ្តុះបណ្តាលដល់មូលដ្ឋានផ្ទាល់តែម្តង គឺធ្វើយ៉ាងណាឱ្យការ […]

  បន្ទាយមានជ័យ:ប្រជាពលរដ្ឋដែលមានដីធ្វើស្រែក្នុងមួយគ្រួសារមានម្នាក់ពីទៅបីប្រាំឬ១០ហិកតាពួកគាត់បានជីកជាស្រះឬបៀរនៅក្នុងដីស្រែរបស់ពួកគាត់ដើម្បីស្តុបទឹកប្រើប្រាស់និងសម្រាប់ទុកឲ្យត្រីចូលមករស់នៅក្នុងរដូវវស្សាផងនោះខណៈរដូវប្រាំងមិនមានធ្វើស្រែពួកគាត់បាននាំគ្នាបូមស្រះឬបៀរនេះដើម្បីចាប់ត្រីយកធ្វើ ផ្អក ប្រហុកឬលក់ដោះដូរដើម្បីរកប្រាក់ចំណូលបង្កើតជីវភាពឲ្យប្រសើរឡើង។ លោកយ៉ាំង ហ្គោ ប្រជាកសិកររស់នៅភូមិសុភីខេត្តបន្ទាយមានជ័យបានឱ្យដឹងថាក្រុមគ្រួសារលោកមានដីធ្វើស្រែចំនួន ៧ ហិចតាក្នុងនោះដី ១ ហិចតាលោកបានជីកជាស្រះទំហំ ២០ ម៉ែត្រគុណនឹងបណ្ដោយ ៣០ ម៉ែត្រមានជម្រៅចុះក្រោម៥ម៉ែត្រសម្រាប់ស្តុកទឹកក្នុងរដូវវស្សាដើម្បីឲ្យត្រីមកពីតំបន់នានាចូលមករស់នៅក្នុងស្រះនៅពេលដែលទឹកឡើងមកធំក្នុងរដូវវស្សា។ លោកបានបន្តទៀតថាក្នុងរដូវវស្សាកាលពីឆ្នាំមុនទឹកតូចដូច្នេះឆ្នាំនេះមិនសូវសម្បូរត្រីច្រើនដូចឆ្នាំមុនៗទេ។លោកបន្តថាបើឆ្នាំណាទឹកធំត្រីនិងសំបូរក្នុងស្រះឬបៀរមួយ អាចមានត្រីពី ៥០០គីឡូក្រាមទៅមួយតោនក្នុងស្រះនីមួយៗប៉ុន្តែនៅឆ្នាំ២០២៣នេះបានត្រីទាំងតូចទាំងធំរួមនឹងត្រីប្រហុកផងបានពីពីរទៅ ៣០០ គីឡូក្រាមក្នុងមួយស្រះឬបៀរ។ ប្រជាកសិកររូបនេះបានបន្តទៀតថា មានប្រជាកសិករខ្លះក្នុងភូមិគាត់ខ្ជិលបូមទឹកក៏ម៉ៅស្រះឲ្យទៅគេ។ចំពោះរូបលោកមិនបានម៉ៅស្រះឲ្យតែគេនោះទេលោកបូមដោយផ្ទាល់ខ្លួនឯងបានត្រីទើបលោកលក់មានហេងមានស៊យ។ លោកបន្តថាក្រោយពីដាក់ម៉ាស៊ីនគោយន្តបូមខ្លួនឯងរួចបើត្រីច្រើនលោកលក់យកប្រាក់ខ្លះនិងទុកត្រីសម្រាប់ហូបខ្លះក្នុងនោះឈ្មួញមកទិញត្រីតាអោន និងត្រីឆ្លាំង ក្នុងមួយគីឡូក្រាមតម្លៃ ២ម៉ឺនរៀល។រីឯត្រីរ៉ស់ក្នុងមួយគីឡូក្រាមតម្លៃមួយម៉ឺន១៥,០០០រៀលនិងត្រីផ្អកប្រហុកចម្រុះក្នុង១ គីឡូក្រាម២ពាន់រៀលអាចដោះស្រាយជីវភាពបាន១គ្រា។ អាជ្ញាធរមូលដ្ឋានបានឲ្យដឹងថា ប្រជាពលរដ្ឋរស់នៅក្នុងភូមិសុភីនេះ 90% ជាអ្នកធ្វើស្រែហើយការធ្វើស្រែបានតែម្ដងទេក្នុងមួយឆ្នាំមិនអាចធ្វើស្រូវប្រាំងបានទេ ព្រោះខ្វះប្រភពទឹក។ដូច្នេះក្រោយពីធ្វើស្រែក្នុងរដូវវស្សារួចមកគឺពួកគាត់ទំនេរភាគច្រើនអ្នកដែលមានដីស្រែតែងតែនាំគ្នាជីកជាស្រះនៅក្នុងដីស្រែរបស់ខ្លួនដើម្បីទុកចាប់ត្រីក្នុងរដូវប្រាំង ជំនួសការធ្វើស្រូវប្រាំងដើម្បីបង្កើនជីវភាពឱ្យប្រសើរឡើងនិងបានត្រីទុកធ្វើផ្អកប្រហុកសម្រាប់ទុកហូបក្នុងរដូវវស្សាបើសិនជាត្រីនោះត្រូវច្រើនពួកគាត់អាចលក់ដោះដូរបានប្រាក់ចំណូលថែមទៀតផង។

  ខេត្តប៉ៃលិន ៖ ដើម្បីភាពកក់ក្តៅ និងយល់ ដឹងអំពីសុខទុក្ខ ក៍ដូចជាការលំបាករបស់ប្រជាកសិករនៅតាមមូលដ្ឋាន ទើបរហូតមកដល់ថ្ងៃទី១៦ ខែកុម្ភៈ ឆ្នាំ២០២៣ នេះ លោកជំទាវ បាន ស្រីមុំ អភិបាលខេត្តប៉ៃលិន បានដឹកនាំក្រុមការងាររដ្ឋបាលខេត្ត និងមន្ទីរជំនាញ ចុះពិនិត្យការដាំដុះ ផលដំណាំមៀន និងកសិផលផ្លែស្វាយកែវរមៀត ប្រជាពលរដ្ឋតាមសហគមន៍ ក្នុងស្រុកសាលាក្រៅខេត្តប៉ៃលិន។ លោកជំទាវ បាន ស្រីមុំ អភិបាលខេត្ត បានថ្លែងថា ៖ រាជរដ្ឋាភិបាលកម្ពុជា បានជំរុញឱ្យប្រជាពលរដ្ឋធ្វើការដាំដុះកសិផល បន្ថែមពីលើការធ្វើស្រែចម្ការ ដើម្បីផ្គត់ផ្គង់តម្រូវការទីផ្សារក្នុងស្រុក។ ការខិតខំដាំដុះនេះបានផ្តល់នូវផលចំណេញ ដោយមិនត្រឹមតែសម្រាប់បំពេញតម្រូវការហូបចុកក្នុងក្រុមគ្រួសារប៉ុណ្ណោះទេ។ ប៉ុន្តែវាអាចលក់ចេញទៅកាន់ទីផ្សារក្នុងស្រុក និងក្រៅប្រទេស ដើម្បីទទួលបានប្រាក់ចំណូលបន្ថែមសម្រាប់ផ្គត់ផ្គង់ជីវភាពក្រុមគ្រួសារប្រចាំំថ្ងៃ។ លោកជំទាវបានបន្តថា សព្វថ្ងៃនេះ រាជរដ្ឋាភិបាល ក៏ដូចជាក្រសួងកសិកម្មបានខិតខំប្រឹងប្រែងក្នុងការចងក្រងឯកសារ ដើម្បីបណ្តុះបណ្តាលដល់សហគមន៍កសិករ ហើយក៏បានជួយផ្តល់អ្នកជំនាញទៅបណ្តុះបណ្តាលដល់មូលដ្ឋានផ្ទាល់ផងដែរ ធ្វើយ៉ាងណាឱ្យការដាំដុះរបស់បងប្អូនទទួលបានផលច្រើន ចំណាយតិច ហើយមានសុវត្ថិភាពដល់អ្នកប្រើប្រាស់ក៏ដូចជាអ្នកដាំផ្ទាល់ និយាយជារួមគឺឱ្យកសិករធ្វើការដាំដុះកាត់បន្ថយការប្រើប្រាស់ជីគីមី។ ជុំវិញការលើកទឹកចិត្តឱ្យមានការដាំដុះនេះលោក សាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ប៉ៃលិនបានលើកឡើងថា ៖ […]

  ប៉ៃលិន: លោកជំទាវ បាន ស្រីមុំ អភិបាលខេត្តប៉ៃលិននៅថ្ងៃទី១៦ ខែកុម្ភៈ ឆ្នាំ២០២៣ បានដឹកនាំក្រុមការងារ និងមន្ទីរជំនាញ ចុះពិនិត្យការដាំដុះ ផលដំណាំបន្លែប្រជាពលរដ្ឋតាមសហគមន៍ ក្នុងស្រុកសាលាក្រៅ ។ លោកជំទាវបានថ្លែងថា រាជរដ្ឋាភិបាល បានជំរុញឱ្យពលរដ្ឋធ្វើការដាំដុះបន្លែបង្ការដែលមានរយៈពេលខ្លីបន្ថែមពីលើការធ្វើស្រែចម្ការ ដើម្បីផ្គត់ផ្គង់តម្រូវការទីផ្សារក្នុងស្រុក ។ លោកជំទាវបន្តថា ការខិតខំដាំដុះនេះបានផ្តល់នូវផលចំណេញ ដោយមិនត្រឹមតែសម្រាប់បំពេញតម្រូវការហូបចុកក្នុងក្រុមគ្រួសារប៉ុណ្ណោះទេ ប៉ុន្តែវាអាចលក់ចេញទៅកាន់ទីផ្សារដើម្បីទទួលបានប្រាក់ចំណូលបន្ថែមសម្រាប់ផ្គត់ផ្គង់ជីវភាពថែមទៀត។   លោកជំទាវបានបន្តថា សព្វថ្ងៃនេះ រាជរដ្ឋាភិបាល ក៏ដូចជាក្រសួងកសិកម្មបានខិតខំប្រឹងប្រែងក្នុងការចងក្រងឯកសារដើម្បីបណ្តុះបណ្តាលដល់សហគមន៍កសិករ ហើយក៏បានជួយផ្តល់អ្នកជំនាញទៅបណ្តុះបណ្តាលដល់មូលដ្ឋានផ្ទាល់ផងដែរ ធ្វើយ៉ាងណាឱ្យការដាំដុះរបស់បងប្អូនទទួលបានផលច្រើន ចំណាយតិច ហើយមានសុវត្ថិភាពដល់អ្នកប្រើប្រាស់ក៏ដូចជាអ្នកដាំផ្ទាល់ និយាយជារួមគឺឱ្យកសិករធ្វើការដាំដុះកាត់បន្ថយការប្រើប្រាស់ជីគីមី។ ជុំវិញការលើកទឹកចិត្តឱ្យមានការដាំដុះនេះលោកសាយ សុផាត ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានលើកឡើងថា បច្ចុប្បន្នទីផ្សារបន្លែល្អ ដាំបានគឺឈ្មួញកណ្តាលប្រមូលយកអស់ៗ មានពេលខ្លះប្រជាកសិករ សឹងតែផលិតមិនទាន់សម្រាប់បំពេញទីផ្សារថែមទៀតផង ដោយក្នុងនោះបន្លែទាំងអស់ដែលផលិតបានក្រៅតែពីលក់ក្នុងមូលដ្ឋានគឺមួយចំនួនធំត្រូវនាំទៅផ្គត់ផ្គង់ទីផ្សារនៅឯខេត្តនានាជាប់ព្រំប្រទល់ខេត្តប៉ៃលិន និងមានទៅដល់ រាជធានីភ្នំពេញ ពិសេសនៅតាមផ្សារទំនើបនានា ។ ក្នុងឱកាសនោះលោកជំទាវ បានលើកទឹកចិត្តដល់ប្រជាកសិករកាត់បន្ថយការប្រើជីគីមី ដោយផ្តល់ជាជីកំប៉ុស និងថវិកាមួយចំនួនផងដែរ ។