Month: October 2020

ខេត្តកោះកុងៈគ្រួសារចាស់ជរានិងងាយរងគ្រោះដោយខ្ចល់កន្ត្រាក់បង្កឱ្យខូចខាតផ្ទះសំបែងកាលពីពេលថ្មីៗមកនេះសរុប២៦គ្រួសារ រស់នៅឃុំប៉ាក់ខ្លង ស្រុកមណ្ឌលសីមា និងគ្រួសារចាស់ជរា ជនពិកា និងគ្រួសារងាយរងគ្រោះ សរុបចំនួន ៧០ គ្រួសារ រស់នៅសង្កាត់ដងទង់ សង្កាត់ស្ទឹងវែង សង្កាត់ស្មាច់មានជ័យ ក្នុងក្រុងខេមរភូមិន្ទ ខេត្តកោះកុង។នៅថ្ងៃពុធ ១២ កើត ខែកត្តិក ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៨ ខែតុលា ឆ្នាំ២០២០នេះត្រូវបាន លោក ជំទាវ មិថុនា ភូថង ប្រធានគណៈ កម្មាធិការសាខា កាកបាទក្រហ មកម្ពុជា ខេត្តកោះកុង សហការ ជាមួយតំណាងក្រុមហ៊ុន(យូញៀនឌិឡប់ភើមែនគ្រូប ខូអ៊ិលធីឌី) Union Development Group Co , Ltd រួមដំណើរជាមួយ អាជ្ញាធរមូលដ្ឋាន បានចុះសួរសុខទុក្ខនិងនាំយកអំណោយមនុស្សធម៌របស់ក្រុមហ៊ុនផ្តល់ជូនដល់ពួកគាត់ទាំងអស់សរុប៩៦គ្រួសារ។ លោកជំទាវ មិថុនា ភូថង ប្រធានគណៈកម្មា ធិការសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខពី ឯកឧត្តម ប៊ុន លើត ប្រធានកិត្តិយសសាខា ពិសេសសម្ដេចកិត្តិព្រឹទ្ធបណ្ឌិត […]

ខេត្តបន្ទាយមានជ័យ៖ ជនជាតិថៃ២នាក់ គ្រាដែលបើកត្រាក់ទ័រកំពុងច្រូតស្រូវនៅចំណុចបង្គោលព្រំសីម៉ាលេខ៤៣(ដីខ្មែរ តែស្រែថៃ ” ព្រំដែនកម្ពុជា ថៃ ជាន់គ្រាប់យុទ្ធភ័ណ្ឌមិនទាន់ផ្ទុះដែលនៅសេសសល់ពីសម័យសង្គ្រាម បណ្តាលឲ្យស្លាប់ទាំងពីរនាក់តែម្តង។ ហេតុការណ៏នេះបានកើតឡើង កាលពីល្ងាចថ្ងៃទី២៧ខែតុលា ឆ្នំា២០២០ នៅភូមិ/ឃុំ ណូនម៉ាក់មុន ស្រុកគោកធ្យូងខេត្តស្រះកែវប្រទេសថៃទល់និងភូមិព្រៃចាន់ឃុំអូរបីជាន់ស្រុកអូរជ្រៅខេត្តបន្ទាយមានជ័យ ។ សមត្ថកិច្ចមូលដ្ឋានបានឲ្យដឹងថា ត្រាក់ទ័រថៃ១គ្រឿងនោះជិះគ្នា២នាក់ ភេទប្រុសទាំង២ ជាជនជាតិថៃបានមកច្រូតស្រូវនៅភូមិសាស្រ្តបង្គោលសីម៉ាលេខ៤៣ត្រង់ចំណុចTA(៥៤៧.២៧៤ ក៏ជាន់មីនតោនផ្ទុះស្លាប់ទាំង២នាក់ចំណែកត្រាក់ទ័រខូចទាំងស្រុង៕

ប៉ៃលិនៈ ឯកឧត្ដមផាន់ចាន់ផុលអភិបាលខេត្តប៉ៃលិន និងជាប្រធានគណៈកម្មាធិការគ្រប់គ្រងគ្រោះមហន្តរាយខេត្ត បានអំពាវនាវដល់ពលរដ្ឋទាំងអស់ឲ្យមានការប្រុងប្រយ័ត្នចំពោះគ្រោះធម្មជាតិនានាដូចជាភ្លៀងភ្គររន្ទះខ្យល់កន្ត្រាក់និងជំនន់ទឹកភ្លៀងដែលកើតឡើងពិសេសត្រូវការពារខ្កួនជៀសវាងបាត់បង់អាយុជីវិតហើយបើមានហេតុការអ្វីកើតឡើងត្រូវរាយការណ៍ជូនអាជ្ញាធរមូលដ្ឋានជាបន្ទាន់ដើម្បីចុះជួយសង្គ្រោះទាន់ពេល។ អភិបាលខេត្តថ្លែងដូចនេះនៅក្នុងកម្មវិធីជួបសំណេះសំណាលសួរសុខទុក្ខនិងនាំយកអំណោយរបស់ក្រុមហ៊ុនមិតហ្វូន ជូនដល់ពលរដ្ឋ១០០គ្រួសារដែលរងគ្រោះដោយជំនន់ទឹកភ្លៀង នៅថ្ងៃទី២៨ខែតុលាឆ្នាំ២០២០នៅភូមិផ្សារព្រំ ឃុំស្ទឹងកាច់ស្រុកសាលាក្រៅខេត្តប៉ៃលិន។ សូមបញ្ជាក់ថា៖ នាពេលថ្មីៗកន្លងមកឯកឧត្តមផាន់ចាន់ផុលក្នុងនាម គណៈកម្មាធិការជាតិគ្រប់គ្រងគ្រោះមហន្តរាយថ្នាក់ខេត្តតែងតែចុះផ្ទាល់ភ្លាមៗដល់កន្លែងដែលពលរដ្ឋជួបគ្រោះធម្មជាតិនានាកន្លងមកហើយបានផ្តល់ដូចជា៖ អាវពោងចំនួន ៥០០ និងតង់ចំនួន ៥០០ ដែលប្រគល់បន្ថែមពីលើស្បៀងអាហារ និងសម្ភារៈ ប្រើប្រាស់មួយចំនួនទៀត សម្រាប់ឱ្យ គណៈកម្មាធិការគ្រប់គ្រងគ្រោះមហន្តរាយខេត្តប៉ៃលិន បន្តចែកជូន ប្រជាពលរដ្ឋដែលរងគ្រោះដោយទឹកជំនន់ទឹកភ្លៀង នាពេលប៉ុន្មានថ្ងៃមកនេះផងដែរ។ អំណោយដែលចែកជូននៅពេលនេះរួមមាន . អង្ករ២០គីឡូក្រាម.ទឹកស៊ីអ៊ីវ១យួរ.ទឹកត្រី១យួរ.ប៊ីចេង១ថង់. ត្រីខ. មី១កេះ និងស៊ីមកាតមិតហ្វូនចំនួន២ផងដែរ៕

ស្វាយរៀងៈមានការភ្ញាក់ផ្អើលទាំងព្រឹកដោយសារបុរសកម្មករសំណង់ម្នាក់លើកដែកប៉ះចំខ្សែកាបឆក់ធ្លាក់ពីលើដំបូលផ្ទះមកដីសន្លប់ធំត្រូវបានប្រជាពលរដ្ឋយកដីកប់ខ្លួននិងដឹកមកកាន់មន្ទីរពេទ្យដើម្បីជួយសង្គ្រោះ។ ករណីនេះបានកើតឡើងកាលពីវេលាម៉ោង ១០និង ៣០នាទីព្រឹកថ្ងៃទី២៨ខែតុលាឆ្នាំ២០២០ស្ថិតក្នុងភូមិក្បាលថ្នល់ ឃុំកណ្ដៀងរាយ ស្រុកស្វាយទាប ខេត្តស្វាយរៀង។ សមត្ថកិច្ចបានឲ្យដឹងថាជនរងគ្រោះឈ្មោះម៉ាប ភេទប្រុសអាយុ៣១ឆ្នាំរស់នៅភូមិដើមពោធិ៍ ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។ បុរសជាជនរងគ្រោះខាងលើបានមកធ្វើកម្មករសំណង់នៅផ្ទះឈ្មោះមុំ សារៀម ភេទស្រី អាយុអាយុ៦៩ឆ្នាំ មានទីលំនៅនៅភូមិក្បាលថ្នល់ ឃុំកណ្តៀងរាយ ស្រុកស្វាយទាប ខេត្តស្វាយរៀង។ នៅមុនពេលកើតហេតុបុរសរងគ្រោះបានលើកដែកដាក់លើកដំបូលផ្ទះស្រាប់តែប៉ះចំខ្សែកាបឆក់ធ្លាក់មកដីតែម្ដងា ភ្លាមៗនោះប្រជាពលរដ្ឋបានជួយសង្គ្រោះដឹកមកកាន់មន្ទីរពេទ្យ។ បច្ចុប្បន្នជនរងគ្រោះកំពុងសម្រាកព្យាបាលនៅមន្ទីរពេទ្យប្រតិបត្តិជីភូក្រុងបាវិត។

បាត់ដំបងៈលោកឧត្តមសេនីយ៏ត្រីសាត គឹមសាន ស្នងការនគរបាលខេត្តបាត់ដំបងបានជម្រុញឲ្យមន្រ្តីនគរបាលរូបណាដែលមិនបានដោះស្រាយបញ្ហាជូនប្រជាពលរដ្ឋនៅមូលដ្ឋានឲ្យបានទាន់ពេលវេលាទេត្រូវទទួលខុសត្រូវចំពោះមុខថ្នាក់ដឹកនាំស្នងការ។ លោកថ្លែងបែបនេះនៅព្រឹកថ្ងៃពុធ១២កើត ខែ កត្តិក ឆ្នាំ ជូតទោស័ក ព.ស.២៥៦៤ត្រូវនឹងថ្ងៃទី ២៨ខែតុលាឆ្នាំ២០២០ក្នុងកិច្ចប្រជុំបូកសរុបសភាពការណ៍ប្រចាំខែតុលានិងលើកទិសដៅភារកិច្ចខែវិច្ឆិកាឆ្នាំ ២០២០។ ក្នុងកិច្ចបូកសរុបសភាពការណ៍លោក ឧត្តមសេនីយ៍ស្នងការបានក្រើនរំលឹក ដល់ថ្នាក់ដឹកនាំគ្រប់ផែនជំនាញ ការិយាល័យជំនាញ រួមទាំងអធិការ នគរបាលក្រុង ស្រុកត្រូវពិនិត្យពិចារណាឡើង វិញ ចំពោះករណីអ សន្តិសុ ខ សង្គមដែលកើត មាន ក្នុងមូលដ្ឋាននា ខែ កន្លងទៅ ដូចជាករណី ចោរ កម្ម ករណីគ្រឿងញៀន និងក្រុមក្មេងបង្កអាណា ធិបតេយ្យជាដើម ។ លោកស្នងការបាន បញ្ជាក់ជូនថា កន្លងទៅលោក បានឱ្យធ្វើការផ្សព្វផ្សាយលេខ ទូរស័ព្ទរបស់លោកផ្ទាល់ របស់លោក លោកស្រីស្នងការរង លោកអធិការនគរ បាលក្រុងស្រុក រួមទាំងលេខទូរស័ព្ទរបស់នាយប៉ុស្តិ៍នគរបាលរដ្ឋបាលផង ដូច្នេះក្នុងពេលប្រជា ពល រដ្ឋទាក់ទងមកមន្រ្តីនៅមូលដ្ឋានរូបណា មិន បាន ដោះស្រាយបញ្ហានិងអន្តរាគមន៍ជូនគាត់ ទាន់ ពេល វេលា ទេ មន្រ្តីរូបនោះត្រូវតែទទួល […]

ស្ទឹងត្រែង៖អ្នកសារព័ត៌មានចំនួនពីរ រូប បានរងការគំរាមកំហែង និងប្រើអំបើហឹង្សាឆក់យកទូរស័ព្ទដៃរបស់ពួកគេ ដើម្បីបំបាត់ភស្តុតាង ពីសំណាក់ក្រុមអ្នកលេងល្បែងស៊ីសង ខណៈពួកគេចូលទៅថតនៅក្នុងទីតាំងលេងល្បែងដុះស្លែ ក្នុងមូលដ្ឋានផ្លូវបំបែកគីឡូ៤ ភូមិរាជានុកូល សង្កាត់ស្ទឹងត្រែង ក្រុង/ខេត្តស្ទឹងត្រែង។ ជនរងគ្រោះទី១ឈ្មោះ ជា ទូច អាយុ៣៥ឆ្នាំ ចាងហ្វាងគេហទំព័រ ភ្នែកម្នាស់PNM ដែលមានទីលំនៅឃុំទឹកថ្លា ស្រុកស្វាយអន្ទរ ខេត្តព្រៃវែងរបួសស្រាល បាត់បង់ទូរស័ព្ទ៣គ្រឿងទី២ឈ្មោះ វុធ សុភ័ក្រ អាយុ៣៣ឆ្នាំភ្នាក់ងារព័ត៌មាន កូនខ្មែរម្ចាស់ប្រទេស មានទីលំនៅឃុំអូរគ្រឿង ស្រុកសំបូរ ខេត្តក្រចេះ របួសធ្ងន់បាត់បង់ទូរស័ព្ទដៃ១គ្រឿង។ជនរងគ្រោះបានប្រាប់ឲ្យដឹងថា ក្រោយកើតហេតុរូបគេ បានបើករថយន្តទៅប្ដឹង នៅសមត្ថកិច្ចពាក់ព័ន្ធ ប៉ុន្តែគ្មាននរណាអើពើទទួលបណ្ដឹងឬរកដំណោះស្រាយឲ្យនោះទេដោយដេញពី១ទៅ១។ ជនរងគ្រោះបន្តថា ក្រោយពួកខ្លួនត្រូវក្រុមអ្នកញៀនល្បែង ប្រើអំពើហឹង្សាវាយប្លន់យកទូរស័ព្ទ បានមកដាក់ពាក្យបណ្ដឹង នៅស្នងការខេត្តស្ទឹងត្រែង ភ្លាមៗ កាលពីរសៀលថ្ងៃទី២៥ខែតុលាឆ្នាំ២០២០ ប៉ុន្តែពុំមានអ្នកទទួលបណ្ដឹងឡើយ ដោយមន្ត្រីនៅទីនោះ ដេញឲ្យទៅប្ដឹងនៅអធិការនគរបាលក្រុងស្ទឹងត្រែង។ ពេលមកដល់កន្លែងអធិការ គឺពុំមានអ្នកទទួលបណ្ដឹងទៀត ដោយគេតម្រូវឲ្យទៅប្ដឹងនៅកន្លែងអាវុធហត្ថវិញ។ លោកបន្តថា ពួកខ្លួនក៏ បានមកប្ដឹងនៅទី បញ្ជាការកងរាជអាវុធហត្ថខេត្តស្ទឹងត្រែងទៀត ស្រាប់តែមន្ត្រីនៅទីនោះ ដេញឲ្យទៅប្ដឹង នៅទីបញ្ជាការកងរាជអាវុធហត្ថក្រុងស្ទឹងត្រែងវិញ។ នៅពេលមកដល់អាវុធហត្ថក្រុងស្ទឹងត្រែង បែរជាគ្មានមនុស្សនៅ […]

ខេត្តរតនគិរីៈអាជ្ញាធរមូលដ្ឋានបានឲ្យដឹងថា ស្ត្រីម្នាក់ កំពុងធ្វើដំណើរតាមផ្លូវស្រាប់តែឈឺពោះបានសម្រាលកូនកណ្តាលផ្លូវតែម្តង។ ហេតុការណ៍បានកើតឡើងនៅព្រឹកថ្ងៃទី២៦ ខែតុលា ឆ្នាំ២០២០ វេលាម៉ោងប្រមាណជា ១០និង១៥នាទី នៅស្រុកអូរយ៉ាដាវ ខេត្តរតនគិរី។ អាជ្ញាធរបានបន្តឲ្យដឹងទៀតថា ករណីស្រ្តីឈឺពោះសម្រាលកូននេះ ត្រូវបានសង្រ្គោះដោយបុគ្គលិកឆ្មបនៃមណ្ឌលសុខភាពស្រុកអូរយ៉ាដាវ រួចបានដឹក បញ្ជូនមកមណ្ឌលសុខភាព តាមរយៈកម្លាំងអធិការដ្ឋាន នគរបាលស្រុកអូរយ៉ាដាវ។ ស្រ្ដីសម្រាលកូនតាមផ្លូវរូបនេះមានឈ្មោះ ទូច សុខខឿ ទីកន្លែងកំណើតភូមិឡំ ឃុំប៉ក់ញៃ ស្រុកអូរយ៉ាដាវ បច្ចុប្បន្នបានផ្លាស់ទីលំនៅ មកនៅភូមិប៉ក់ធំ ឃុំប៉ក់ ញៃ ស្រុកអូរយ៉ាដាវវិញ។ អាជ្ញាធរបានបញ្ជាក់ទៀតថា ស្រ្ដីសម្រាលកូនខាងលើបានឈឺពោះខ្លាំង ហើយ ក៏បានធ្វើដំណើរមកមណ្ឌលសុខភាពស្រុកអូរ យ៉ាដាវ តែមកដល់ពាក់កណ្ដាលផ្លូវស្រ្តីនោះក៏ឈឺពោះខ្លាំងហើយក៏បានសំរាលកូននៅពាក់កណ្ដាលផ្លូវតែម្ដង ដោយមានការសង្រ្គោះដោយបុគ្គលិកឆ្មបនៃមណ្ឌលសុខភាពស្រុកអូរយ៉ាដាវ។ បច្ចុប្បន្ននៅពេលនេះស្រ្ដី និងកូន បានមកដល់មណ្ឌលសុខភាព ស្រុកអូរយ៉ាដាវ ហើយទាំងម្ដាយទាំងកូនមានសុខភាពល្អ ក្រោយការសង្រ្គោះពីអ្នកគ្រូពេទ្យ៕  

ភ្នំពេញៈនាថ្ងៃទី២៦ ខែតុលា ឆ្នាំ២០២០ វេទិកានៃអង្គការមិនមែនរដ្ឋាភិបាល ស្តីពីកម្ពុជា (NGOF) សហការៀបចំជាមួយក្រសួងអភិវឌ្ឍន៍ជនបទ ក្រសួងមហាផ្ទៃ និងអង្គការ ICSO រៀបចំសិក្ខាសាលាផ្សព្វផ្សាយ និងប្រកាសដាក់ឱ្យប្រើប្រាស់ជាផ្លូវការនូវគម្រូលក្ខន្តិកៈ និងបទបញ្ជាផ្ទៃក្នុង សម្រាប់ការចុះបញ្ជីដី សមូហភាពសហគមន៍ជនជាតិដើមភាគតិចនៅកម្ពុជា នៅសណ្ឋាគារភ្នំពេញ អេរ៉ា រាជធានីភ្នំពេញ ដោយមានការគាំទ្រដោយ អង្គការ BfW អង្គការ Diakonia អង្គការ HEKS/EPER អង្គការ NPA និង អង្គការ Oxfam។ សិក្ខាសាលានេះ មានអ្នកចូលរួមសរុប១០០ នាក់ មកពីតំណាងក្រសួងអភិវឌ្ឍន៍ ក្រសួងមហាផ្ទៃ តំណាងការិយាល័យឧត្តមស្នងការនៃអង្គការសហប្រជាជាតិសិទ្ធិមនុស្ស (OHCHR)តំណាងសាលាខេត្តស្ទឹងត្រែង ខេត្តក្រចេះ ខេត្តរតនគិរី ខេត្តមណ្ឌលគិរី តំណាងមន្ទីរដែនដី មន្ទីរអភិវឌ្ឍន៍ជនបទប្រចាំខេត្ត តំណាងសហគមន៍មកពីខេត្តស្ទឹងត្រែង ខេត្តក្រចេះ ខេត្តរតនគិរី ខេត្តមណ្ឌលគិរី ខេត្តព្រះវិហារ ព្រមទាំងអង្គការសង្គមស៊ីវិល រួមមាន អង្គការ ICSO អង្គការ FLO អង្គការ DPA […]

ខេត្តប៉ៃលិនៈ ឯកឧត្តម អ៊ី ឈាន រដ្ឋលេខាធិការ ក្រសួងការពារជាតិ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តប៉ៃលិន នៅពីព្រឹកថ្ងៃទី២៥ ខែតុលា ឆ្នាំ២០២០ អញ្ជើញដឹកនាំកិច្ចប្រជុំជាមួយរដ្ឋបាលថ្នាក់ក្រោមជាតិខេត្តប៉ៃលិន ដើម្បីត្រៀមចុះសិក្សាត្រួតពិនិត្យវាយតម្លៃផលប៉ះពាល់ក្រោយពីជំនន់ទឹកភ្លៀងបានស្រកចុះទៅវិញ ។ យោងរបាយការណ៏ខេត្តបានបញ្ជាក់ថា គិតត្រឹមថ្ងៃទី០៩ ដល់ថ្ងៃទី២០ ខែតុលា ឆ្នាំ២០២០ ខេត្តប៉ៃលិន មានភ្លៀងធ្លាក់ជាប់ៗគ្នា នៅគ្រប់ទីកន្លែង បណ្តាលឱ្យកម្រិតកម្ពស់ទឹកស្ទឹង និងអូរ ហក់ឡើងខ្ពស់ធ្វើឱ្យហូរគំហុកជន់លិចលង់ ប៉ះពាល់ទ្រព្យសម្បត្តប្រជាពលរដ្ឋចំនួន០៦ឃុំ សង្កាត់ ក្នុងនោះប៉ះពាល់ផ្ទះ ចំនួន៧៤៧ខ្នង ហើយប្រជាពលរដ្ឋចំនួន២៩៨គ្រួសារ ដែលត្រូវបានក្រុមការងារអាជ្ញាធរខេត្ត និង អ្នកតំណាងរាស្រ្តមណ្ឌលប៉ៃលិន ដឹកនាំក្រុមយុវជនស.ស.យ.ក ខេត្ត ព្រមទាំងក្រុមការងារយុវជន កាកបាទក្រហមសាខាខេត្ត ជួយសង្គ្រោះបន្ទាន់ ។ របាយការណ៏ដដែលបន្តទៀតថា ក្រុមការងារនាំយកទៅទីទួលសុវត្ថិភាពរយ:ពេលខ្លី ហើយមានការប៉ះពាល់ វត្តអារាមចំនួន២កន្លែង សាលារៀន២កន្លែង និងធ្វើឱ្យប៉ះពាល់ដំណាំកសិក ម្មប្រជាពលរដ្ឋចំនួន១១០៧គ្រួសារ រួមានដំឡូងមីចំនួន ២៩៦៧.៥ហិកតា ពោតក្រហមចំនួន៨៥៩.៥ហិកតា ដំណាំស្រូវចំនួន៥០ហិកតា និងដំណាំផ្សេងៗចំនួន៧០៥ហិកតា សរុបស្មើនឹង៤៥៨២ហិកតា ខូចខាតផ្លូវចំនួន០៩ខ្សែ សរុបស្មើនឹង ២២៦៧៥ម៉ែត្រ ប៉ះពាល់ស្ពាន០៦កន្លែង […]

បាត់ដំបងៈប្រជាកសិករក្នុងស្រុកកំរៀងពេលនេះកំពុងប្រមូលផលផ្លែស្វាយកែវល្មៀតលក់ជាបន្តបន្ទាប់ដើម្បីដោះស្រាយជីវភាពឲ្យប្រសើរឡើង។ ដោយសារតែពេលបច្ចុប្បន្នទីផ្សាផ្លែស្វាយកែវល្មៀតឡើងថ្លៃបានបន្តិចវិញ ក្រោយពីធ្លាក់ថ្លៃយ៉ាងគំហុគក្នុង១គក២០០រៀលនិងគ្មានអ្នកទិញថែមទៀតផង ជ្រុះស្អុយចោលពេញចំការក្នុងកំឡុងចុងឆ្នាំ២០១៩និងដើមឆ្នាំ២០២០ខណៈពេលជម្ងឺឆ្លងកូវីដ១៩កំពុងរាតត្បាតទូទាំងពិភពលោក។ លោកពូ គុណ អាយុ៣៥ឆ្នាំកសិកររស់នៅក្នុងភូមិកំពង់ចម្លងលើ ឃុំតាគ្រី ស្រុកកំរៀង ខេត្តបាត់ដំបងបានឲ្យដឹងថា ស្វាយកែវល្មៀតរបស់លោកដាំដុះនៅលើផ្ទៃដីជិត១០ហិកតាមានចំនួនដើមស្វាយជាង១ពាន់ដើម ខណៈពេលនេះដល់រដូវប្រមូលផលបេះលក់ហើយ ក្រោយពីថែទាំនិងបំប៉នវាអស់រយៈពេល៥ទៅ៦ខែរួចមក។ លោកបន្តថា ខណៈពេលនេះទីផ្សាមានតម្លៃឡើងវិញបន្តិចនិងមានអ្នកមកប្រមូលទិញដល់ចំការយកទៅលក់បន្តនៅប្រទេសថៃ។ រីឯតម្លៃខ្ពស់បំផុត ផ្លៃធំៗល្អក្នុង១គក/១,២០០រៀល ចុះដល់៩០០/៨០០ទៅ៦០០រៀល/គក.ធ្លាក់ថ្លៃទៅតាមទំហំថ្លែស្វាយតូចឬធំឈ្មួញទិញរើសតាមហ្នឹងតម្លៃមិនដូចគ្នាទេ។ លោកបន្តថាខុសពីឆ្នាំមុនគឺធ្លាក់រហូតដល់១០០ទៅ២០០រៀល សឹងគ្មានអ្នកទិញឲ្យគេបេះយកទៅហូបគេមិនបេះទៀតផង។ កសិកររូបនេះបន្តថា ស្វាយកែវល្មៀតងាយដាំដុះក្នុងរយៈពេល៤ទៅ៥ឆ្នាំគឺអាចប្រមូលផលបានជាបណ្តើរៗហើយរហូតដល់១០ទៅ១៥ឆ្នាំ។លោកបន្តថា នៅពេលដែលវាចេញផ្កាក្តិបផ្លែតូចៗ ត្រូវថែទាំបាញ់ថ្នាំការពារមេរោគសត្វល្អិតស៊ីស្លឹកនិងផ្លែបណ្តាលឲ្យខូចឬអត់ផ្លែ ខណៈពេលវាកំពុងចេញផ្លែល្អ បើយើងមិនមើលថែទាំបំប៉នវាឲ្យបានដិតដល់ទេ ឃើញវាផ្លែហើយទុកចោល ក៏មិនអាចទទួលបានផលល្អដែរ។ លោកបន្តថា ការថែទាំត្រូវចំណាយថ្នាំបាញ់ខ្លាំងជាងពេលដាំដុះ។ដើមស្វាយលោក ជាង១ពាន់ដើមនេះចំណាយក្នុង១រដូវ៣ទៅ៤លានរៀលក្នុង១ឆ្នាំប្រមូលផល២ដង។បើសិនតម្លៃទីផ្សាធ្លាក់ថ្លៃក្នុង១គក.ក្រោម១ពាន់រៀលគឺខាតមិនចំណេញទេ ខាតទាំងកម្លាំងពលកម្មនិងពេលវេលាថែមទៀតផង តែធ្វើមេចបើយើងជាកសិករពឹងលើចំការទៅហើយ។(សម្លេងកសិករ.)។ កសិកររូបនេះដដែលបន្តថា នៅក្នុងភូមិនេះមានចំនួនអ្នកដាំស្វាយកែវល្មៀតមិនសូវជាច្រើនប៉ុន្មានទេ ភាគច្រើនគេដាំពោតនិងដំឡូងមីធ្វើស្រែ។លោកសំណូមពរឲ្យរាជរដ្ឋាភិបាលជួយរកទីផ្សាឲ្យបានតម្លៃខ្ពស់ផងដើម្បីលើកទឹកចិត្តដល់ការដាំដុះបង្កើនជីវភាពឲ្យប្រសើរឡើង បើចុះថោកពេកមិនទប់ទល់ស្មើរនិងការចំណាយជី ថ្នាំ ឡើងថ្លៃ និងមិនគិតកម្លាំងពលកម្មផងទេ មិនបានចំណេញជីវភាពនិងធ្លាក់ដុនដាបហើយ។ ឈ្មួញកណ្តាលម្នាក់បានឲ្យដឹងថា លោកដើរប្រមូលទិញស្វាយពីកសិករយកទៅលក់បន្តក៏បានកម្រៃតិចតួចបំផុតដែរ ព្រោះឈ្មួញថៃគេទិញថោកដែរតាមហាងឆេង.គ្រាន់តែលោកទិញនៅទីនេះលុយខ្មែរយកទៅលក់បានលុយបាតចំនេញទឹកទិញ១គក១,២០០រៀលដឹកទៅលក់ឲ្យឈ្មួញថៃបាន១គក/១២បាតប្រាក់ថៃប៉ុណ្ណោះ។