Month: August 2024

  ប៉ៃលិន៖ រសៀលថ្ងៃទី២៨ ខែសីហា ឆ្នាំ២០២៤ ថ្មីៗកន្លងមកនេះលោកជំទាវបណ្ឌិត បាន ស្រីមុំអភិបាលនៃគណៈអភិបាល ខេត្ត ប៉ៃលិន បានទទួលជួបសម្តែងការគួរសម និងពិភាក្សាការងារជាមួយ ឯកឧត្តម អ៊ូអិណុ អាត់ស៊ូស៊ិ (UENO Atsushi) ឯកអគ្គរាជទូតប្រទេសជប៉ុន ប្រចាំព្រះរាជាណាចក្រកម្ពុជា ដើម្បី ពិភាក្សា  និងសិក្សាឈ្វេងយល់អំពីស្ថានភាពទូទៅ របស់ ខេត្តប៉ៃលិន ក្នុងគោលដៅពង្រឹងនិងពង្រីកកិច្ចសហប្រតិបត្តិការឱ្យកាន់តែប្រសើរឡើង រវាងអាជ្ញាធរនៃរដ្ឋបាលខេត្តប៉ៃលិន និងស្ថានទូតប្រទេសជប៉ុន ក៏ដូចជាប្រជាជនជប៉ុន និងប្រជាជនកម្ពុជា ផងដែរ ។ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន បានទទួលស្វាគមន៍យ៉ាងកក់ក្តៅ ចំពោះ វត្តមាន ឯកឧត្តម អ៊ូអិណុ អាត់ស៊ូស៊ិ ឯកអគ្គរាជទូតវិសាមញ្ញ និងពេញសមត្ថភាព នៃប្រទេសជប៉ុន ប្រចាំព្រះរាជាណា ចក្រ កម្ពុជា និងសហការី ដែលបានអញ្ជើញមកកាន់ទឹកដី ខេត្ត ប៉ៃលិន ព្រមទាំងបានជម្រាប ជូន អំពីស្ថានភាពភូមិសាស្រ្ត, ស្ថានភាពជីវភាពរស់នៅរបស់ប្រជាពលរដ្ឋ, […]

  ឧត្តរមានជ័យ:ផ្លូវកៅស៊ូ១ខ្សែប្រវែងជាង៣០គីឡូម៉ែត្រ ពីទីរួមស្រុកចុងកាល់ទៅកាន់តំនប់រមណីយដ្ឋានភ្នំអាតោដួងចិត្តត្រូវបានស្ថាបនាជិតរួចរាល់មួយរយភាគរយហើយគិតត្រឹមចុងខែសីហាឆ្នាំ២០២៤ នេះ។បើយោងតាមការអះអាងបញ្ជាក់ប្រាប់ឲ្យដឹងពីក្រមការងារបច្ចេកទេសខាងមើលការខុសត្រូវលើកិច្ចការកំពុងស្ថាបនាផ្លូវថ្នល់ ចំពោះទីតាំងផ្លូវដែលធ្វើជិតរួចរាល់ហើយនេះដែរគឺស្ថិតនៅក្នុងឃុំចុងកាល់ ស្រុកចុងកាល់ ខេត្តឧត្តរមានជ័យ។ បើតាមការបញ្ជាក់ពីលោក សៀន ម៉ៅបាន ជាអនុភូមិបន្ទាយចាស់បានរៀបរាប់ប្រាប់ឲ្យដឹងនៅថ្ងៃទី២៩ខែសីហាឆ្នាំ២០២៤ថា ផ្លូវមួយខ្សែនេះពីដើមឡើយគឺពិបាកខ្លាំងណាស់នៅខែវស្សាគឺមានទឹកជន់លិចរហូត និងខែប្រាំងវិញផ្លូវដូចគ្រហីកគ្រហុកដូចរុនបាយខំ ហើយហ្នឹងមួយទៀតបន្ទាប់ពីរាជរដ្ធាភិបាលបានធ្វើផ្លូវនេះហើយនោះ នៅពេលថ្មីៗនេះអាជ្ញាធរស្រុកចុងកាល់ បានស្ថាបនាធ្វើផ្លូវបេតុងមួយខ្សែ ប្រវែង៤៥០ម៉ែត្របន្ថែមទៀត នៅក្នុងភូមិរបស់គាត់ សម្រាប់ការធ្វើចរាចរណ៍ទៅមករបស់បងប្អូនប្រជាពលរដ្ឋនៅតាមភូមិឃុំជិះឡាន ម៉ូតូ គោយន្តកន្ត្រៃ សិស្សសាលាជិះកង់ទៅមកបានស្រួល។ បើតាមប្រភពពីប្រជាពលរដ្ឋដែលជាកសិករឈ្មោះ ស៊ុន ថុល មានវ័យ៤៤ឆ្នាំបាន រៀបរាប់ប្រាប់ថា ក្នុងនាមពួកគាត់ជាប្រជាពលរដ្ឋ ធ្វើដំណើរតាមដងផ្លូវសព្វថ្ងៃនេះពិតជាមានការសប្បាយចិត្តជាខ្លាំង ក្រោយពីប្រមុខរាជរដ្ធាភិបាលកម្ពុជា យកចិត្តទុក ក្នុងការសាងសង់ផ្លូវកៅស៊ូ ខណៈផ្លូវនេះពីដើមឡើយគឺពិតជាពិបាកក្នុងការធ្វើដំណើរទៅមក ពេលដែលពួកគាត់ទៅស្រែចម្ការម្តងៗ បើនៅរដូវវស្សាជំនន់ទឹកភ្លៀងជន់លិច ហើយខែប្រាំងវិញឡានបើកទៅមកគឺហុយសំពោង ពេញមកលើដំបូលខ្នងផ្ទះសឹងតែហូបបាយពុំបាន នឹងមួយទៀតផ្លូវមួយនេះមានជង្ហុកធំៗជាច្រើនកន្លែងពិបាកធ្វើដំណើរតែម្តង។ កសិករដដែលបានលើកឡើងបន្តថា ក្នុងនាមពួកគាត់ជាប្រជាពលរដ្ឋនៅតាមភូមិសហគមន៏សូមថ្លែងអំណរគុណយ៉ាងជ្រាលជ្រៅចំពោះ រាជរដ្ធាភិបាលក៏ដូចជាថ្នាក់ដឹកនាំគ្រប់លំដាប់ថ្នាក់ដែលបានយកចិត្តទុកដាក់ ស្ថាបនាផ្លូវមួយខ្សែនេះ ដើម្បីឲ្យបងប្អូនធ្វើដំណើរទៅមកបានស្រួលពីព្រោះថា ផ្លូវ១ខ្សែនេះមានអ្នកធ្វើដំណើរលើដងផ្លូវទៅមកក្នុង១ថ្ងៃៗយ៉ាងច្រើនកុះករតែម្តង។ សូមជម្រាបផងដែរថាចំពោះផ្លូវ១ខ្សែដែលជាអំណោយរបស់រាជរដ្ឋាភិបាលស្ថាបនាធ្វើជិតរួចរាល់មួយរយភាគរយនេះគឺមានប្រវែងប្រមាណជាងសាមសិបគីឡូម៉ែត្រចេញពីទីរួមស្រុកចុងកាល់ឆ្ពោះទៅកាន់រមណីយដ្ឋានភ្នំអាតោដួងចិត្ត ហើយអាចធ្វើដំណើរជិះឆ្លងកាត់ឆ្ពោះទៅកាន់ស្រុកអន្លង់វែង ចេញទៅកាន់ខេត្តព្រះវិហារបានថែមទៀត ហើយមួយវិញទៀត ផ្លូវ១ខ្សែនេះមានសារ:សំខាន់គឺជាសរសៃឈាមរបស់បងប្អូនប្រជាកសិករក្នុងការប្រមូលដំណាំផ្នែកកសិកម្មក្នុងការដឹកជញ្ជូនយកចេញទៅកាន់ខេត្តផ្សេងៗទៀតផងដែរ។ (ដោយឈឿន ប៊ុនឈី)

    ឧត្តរមានជ័យ:រយ:ពេល២ទៅ៣ថ្ងៃគឺថ្ងៃទី២៦/២៧/៣៨ខែសីហា ឆ្នាំ២០២៤នេះប្រជាពលរដ្ឋជាច្រើនភូមិបានសម្រុកនាំគ្នាមកដាក់ពាក្យស្នើរសុំធ្វើប្លង់រឹងដើម្បីកាន់កាប់ ដោយស្របច្បាប់លើដីលំនៅឋាន លើប្លង់ដី ឡូត៏ស្រែចំការរបស់ពួកគាត់ ខណ:នៅពេលដែលកន្លងមកដីទាំងនោះ មានប្លង់ទន់ទទួលស្គាល់ សុីញ៉េត្រឹមភូមិ ឃុំ ប៉ុណ្ណោះ ទីតាំងដែលបងប្អូនប្រជាពលរដ្ឋមកធ្វើ ប្លង់ដីនេះគឺស្ថិតនៅត្រង់ចំណុចបរិវេណស្នាក់ការភូមិរង្សី ក្នុងឃុំបេង ស្រុកបន្ទាយអំពិល ខេត្តឧត្តរមានជ័យ។ បើតាមការបញ្ជាក់ឲ្យដឹងពី លោកស្រីអៀ នឿយ មានវ័យ៦៧ឆ្នាំជាប្រធានភូមិរង្សីបានប្រាប់ឲ្យដឹងនៅថ្ងៃទី២៧ខែសីហាឆ្នាំ២០២៤ថា បន្ទាប់ពីក្រុមការងារជំនាញសូរិយោដីនិងភូមិបាលស្រុកគេចុះវាស់វែងចុះក្នុងប្រព័ន្ធរួចមកនៅរយៈពេលប្រមាណ៣ទៅ៤ថ្ងៃកន្លងមកនេះមានបងប្អូនប្រជាពលរដ្ធជាច្រើនភូមិបានមកបំពេញលើឯកសារសម្រាប់ធ្វើប្លង់នៅទីស្នាក់ការភូមិតាំងពីព្រឹករហូតដល់ល្ងាច ហើយចំពោះក្បាលដីដែលបងប្អូនប្រជាពលរដ្ឋ នោះមានភូមិផ្សេងៗមក លាយឡំគ្នាដោយម្នាក់ៗធ្វើប្លង់ដីលំនៅឋានរឺប្លង់ដីឡូត៏និងប្លង់ដីស្រែចំការ ហើយជាក់ស្ដែងបងប្អូនប្រជាពលរដ្ឋមកធ្វើប្លង់រឹងនៅក្នុងភូមិខាងលើនេះមានចំនួន(៥៣៤ក្បាលដីប្រាំរយសាមសិបបួនក្បាលដី) ដោយឡែកអ្នកភូមិដែលមកធ្វើប្លង់ដីនេះទៀតសោតមាន ចំនួន៥ភូមិ ទី១ភូមិបេង .ទី២ភូមិទំនប់ថ្មី .ទី៣ភូមិតាម៉ា .ទី៤ភូមិយាយពេទ.ទី៥ ភូមិរង្សី។ ប្រភពពីលោក លៀតអៀន ភេទប្រុសអាយុ៣៩បានរៀបរាប់ប្រាប់ឲ្យដឹងថា ក្រោយពីមានការផ្តល់ពត៌មានពីមេភូមិ និងបានឃើញបងប្អូនរស់នៅក្នុងភូមិ មកធ្វើប្លង់រឹង ខណ:នោះគាត់ក៏បានយកអត្តសញ្ញាណប័ណ្ណមកធ្វើប្លង់រឹងនឹងគេតែម្តង ហើយគាត់ទើបតែមកនៅក្នុងថ្ងៃនេះឯង ហើយចំពោះការធ្វើប្លង់រឹង រាល់ការបំពេញឯកសារផ្សេងៗមន្ត្រីជំនាញសុរិយោដីស្រុកបានចុះធ្វើជូនពួកគាត់ដោយពុំមានការយកប្រាក់មួយកាក់ មួយសេនឡើយ ។ លោកឌឿក ហាន់ ប្រធានការិយាល័យរៀបចំដែនដីនគររូបនីយកម្មសំណង់និងភូមិបាលស្រុក បន្ទាយអំពិលបានរៀបរាប់ប្រាប់ឲ្យដឹងនៅថ្ងៃទី២៧ខែសីហាឆ្នាំ២០២៤នេះថា ការចុះ ធ្វើប្លង់រឹងជូនបងប្អូនប្រជាពលរដ្ឋនេះដែរបន្ទាប់ពីមន្ត្រីជំនាញចុះកំណត់ព្រំនិងចុះបញ្ជីជាប្រព័ន្ធរួចរាល់ ហើយចំពោះការចុះធ្វើប្លង់រឹងជូនបងប្អូននៅតាមខ្នងនេះផងដែរគឺបែងចែកចេញជាពីរគោលដៅ ដែលគោលដៅទីមួយគឺនៅក្នុងភូមិរង្សីនិងគោលដៅទីពីរនៅភូមិ ប្រាសាទល្បើក ដោយឡែកចំពោះការចុះធ្វើប្លង់ដីជាកម្មសិទ្ធស្របច្បាប់ […]

  ឧត្តរមានជ័យ:បងប្អូនប្រជាកសិករនៅតាម បណ្ដាភូមិសហគមន៍ បន្ទាប់ពី ធ្វើស្រែចម្ការរួចទំនេរពីការងារតែងតែនាំគ្នាប្រកបមុខរបរ ក្រងស្បូវលក់ដើម្បីយកប្រាក់ មកផ្គត់ផ្គង់ទ្រទ្រង់ជីវភាព គ្រួសារប្រចាំថ្ងៃ បានយ៉ាងរលូន កាត់បន្ថយនៃការចំណាកស្រុកទៅធ្វើការនៅប្រទេសជិតខាងបានមួយផ្នែកថែមទៀត។ បើតាមប្រភពពីលោកស្រី ឡាំសារ មានវ័យ៦៦ឆ្នាំរស់នៅភូមិថ្នល់ដាច់ ឃុំគោកមន ស្រុកបន្ទាយអំពិល ខេត្តឧត្តរមានជ័យបានរៀបរាប់ប្រាប់ឲ្យដឹងនៅថ្ងៃទី២៦ខែសីហាឆ្នាំ២០២៤ថា  នៅក្នុងភូមិរបស់គាត់នេះដែរ បន្ទាប់ពីធ្វើស្រែចម្ការនិង ដាំដំណាំផ្សេងៗរួច ឲ្យតែទំនេរពួកគាត់តែងតែនាំគ្នាទៅច្រូតស្បូវមកពី តំបន់ប្រាសាទតាមាន់និងប្រាសាទតាក្របីយកមកក្រងជាស្បូវសម្រាប់លក់យកប្រាក់ដើម្បីផ្គត់ផ្គង់គ្រួសារតាំងពីយូរលង់មកហើយ និយាយជារួមការក្រងស្បូវនេះ រាប់សិបឆ្នាំមកហើយ។ ប្រជាកសិករដដែលបានលើកឡើងបន្តទៀតថាដោយឡែកចំពោះទីផ្សារតម្លៃហាងឆេងវិញ ស្បូវ១កណ្តប ពួកគាត់ លក់បានចាប់ពី១២០០រៀល(មួយពាន់ពីរយរៀល ទៅ១៥០០រៀល (មួយពាន់ប្រាំរយរៀល)ចំណែកការក្រងស្បូវនេះទៀតសោតក្នុង១ថ្ងៃយើង អាចក្រងបានស្បូវចាប់ពី១០កណ្តបឡើងទៅ ហើយអ្នកគេមានគ្នា អាចក្រងស្បូវបាន ចាប់ពី២០ទៅ៣០កណ្តបក៏មានដែរ។ គួររំលឹកផងដែរថា បើតាមការលើកឡើងពីបងប្អូនប្រជាកសិករនៅតាមខ្នងផ្ទះបានបញ្ជាក់បន្ថែមថា ការដែលពួកគាត់ក្រងស្បូវលក់នោះ ពួកគាត់បាននិយាយតៗគ្នាថា ចំពោះកិច្ចការងារ ក្រងស្បូវនេះ មុនដំបូងឡើយគឺពួកគាត់នាំជិះគោយន្តកន្ត្រៃទៅច្រូតពីតំបន់ព្រៃភ្នំហើយយកមកចងបាច់ហាលឲ្យស្ងួតនៅជុំវិញបរិវេណផ្ទះ រួចទើបយកមកក្រង ជាបន្ត  ដោយឡែកស្បូវដែល ក្រងជាកណ្តបរួចហើយរៀបទុកដាក់នៅមុខផ្ទះបានច្រើន ឈ្មួញកណ្ដាលគេទទួលទិញ ដល់ផ្ទះតែម្តង។ មួយវិញទៀត ស្បូវដែលក្រងរួចនេះ យើងអាចយកទៅប្រើប្រាស់ធ្វើជាឧបករណ៍បានច្រើនយ៉ាង ដូចជាប្រក់ដំបូលផ្ទះ ប្រក់ធ្វើរោងគោ  ធ្វើជញ្ជាំងផ្ទះ និងមួយផ្នែកទៀតគេយកទៅប្រើប្រក់ធ្វើជាដំបូលកញ្ចុះ ដឹកតាមគោយន្តកន្ត្រៃពីខេត្តមួយ ទៅកាន់ខេត្តមួយ […]

  ខេត្តប៉ៃលិន ៖ កាលពីថ្ងៃទី២៥ ខែសីហា ឆ្នាំ២០២៤ ព្រះអង្គធម្មវនវាសីបណ្ឌិត ចន្ទមុនី និមន្តទស្សនកិច្ច និងជួបប្រជាពុទ្ធបរិស័ទតាមខ្សែបន្ទាត់ព្រំដែនកម្ពុជា-ថៃ ក្នុងភូមិសាស្ត្រខេត្តប៉ៃលិន ដើម្បីពិនិត្យមើលជីវភាពរស់នៅរបស់ប្រជាពលរដ្ឋ និងការប្រាស្រ័យទាក់ទងគ្នា ជាពិសេសការទំនាក់ទំនងធ្វើពាណិជ្ជកម្មល្អជាមួយគ្នាទៅវិញទៅមក រវាងខេត្តជាប់ព្រំដែនថៃ។ ក្នុងឱកាសព្រះអង្គធម្មវនវាសីបណ្ឌិត ចន្ទមុនី និមន្តទស្សនកិច្ចក្នុងខេត្តប៉ៃលិន សង្កេតឃើញថា លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងថ្នាក់ដឹកនាំ មន្ត្រីរាជការ បានអញ្ជើញមកទទួលព្រះដំណើរ ក្នុងនោះមានប្រជាពលរដ្ឋ និងពុទ្ធបរិស័ទដ៏ច្រើនត្រៀបត្រា ដែលមានជំនឿលើព្រះអង្គ បាននាំគ្នាទិញទៀន ធូប ផ្កា ក្រមួន ទឹកបរិសុទ្ធ និងគ្រឿងសក្ការៈបូជានានាជាច្រើនទៀត មកអង្គុយរង់ចាំទទួលព្រះអង្គ នៅតាមផ្លូវប្រវាត់ព្រំដែន និងតាមវត្តអារាមផងដែរ។ ព្រះធម្មវនវាសីបណ្ឌិត ចន្ទ មុនី ក៏បានសម្តែងព្រះធម៌ទេសនា ដោយមានសង្ឃដីកាផ្តល់ឱវាទដល់ប្រជាពុទ្ធបរិស័ទ និងប្រជាពលរដ្ឋនៅតំបន់ព្រំដែនថា៖ ការនិមន្តធ្វើដំណើរមកទស្សនកិច្ច នៅតាមបណ្តាខេត្តជាប់ព្រំដែន ថៃ ឡាវ និងវៀតណាម គឺបានបង្ហាញពីចលករមួយសម្រាប់ឱ្យយុវជន បានមកទស្សនាបន្តតាមក្រោយ ដើម្បីស្វែងយល់ពីសមិទ្ធផលបង្គោលព្រំដែន និងការអភិវឌ្ឍលើគ្រប់វិស័យ ដែលជាសមិទ្ធផលប្រវត្តិសាស្ត្រ […]

  ឧត្តរមានជ័យ:រថយន្តសេរីទំនើបចំនួន២គ្រឿងអត់ពន្ធនាំចូលនិងប្រើប្រាស់នូវឯកសារក្លែងក្លាយត្រូវបានមន្រ្តីគយនិងរដ្ធាករខេត្តសហការជាមួយកម្លាំងកងរាជអាវុធហត្ថធ្វើការបង្ក្រាបបាននៅវេលាម៉ោង១៣និង០០នាទីថ្ងៃទី២១ ខែសីហា ឆ្នាំ២០២៤ថ្មីៗនេះតែម្តងស្ថិតនៅត្រង់ចំណុចភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ។ សមត្ថកិច្ចបានឱ្យដឹងថា ក្នុងកិច្ចប្រតិបត្តិការនេះដែរ ដោយអនុវត្តតាមបទបញ្ជារបស់លោកឧត្តមសេនីយ៏ត្រី លីដារិទ្ធ មេបញ្ជាការកងរាជអាវុធហត្ថខេត្ត ចាត់កម្លាំងអាវុធហត្ថក្រុងសំរោង ០៥នាក់  រថយន្ត០១គ្រឿង វិទ្យុទាក់ទង ០៣គ្រឿង អាវុធ០១ដើម ដឹកនាំដោយលោក វរសេនីយ៍ត្រី ខៀវ ផន មេបញ្ជាការ មូលដ្ឋានកងរាជអាវុធហត្ថក្រុងសំរោង បានសហការណ៍ជាមួយកម្លាំងគយនិងរដ្ឋាករ ០២នាក់ ។ដឹកនាំដោយលោក សែន សុខុម អនុប្រធានសាខាគយ រដ្ឋករខេត្ត ឧត្តរមានជ័យ ចុះឃាត់រថយន្ត គេចពន្ឋគ្មានឯកសារគ្រប់គ្រាន់ ចំនួន០២គ្រឿង។ ម្ចាស់រថយន្តឈ្មោះហ៊ន់ សេងហួរ ភេទប្រុស អាយុ ២២ឆ្នាំមុខរបរសិស្សនិស្សិត រស់នៅភូមិឈូក សង្កាត់  ក្រុងសំរោង ខេត្តឧត្តរមានជ័យ។ ១/រថយន្ដម៉ាក GS 300 ពណ៌ទឹកមាស ស្លាក់លេខ ខ ម  2 – 9319 សេរី […]

  ប៉ៃលិន៖ ក្រោយពីទទួលពាក្យបណ្តឹងពីជនរងគ្រោះ ករណីបាត់ខ្សែភ្លើង អាគុយសូឡា និងសម្ភារៈមួយចំនួន របស់អគ្គីសនីកម្ពុជាសាខាប៉ៃលិន នៅវេលាម៉ោង១១ និង៣០នាទី ថ្ងៃទី២២ ខែសីហា ឆ្នាំ២០២៤ កម្លាំងផែននគរបាលយុត្តិធម៌ នៃអធិការដ្ឋាននគរបាលក្រុងប៉ៃលិន សហការជាមួយកម្លាំងប៉ុស្តិ៍រដ្ឋបាលសង្កាត់ប៉ៃលិន – អូរតាវ៉ៅ បានធ្វើការចុះបង្ក្រាបជាក់ស្តែង លើជនសង្ស័យម្នាក់ នៅចំណុចមុខមន្ទីរពេទ្យបង្អែកខេត្តប៉ៃលិន ស្ថិតក្នុងភូមិប៉ាហ៊ីត្បូង សង្កាត់ ក្រុងប៉ៃលិន ខេត្តប៉ៃលិន ។ បើតាមលោកវរសេនីយ៍ឯក យ៉ែម សារិទ្ធ អធិការនគរបាលក្រុងប៉ៃលិន បានមានប្រសាសន៍ឲ្យដឹងថា៖ បន្ទាប់ពីទទួលពាក្យបណ្តឹងពីជនរងគ្រោះ កម្លាំងសមត្ថកិច្ចជំនាញ បានសហការគ្នាយ៉ាងយកចិត្តទុក ធ្វើការស្រាវជ្រាវ រហូតបានឃើញជនសង្ស័យកំពុងជិៈម៉ូតូដឹកសម្ភារៈ ដែលខ្លួនបានលួច ពេលនោះកម្លាំងជំនាញរបស់យើង ក៍ធ្វើការបង្រ្កាបជាក់ស្តែងតែម្តង ។ ជនសង្ស័យឈ្មោះ ទឹម រាំបូ ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន មានផ្ទុកសារធាតុញៀន(+)ក្នុងខ្លួន ចំណែកបក្សពួកបានរត់គេចខ្លួន សមត្ថកិច្ចកំពុងធ្វើការស្រាវជ្រាវបន្ត។ រីឯវត្ថុតាង ដែលរិបអួសរួមមាន៖ អាគុយសូឡា […]

  ខេត្តប៉ៃលិន៖ ក្នុងកិច្ចប្រជុំពិភា​ក្សាការងារចុះបញ្ជីដីធ្លីមានលក្ខណៈជាប្រព័ន្ធ ក្នុងភូមិសាស្ត្រខេ​ត្តប៉ៃ​លិន នារសៀលថ្ងៃទី២​១ ខែសីហា ឆ្នាំ២០២៤ ឯកឧត្តម សា​យ សំអាល់ ឧបនាយករដ្ឋមន្ត្រី រដ្ឋមន្ត្រី​ក្រសួងរៀបចំដែ​នដី នគរូបនីយកម្ម និងសំណង់ បានថ្លែងថា៖ ការចុះបញ្ជីដីធ្លីមិន​មែនអង្គភាព​សុរិយោ​ដីធ្វើតែ​ឯងនោះទេ គឺត្រូវចូលរួមធ្វើទាំងអស់គ្នា។ កិច្ចប្រជុំនេះ​មានការអញ្ជើញចូលរួ​មពីគណៈប្រតិភូក្រសួងរៀបចំដែនដីនគរូបនីយកម្មនិងសំណង់ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត, ឯកឧត្តម ជា ចាន់ឌិន ប្រធាន​ក្រុមប្រឹក្សា​ខេត្ត, មេបញ្ជាការកងកម្លាំងទាំង៣, ប្រធានមន្ទីរ–អង្គភាព លោកអភិបាលក្រុង ស្រុក, ក្រុមប្រឹក្សាឃុំ សង្កាត់ និងមន្ត្រីពាក់ព័ន្ធ ព្រមទាំងប្រធាន អនុប្រធានមន្ទីរ ប្រធាន អនុប្រធានការិយា​ល័យ និងមន្រ្តីនៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តច្រើនរូប។ ក្នុងប្រសាសន៍​ស្វាគមន៍ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្ត បានប​ញ្ជាក់​ថា៖ ការចុះបញ្ជីដីមានលក្ខណៈជាប្រព័ន្ធនៅក្នុងខេត្តប៉ៃលិន កំពុងដំណើការ ក្រោមការ​យក​ចិត្តទុក​ដាក់ខ្ពស់​របស់លោកប្រធានមន្ទីរ និងមន្ត្រី នៃមន្ទីររៀបចំដែនដី នគរូបនីយកម្ម សំណង់ និងសុរិ​យោ​ដីខេត្ត ហើយមកដល់ពេលនេះ ក្រុមការងារចុះបញ្ជីដីធ្លីជាប្រព័ន្ធបានចេញបណ្ណ […]

  ភ្នំពេញ:មានប្រសាសន៍ក្នុងពិធីដ៏មហោទ្បារិកនោះ សម្តេចធិបតីនាយករដ្ឋមន្រ្តី បានរំលេចអំពីអត្ថន័យនៃការវិលត្រឡប់របស់បេតិកភណ្ឌជាតិមកមាតុភូមិកំណើតវិញបានដោយកត្តាចំនួនពីរគឺ កត្តាសុខសន្តិភាព និងការមានទំនុកចិត្តលើសមត្ថភាពរបស់ស្ថាប័នពាក់ព័ន្ធ។ ក្នុងន័យនេះ ឈរលើមូលដ្ឋានដ៏រឹងមាំនៃសុខសន្តិភាព និងឯកភាពជាតិរបស់កម្ពុជា ជាពិសេស បន្ទាប់ពីជោគជ័យនៃនយោបាយឈ្នះ-ឈ្នះ របស់ សម្តេចតេជោ ហ៊ុន សែន កម្ពុជាបានក្លាយជាទីដ្ឋានដ៏កក់ក្តៅ និងមានសុវត្ថិភាពសម្រាប់ការវិលត្រឡប់នៃរូបសំណាកអាទិទេព ដែលជានិមិត្តរូបនៃការបង្រួបបង្រួមដួងព្រលឹងខ្មែរ ។   ទន្ទឹមនេះ ការមានទំនុកចិត្ត និងជឿជាក់លើសមត្ថភាពរបស់ស្ថាប័នកម្ពុជាក្នុងការប្រយុទ្ធតតាំង ការពារ ក៏ដូចជា សមត្ថភាពថែរក្សាបេតិកភណ្ឌឱ្យបានគង់វង្ស ស័ក្តិសមជាប្រទេសកំណើតដើមនៃបេតិកភណ្ឌទាំងនោះ ទើបប្រទេសជាមិត្ត ក៏ដូចជាសហគមន៏អន្តរជាតិ ជួយសហការ បំផុសបំផុលចលនាការពារបេតិកភណ្ឌជាមួយកម្ពុជាកាន់តែខ្លាំងក្លាថែមទៀត។ សម្តេចធិបតី បានបង្ហាញនូវលទ្ធផលជាផ្លែផ្កានៃការប្តេជ្ញាចិត្តរបស់រាជរដ្ឋាភិបាល ក្នុងការការពារ និងទាមទារយកមកវិញនូវមរតកវប្បធម៌ជាតិ ដែលគិតចាប់ពីឆ្នាំ ១៩៩៦ រហូតដល់ខែ កក្កដា ឆ្នាំ២០២៤ មានវត្ថុសិល្បៈខ្មែរសរុបចំនួន ១.០៩៨ វត្ថុ ក្នុងនោះ ៥៧១ វត្ថុ ប្រគល់ដោយសប្បុរជន និងចំនួន ៥២៧ វត្ថុ  ប្រគល់ដោយរដ្ឋាភិបាល ឬស្ថាប័ននានាត្រឡប់មកកម្ពុជាវិញពីប្រទេសចំនួន ១៥ ដូចជា ៖ សហរដ្ឋអាមេរិក, […]

  ឧត្តរមានជ័យ:សមត្ថកិច្ចឃាត់ខ្លួនក្រុមក្មេងទំនើងរួមជាមួយនិងបក្ខពួកចំនួន៧នាក់មកបង្ហាញមុខនិងធ្វើការអប់រំបន្ទាប់ពីបានធ្វើសកម្មភាពជិះម៉ូតូប្រដាប់ដោយកាំបិត ដាវ ពូថៅដៃ ស្រែកឡូឡាគម្រាមជេរគ្នានៅតាមដងផ្លូវសាធារណ:ធ្វើឱ្យបាត់បង់សន្តិសុខសណ្តាប់ធ្នាប់សង្គមនេះបើយោងតាមរបាយការណ៏បញ្ជាក់ប្រាប់ឲ្យដឹងពីលោកវរសេនីយ៏ឯក ស៊ូនូវ អធិការស្រុកអន្លង់វែងនៅថ្ងៃទី១៩ខែសីហាឆ្នាំ២០២៤នេះ។ គួររំលឹកថា នៅអំឡុងចុងសប្តាហ៏ថ្ងៃទី១៧ ខែសីហាឆ្នាំ២០២៤កន្លងទៅថ្មីៗនេះ  វេលាម៉ោង០៩ និង ០០នាទីព្រឹក អនុវត្តតាមបទបញ្ជារបស់លោកឧត្តមសេនីយ៍ទោ ខូវ លី ស្នងការនគរបាលខេត្ត  បញ្ជាផ្ទាល់ទៅកាន់លោកវរសេនីយ៍ឯក ស៊ូ នូវ អធិការនគរបាលស្រុកអន្លង់វែង បានចាត់តាំងកម្លាំងផែនការងារនគរបាលយុត្តិធម៌ សហការជាមួយកម្លាំងប៉ុស្តិ៍រដ្ឋបាលអន្លង់វែង ត្រពាំងតាវ និងប៉ុស្តិ៍លំទង   ចុះស្រាវជ្រាវស៊ើបអង្កេតរហូតឈានដល់ការបង្ក្រាបចាប់ឃាត់ខ្លួនក្រុមក្មេងទំនើង ១ក្រុម មានគ្នា ចំនួន ៧នាក់ ប្រុស  ដែលបានជិះម៉ូតូកាន់ពូថៅ  ដាវ និងកាំបិត ថតវីដេអូរស្រែកសម្លុតគ្នា និងស្រែកឡូឡាតាមដងផ្លូវសាធារណ: នៅពេលជិះចេញពីលេងអូរទឹកខៀវ ស្ថិតនៅភូមិថ្នល់កែង ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ  ដែលប្រព្រឹត្តធ្វើឡើងកាលពីថ្ងៃទី២០ ខែមិថុនា ឆ្នាំ២០២៤ វេលាម៉ោង១៦ និង ៣០នាទី កន្លងទៅបណ្តាលឱ្យបាត់បង់សណ្តាប់ធ្នាប់ និងមានការភ័យខ្លាចដល់ប្រជាពលរដ្ឋនៅតាមមូលដ្ធាន។ លោកវរសេនីយ៏ឯក ស៊ូ នូវ អធិការស្រុកអន្លង់វែងបានបញ្ជាក់ប្រាប់បន្តថា លុះមកដល់ថ្ងៃថ្ងៃទី១៦ ខែសីហា […]