ខេត្តសៀមរាប៖ ថ្លែងនៅក្នុងពិធីប្រកាសតែងតាំងផ្លាស់ប្ដូរមុខតំណែងឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានជំរុញឲ្យនាយទាហាននាយទាហានរងត្រូវមានទឹកចិត្តឆន្ទៈមោះមុតស្មោះត្រង់ក្នុងការបម្រើជាតិមាតុភូមិខណៈពេលដែលត្រូវបានប្រកាសតែងតាំងផ្លាស់ប្ដូរមុខតំណែងថ្មីត្រូវសិក្សារៀនសូត្រនិងជំរុញឲ្យមានការអភិវឌ្ឍនៅក្នុងកងអង្គភាពដែលខ្លួនគ្រប់គ្រងឲ្យបានល្អបន្ថែមទៀត។ ឯកឧត្តមនាយឧត្តមសេនីយ៍បានបន្តទៀតថា កងកម្លាំងនាយទាហាននាយទាហានរងទាំងអស់ត្រូវសហការជាមួយកម្លាំងសមត្ថកិច្ចអាជ្ញាធរមូលដ្ឋានឲ្យបានល្អដើម្បីការពារសន្តិសុខសណ្ដាប់ធ្នាប់និងបូរណភាពភាពទឹកដីពិសេសសហការជាមួយនិងកងកម្លាំងដែលឈរជើងនៅតាមបន្ទាន់ព្រំដែនជាមួយនឹងប្រទេសជិតខាង។ដើម្បីប្រែក្លាយតំបន់ព្រំដែនឲ្យក្លាយជាតំបន់មានការអភិវឌ្ឍន៍និងសន្តិសុខល្អ។ សូមបញ្ជាក់ផងដែរថាពិធីប្រកាសតែងតាំងនិងផ្លាស់ប្ដូរមុខតំណែងថ្មីប្រព្រឹត្តឡើងនៅព្រឹកថ្ងៃទី២៩ ខែវិច្ឆិកា ឆ្នាំ២០២៣ មានការអញ្ជើញជាអធិបតីក្នុងពិធីប្រកាសតែងតាំងផ្លាស់ប្តូរមុខតំណែង មេបញ្ជាការ មេបញ្ជាការរង នាយសេនាធិការ កងពលតូចថ្មើរជើងលេខ៤២ តំបន់ប្រតិបត្តិការសឹករងសៀមរាប យោធភូមិភាគទី៤ និងកងពលធំអន្តរាគមន៍លេខ២ នៅបញ្ជាការដ្ឋានយោធភូមិភាគទី៤ កងទ័ពជើងគោក ។(ឈឿន ប៊ុនឈី)
