ខេត្តប៉ៃលិន ៖ ជនសង្ស័យ៣នាក់ ក្នុងនោះមាន២នាក់ ម្នាក់ជាអ្នកចូលទៅលួចផ្ទាល់ដៃ និងម្នាក់ទៀតជាអ្នកសមគំនិត បានលួចគ្រឿងសង្ហារឹមក្នុងផ្ទះប្រជាពលរដ្ឋ និងក្នុងផ្ទះមន្រ្តីនគរបាលម្នាក់ ខណ:ដែលអ្នកទិញបន្តគឺជាមន្រ្តីយោធា ជាអ្នកទទួលផលចោរកម្ម ត្រូវបានកម្លាំងនគរបាលចាប់ឃាត់ខ្លួនបញ្ជូនទៅតុលាការខេត្ត។ ហេតុការណ៍ចាប់ឃាត់ខ្លួនជនសង្ស័យលួចគ្រឿងសង្ហារឹមលក់ និងអ្នកទទួលផល ចោរកម្មនេះយោងតាមពាក្យបណ្តឹងពីម្ចាស់ជាជនរងគ្រោះបានធ្វើឡើងកាលពីវេលាម៉ោង០២និង៣០នាទីរសៀលថ្ងៃទី២៩ខែមិថុនាឆ្នាំ២០២៣ខណ:ដែលក្រុមចោរចូលទៅលួចសម្ភារ:គ្រឿងសង្ហារឹម កាលពីថ្ងៃទី២៨ ខែមិថុនា កន្លងទៅ។ សមត្ថកិច្ចបានឱ្យដឹងទៀតថា ក្រោយទទួលពាក្យបណ្តឹងករណីលួចគ្រឿងសង្ហារឹមចំនួន០២ករណី ពីជនរងគ្រោះ ទី១. ឈ្មោះ សេង ពិសិដ្ឋ ភេទប្រុស អាយុ៣៦ឆ្នាំ ជាអាជីវករ រស់នៅភូមិដីក្រហម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន បានប្តឹងថា មានជនមិនស្គាល់អត្តសញ្ញាបានចូលទៅលួចគ្រឿងសង្ហារឹមក្នុងផ្ទះគាត់បណ្តាលឱ្យបាត់សម្ភារៈជាច្រើនរួមមាន កៅអីសាឡុងចំនួន០១គ្រឿងកៅអីឈើ០១គ្រឿង គ្រែដេក២គ្រឿង និងសម្ភារ:ផ្សេងៗមួយចំនួនទៀត សរុបជាទឹកប្រាក់ប្រហែលចំនួន៣,២៥០ដុល្លារ។ ទី២. ឈ្មោះ ឆម ចាន់ភារម្យ ភេទប្រុស អាយុ៤១ឆ្នាំ ជាមន្រ្តីនគរបាល រស់នៅភូមិសួនអំពៅលិច សង្កាត់ប៉ៃលិន ក្រុងប៉ៃលិន ខេត្តប៉ៃលិន បានប្តឹងថា មានជនមិនស្គាស់អត្តសញ្ញាណចូលទៅលួចគ្រឿងសង្ហារឹមនៅក្នុងផ្ទះរបស់គាត់ ក្នុងភូមិខាងលើបណ្តាលឱ្យបាត់សម្ភារៈរួមមាន ៖ កៅអីឈើចំនួន១០គ្រឿង […]
