ខេត្តមណ្ឌលគិរី:សមត្ថកិច្ចនគរបាលខេត្តបានឲ្យដឹងថា👉ក្រោមការចង្អុលបង្ហាញបញ្ជាយ៉ាង ម៉ឺងម៉ាត់ពីលោក ឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី កម្លាំងសមត្ថកិច្ចជំនាញបានចុះបង្រ្កាបករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀនបាន (ចំនួន ៤ ទីតាំង )នៅថ្ងៃទី២៤ ខែវិច្ឆិកា ឆ្នាំ២០២៥ វេលាម៉ោង ១៤ និង ៥៦ នាទី នៅចំណុចរោងចាំចំការ ស្ថិតនៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
សមត្ថកិច្ចខាងលើបានបន្តទៀតថា ដោយមានការសម្របសម្រួលនីតិវិធីពី លោក ស៊ាវ ងីឈាន់ ព្រះរាជអាជ្ញារងអមសាលាដំបូងខេត្តមណ្ឌលគិរី អាជ្ញាធរមូលដ្ឋានចូលរួមដោយលោក ប៊ន វិមាន មេភូមិអូរអាម ។
ទីតាំងទី១ ៖ នៅថ្ងៃទី២៤ ខែវិច្ឆិកា ឆ្នាំ២០២៥ វេលាម៉ោង ១៤និង ៥៦នាទី កម្លាំងការិយាល័យប្រឆាំងគ្រឿងញៀន សហការជាមួយកម្លាំងការិយាល័យអន្តរាគមន៍ និងកម្លាំងជំនាញប្រឆាំងគ្រឿងញៀននៃអធិការរដ្ឋាននគរបាលស្រុកកែវសីមា និងកម្លាំងប៉ុស្តិ៍នគបាលរដ្ឋបាលស្រែខ្ទុម បានធ្វេីការចុះបង្ក្រាបករណីជួញដូរ រក្សាទុក និងប្រើប្រាស់ខុសច្បាប់នូវសារធាតុញៀន នៅចំណុចរោងចាំចំការ ស្ថិតនៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ។ ពេលកំពុងចុះប្រតិបត្តិការបង្គ្រាបករណីនេះ មុខសញ្ញាជួញដូរគ្រឿងញៀន ឈ្មោះ ឯល យូសុះ ភេទប្រុស អាយុ៤២ មុខរបរ មិនពិតប្រាកដ រស់នៅភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ។ គាត់មើលឃើញកម្លាំង
សមត្ថកិច្ទ យើងមុនក៏រត់គេចខ្លួនចូលព្រៃបាត់ កម្លាំងជំនាញបានធ្វើការឆែរឆេរទីតាំងរោងស្នាក់នៅរបស់ជនសង្ស័យ ដកហូតបានឧបករណ៍ជក់ថ្នាំញៀនមួយចំនួន ។
➡️ ទីតាំងទី២ ៖ វេលាម៉ោង ២១និង២៣ នាទី ថ្ងៃ ខែ ឆ្នាំដដែល កម្លាំងជំនាញ បានទទួលសេចក្តីរាយការណ៍ពីប្រជាពលរដ្ឋល្អថា ៖ មានករណីជួញដូរ រក្សាទុកនិងប្រើប្រាស់គ្រឿងញៀន នៅចណុច រោងឡានរបស់ឈ្មោះ ណយ សឹង ស្ថិតនៅភូមិអូរអាម ឃុំស្រែខ្ទុម ស្រុកែវសីមា ខេត្តមណ្ឌលគិរី កម្លាំងជំនាញចះុបង្ក្រាបឃាត់ខ្លួនបាន ជនសង្ស័យចំនួន០២នាក់ ភេទប្រុស ដកហូតថ្នាំញៀនចំនួន០៥កញ្ចប់ ។
➡️ ទីតាំងទី៣ ៖ នៅថ្ងៃទី២៥ ខែវិច្ឆិកា ឆ្នាំ២០២៥ វេលាម៉ោង ៩និង ២០នាទី ដោយបានចម្លើយសារភាព ពីជនសង្ស័យ កម្លាំងសមត្ថកិច្ចជំនាញបានបន្តនីតិវិធី ធ្វើការចុះបង្គ្រាបករណី ជួញដូរ រក្សាទុក ប្រើប្រាស់ខុសច្បាប់នូវសារធាតុញៀន នៅចំណុចរោងចាំចំការរបស់ឈ្មោះ លី ម៉ារី ស្ថិតនៅភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី ។ កម្លាំងជំនាញចុះបង្ក្រាបឃាត់ខ្លួនបាន ជនសង្ស័យចំនួន០៣នាក់ ភេទប្រុស ដកហូតថ្នាំញៀនបានចំនួន ១១ កញ្ចប់ ។ ក្នុងនោះជនសង្ស័យ ឈ្មោះ
ហ៊ីម ឡៃ មានដីកាបង្គាប់ឲ្យចាប់ខ្លួន. ចំនួន
០៣ ដីកា ។
➡️ ទីតាំងទី៤ ៖ ដោយយោងចម្លើយសារភាពរបស់ ឈ្មោះ ហ៊ីម ឡៃ ជំនាញបានបន្តនិតិវីធី ចុះបង្គ្រាប់មុខសញ្ញាជួញដូរនៅចំណុចរោងរបស់ឈ្មោះ សាន សារី (ហៅថា) ស្ថិតនៅភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី ។ធ្វើការឃាត់ខ្លួនជនសង្ស័យបានចំនួន ០៤ នាក់ ភេទប្រុស ដកហូតបានអាវុធ កែច្នៃចំនួន០៦ដើម ។
👮 ក្នុងកិច្ចប្រតិបត្តិការនេះ កម្លាំងសមត្ថកិច្ចជំនាញធ្វើការ ឃាត់ខ្លួនជនសង្ស័យបានចំនួន០៩នាក់។
វត្ថុតាំង 1. ក្រាមពណ៌សថ្លា គ្រឿងញៀនជាប្រភេទមេតំហ្វេតាមីន(ម៉ាទឹកកក)ចំនួន១៨កញ្ចប់ក្នុងនោះ(៦កញ្ចប់ធំល្មម,១២កញ្ចប់តូច) ទម្ងន់ ៧១.១០ ក្រាមថ្លឹងទាំងសំបក ។
2. ម៉ូតូចំនួន០៣គ្រឿង
3. ទូរស័ព្ទ័ចំនួន០៧គ្រឿង
4. ជញ្ជីងសម្រាប់ថ្លឹងគ្រឿងញៀនចំនួន០១
5. អាវុធកែច្នៃចំនួន០៧ដើម
6. កន្ត្រៃចំនួន០៣
7. កាបូបស្ពាយព៌ណខ្មៅចំនួន០១។
បច្ចុប្បន្នជនសង្ស័យរួមនិងវត្ថុតាងសមត្ថកិច្ចជំនាញកំពុងចាត់ការបន្តទៅតាមនីតិវិធី។