ឧត្តរមានជ័យ: បុរសម្នាក់ ឈ្មោះហម សុភារិទ្ធអាយុ ៣២ឆ្នាំរស់នៅភូមិពុរសង្កាត់សំរោង ក្រុងសំរោង ខេត្តឧត្តរមានជ័យ ជិះម៉ូតូលឿនដូចហោះបានរេចង្កូតធ្លាក់ទៅស្នាមភ្លោះបណ្ដាលឲ្យដួលបាក់កស្លាប់នៅនឹងកន្លែងភ្លាមៗតែម្តងដែលហេតុការណ៍គ្រោះថ្នាក់ចរាចរណ៍នេះដែរបានកើតឡើងនៅលើផ្លូវជាតិលេខ៥៦ក្បែរសាលារៀនបឋមសិក្សាដូនកែនភ្នៀតស្ថិតនៅក្នុងភូមិភ្នៀត សង្កាត់សំរោងក្រុងសំរោងខេត្តឧត្តរមានជ័យនៅថ្ងៃទី២២ខែវិច្ឆិកាឆ្នាំ២០២៥។

បើតាមប្រភពពីកន្លែងកើតហេតុបានដឹងថាមុនដំបូងឡើយគាត់បានឃើញម៉ូតូ មួយគ្រឿងជិះដោយបុរសម្នាក់ពីលិចទៅកើត លុះមកដល់កន្លែងកើតហេតុក៏បានដួលលាន់ស្នូរប្រាវពេលនោះ ក៏អ្នកភូមិផ្អើលឆោឡោចេញមកមើលនឹងបានរាយការណ៏ទៅសមត្ថកិច្ចឲ្យជួយហៅឡានពេទ្យដើម្បីអន្តរាគមន៏ជួយសង្គ្រោះតែជាអកុសល់បុរសខាងលើបានស្លាប់បាត់ទៅហើយ។
សមត្ថកិច្ចមូលដ្ឋានដែលនៅកន្លែងកើតហេតុបានដឹងថាករណីគ្រោះថ្នាក់ចរាចរណ៍ខាងលើនេះគឺបង្កឡើងដោយខ្លួនឯងដោយបុរសម្នាក់ជិះលឿនម៉ាកវ៉េវពណ៌ទឹកបុិចពាក់ស្លាកលេខកំពង់ចាម.1S.0597 លុះមកដល់កន្លែងកើតហេតុ ក៏បានរេចង្កូតធ្លាក់ទៅស្នាមភ្លោះ បាត់បង់ជីវិតតែម្តង។
ក្រោយកើតហេតុរួច សមត្ថកិច្ចជំនាញនគរបាលចរាចរណ៏ក៏បាន ជួយអន្តរាគមន៍ដឹកយកសាកសពជនរងគ្រោះដើម្បីប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី។

សូមជម្រាបដែរថាករណីចរាចរណ៍នេះគឺបង្កឡើងដោយខ្លួនឯងពុំមានប៉ះពាល់ដល់បងប្អូនអ្នកធ្វើដំណើរឡើយ ចំណែកឯម៉ូតូខ្ទេចខ្ទីដូចខ្ទឹមយោងតាមការបញ្ជាក់ពីសមត្ថកិច្ចជំនាញមូលហេតុបណ្តាលពីជនរងគ្រោះជិះម៉ូតូលឿនខ្វះការប្រុងប្រយ័ត្ន។ (ដោយឈឿន) ប៊ុនឈី
