បន្ទាយមានជ័យ ៖ ស្រូវជាច្រើនហិកតាដែលប្រឈមនិងការលិចលង់ដោយសារជំនន់ទឹកភ្លៀង ត្រូវបានអាជ្ញាធរខេត្តចុះជួយច្រូតកាត់ជូនប្រជាកសិករចំនួន១គ្រួសារដែលរងគ្រោះខ្លាំងជាងគេ។
អាជ្ញាធរមូលដ្ឋានភូមិសង្កាត់បានឱ្យដឹងថា ស្រែស្រូវរបស់ប្រជាកសិករដែលលិចលង់ដោយសារជំនន់ទឹកភ្លៀងនោះ មានចំនួន២ហិកតា ដែលទុំអាចច្រូតបានហើយ ត្រូវប្រឈមការលិចលង់ខូចខាតទាំងស្រុងផងនោះ ខ្វះកម្លាំងពលកម្មចុះជួយច្រូតកាត់ឱ្យបានទាន់ពេលវេលា ទើបអាជ្ញាធរខេត្តចុះជួយច្រូតជូនពួកគាត់តែម្តង។
ឥត
សូមបញ្ជាក់ដែរថា សកម្មភាពនេះដឹកនាំដោយ ឯកឧត្តម អ៊ុំ រាត្រី អភិបាលនៃគណ:អភិបាលខេត្ត និងជាប្រធានគណបញ្ជាការឯកភាព រដ្ឋបាលខេត្តបន្ទាយមានជ័យ មានកងកម្លាំងប្រដាប់អាវុធទាំង៣ប្រភេទដោយផ្ទាល់ រួមមាន ៖ អធិការនគរបាលក្រុង មូលដ្ឋានអាវុធហត្ថក្រុង តំបន់ប្រតិបត្តិការសឹករងខេត្ត ដឹកនាំដោយលោកឧត្ដមសេនីយ៍ត្រី ជឹម ប៊ុនអាន មេបញ្ជាការតំបន់ប្រតិបត្តិការសឹករងបន្ទាយមានជ័យ ដោយមានការចូលរួមពីសំណាក់ លោក ហ៊ឹល រ៉ាយ៉ា អភិបាលក្រុងសិរីសោភ័ណ ចៅសង្កាត់ ចុះជួយច្រូតស្រូវផងដែរ។
ហេតុការណ៍ចុះជួយច្រូតនេះធ្វើឡើងនៅរសៀលថ្ងៃទី១៧ ខែសីហា ឆ្នាំ២០២២ មានទីតាំង ស្ថិតនៅសង្កាត់ភ្នៀត ក្រុងសិរីសោភ័ណ ខេត្តបន្ទាយមានជ័យ។