បន្ទាយមានជ័យ)៖ នៅវេលាម៉ោង០០និង១៥នាទីរំលងអាធ្រាត្រ ថ្ងៃទី១៨ ខែតុលា ឆ្នាំ២០២២ កម្លាំងមូលដ្ឋានកងរាជអាវុធហត្ថក្រុងសិរីសោភ័ណ ដឹកនាំដោយលោកវរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជអាវុធហត្ថក្រុង បានធ្វេីការបង្ក្រាបករណីជួញដូរ និងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនជនសង្ស័យម្នាក់ ព្រមទាំងដកហូតវត្ថុតាងថ្នាំញៀនមួយចំនួន នៅចំណុចភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ហើយនាំមកកាន់មូលដ្ឋានកងរាជអាវុធហត្ថក្រុងដេីម្បីសួរនាំ ។ លោកវរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានអាវុធហត្ថក្រុងសិរីសោភ័ណបានឱ្យដឹងថា កម្លាំងរបស់លោកបានចុះល្បាតការពារសន្តិសុខ រក្សាសុវត្ថិភាព សណ្ដាប់ធ្នាប់ ក្នុងភូមិសាស្ត្រក្រុង រហូតដល់វេលាម៉ោង០០និង១៥នាទី ឈានចូលថ្ងៃទី១៨ ខែតុលា ឆ្នាំ២០២២ ពេលដល់ចំណុចភូមិភ្នំកន្ទួត សង្កាត់កំពង់ស្វាយ ក្រុងសិរីសោភ័ណ បានប្រទះឃើញបុរសម្នាក់ឈ្មោះ ឈិន រិទ្ធ ភេទប្រុស អាយុ២៨ឆ្នាំ កំពុងតែជិះកង់គួរឱ្យសង្ស័យ ទើបកម្លាំងរបស់លោកបានហៅមកសួរនាំ ហើយធ្វើការឆែកឆេរ រកឃើញមានគ្រឿងញៀនប្រភេទទឹកកក ចំនួន០២កូនថង់កិប ទម្ងន់ ១,៦១ក្រាម និងសម្ភារៈមួយចំនួន ក្រោយមកកម្លាំងក៏បានធ្វើការឃាត់ខ្លួនជនសង្ស័យខាងលើនាំមកកាន់មូលដ្ឋានកងរាជអាវុធហត្ថក្រុងតែម្តង ។ លោកវរសេនីយ៍ត្រី យ៉ាន់ សុវណ្ណ បានប្រាប់ឱ្យដឹងទៀតថា […]
កំពង់ចាម:ដើម្បីធានាបាននៅសន្តិសុខភូមិឃុំមានសុវត្ថិភាពក្នុងមូលដ្ឋានិងដោយអនុវត្តតាមបទបញ្ជាយ៉ាងមុឺងម៉ាត់របស់ប្រធានគណ:បញ្ជាការឯកភាពខេត្ត នៅថ្ងៃទី២២ ខែកុម្ភ: ឆ្នាំ២០២៣ វេលាម៉ោង១៣.៣០នាទី បន្ទាប់ពីទទួលបានព័ត៌មានពីប្រជាពលរដ្ឋភ្លាម លោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម បានចាត់តាំងកម្លាំងជំនាញរបស់ផែនការងារនគរបាលព្រហ្មទណ្ឌ សហការជាមួយ កម្លាំងជំនាញរបស់អធិការដ្ឋាននគរបាលស្រុកស្ទឹងត្រង់ និងអាជ្ញាធរមូលដ្ឋាន ចុះបង្ក្រាបទីតាំងលេងល្បែងស៊ីសងខុសច្បាប់ជល់មាន់ និងអាប៉ោងភ្នាល់ដាក់លុយនៅចំណុចក្នុងចំការកៅស៊ូ ស្ថិតក្នុងភូមិអូរស្ងួតឃុំអូរម្លូរស្រុកស្ទឹងត្រង់ខេត្តកំពង់ចាម។ សមត្ថកិច្ចបន្តថា ជាលទ្ធផល កម្លាំងសមត្ថកិច្ចបង្ក្រាបចាប់ឃាត់ខ្លួនបានមុខសញ្ញាចំនួន ១៧នាក់ និងដកហូតវត្ថុតាងមួយចំនួនមានមេអាប៉ោង ផ្តិល ចាន មាន់ជល់ សៃវៀនជល់។ បច្ចុប្បន្នជនសង្ស័យ១៧នាក់ រួមនឹងវត្ថុតាងខាងលើ ត្រូវបានបញ្ជូនមកកាន់ស្នងការដ្ឋាននគរ បាលខេត្តកំពង់ចាម ដើម្បីចាត់ការតាមនីនីតិវិធី។
តាកែវ:ករណីគ្រោះថ្នាក់ចរាចរណ៍បង្ករឡើងដោយបងប្អូនពីរនាក់ជិះម៉ូតូឌុបគ្នាបោះពួយល្បឿនលឿនពេញទំហឹងធ្វើឲ្យជ្រុលចង្កូតបុកខឿនពុះចែកផ្លូវបណ្តាលឲ្យបងប្អូន០២នាក់ម្នាក់ស្លាប់និងម្នាក់រងរបួសធ្ងន់។ ហេតុការណ៏នេះបានកើតឡើងនៅវេលាម៉ោង០៣.១៥នាទីទៀបភ្លឺឈានចូលថ្ងៃ២២ខែតុលាឆ្នាំ២០២០.នៅចំនុចរង្វង់មូលគល់ស្ពានអូរចំបក់ ភូមិខ្សឹង សង្កាត់ រកាក្នុងក្រុងដូនកែវ ខេត្តកែវ។ សមត្ថកិច្ចមូលដ្ឋានបានឲ្យដឹងថា ជនរងគ្រោះទាំង២នាក់ត្រូវជាបងប្អូននិងគ្នា បងប្រុសឈ្មោះហ្វារ(ស្លាប់) ម្នាក់ទៀតត្រូវជាប្អូនឈ្មោះ ប៊ឺត រងរបួសធ្ងន់ មានអាស័យដ្ឋាន នៅ ភូមិធន់មន់សង្កាត់បារាយណ៍ ក្រុងដូនកែវ ខេត្តតាកែវមូលហេតុបើកបរក្នុងល្បឿនលឿនបាត់បង់ម្ចាស់ការទើបបណ្តាលឲ្យគ្រោះថ្នាក់បែបនេះ។ ចំណែកសពត្រូវបានក្រុមគ្រួសារយកទៅធ្វើបុណ្យតាមប្រពៃណីទំនៀមទំលាប់ខ្មែរ ជនរងរបួសត្រូវបានបញ្ជូនទៅកាន់មន្ទីរពេទ្យបង្អែកខេត្តតាកែវ។ (សាម៉ុន)
