ឧត្តរមានជ័យ:ក្មេងទំនើងចំនួន១០នាក់ដែលសមត្ថកិច្ចឃាត់ខ្លួន បន្ទាប់ពីបានធ្វើសកម្មភាពប្រដាប់ដោយ មានអាវុធ កាំបិតខ្វែវ កាំបិតកាចែត ដាវ ដេញកាប់គ្នាយ៉ាងអាណាធិបតេយ្យនៅក្នុងភូមិសាស្ត្រ ស្រុកអន្លង់វែងខេត្តឧត្តរមានជ័យ។
កម្លាំងសមត្ថកិច្ចមូលដ្ឋានបានឲ្យដឹងនៅព្រឹកថ្ងៃទី៣១ខែឧសភាឆ្នាំ២០២៤នេះថា កម្លាំងជំនាញនៃស្នងការខេត្ត ដឹកនាំដោយលោកឧត្តមសេនីយ៏ត្រី ចំរើន ណេតសុធាវីសំរេច ស្នងការរងនឹងជាអ្នកនាំពាក្យ របស់ស្នងការនៃស្នងការដ្ធាននគរខេត្តឧត្តរមានជ័យបានធ្វើការបង្ហាញមុខក្រុមក្មេងទំនើងទាំង១០នាក់ នោះដែលបង្កភាពអសន្តិសុខប៉ះពាល់ដល់ការរស់នៅរបស់បងប្អូនប្រជាពលរដ្ធក្នុងមូលដ្ឌាន ដើម្បីកសាងសំណុំរឿងបញ្ជូនទៅកាន់សាលាដំបូងខេត្តអនុវត្តបន្តតាមនីតិវិធី។
គួររំលឹកថា នៅអំឡុងថ្ងៃទី២៩ ខែឧសភា ឆ្នាំ២០២៤ វេលាម៉ោង ០១នឹង៤០នាទីយប់ឈានចូលថ្ងៃទី៣០ខែឧសភាុំឆ្នាំ២០២៤នេះ មានករណីក្មេងទំនើង ២ក្រុម ប្រដាប់ដោយដាវ និងកាំបិត បានជិះម៉ូតូដេញកាប់គ្នារវាងគូរបក្សនៅតាមដងផ្លូវ សាធារណ:ស្ថិតនៅត្រង់ចំណុចភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្ដរមានជ័យបណ្តាលឱ្យភាគីម្ខាងខូចម៉ូតូ ១ គ្រឿង ធ្ងន់ធ្ងរយ៉ាងដំណុំ។
សមត្ថកិច្ចមូលដ្ធានបានឲ្យដឹងទៀតថា ករណីនេះបន្ទាប់ពីទទួលបានព៌ត័មានភ្លាម ដោយមានការចង្អុលបង្ហាញពីលោឧត្តមសេនីយ៏ទោ ខូវ លី ស្នងការខេត្ត បានចាត់បញ្ជាទៅលោកវរសេនីយ៍ឯក ស៊ូ នូវ អធិការនគរបាលស្រុកអន្លង់វែង បានដឹកនាំកម្លាំង ចុះស្រាវជ្រាវស៊ើបអង្កេតរហូតឈានដល់កំណត់មុខសញ្ញាបាននឹងធ្វើការបង្ក្រាបចាប់ឃាត់ខ្លួនជាបន្តបន្ទាប់សរុបចំនួន ១០នាក់ ប្រុស ដកហូតវត្ថុតាង កាំបិតខ្វែវចំនួន ០៤ , កាំបិតកាចែត ០១ , ដាវ ០១ និងម៉ូតូ ចំនួន ២ គ្រឿង។
បើយោងតាមរបាយការណ៏ពីសមត្ថកិច្ចបានអះអាងបន្តថា ក្រុមម្ខាងមានគ្នា ០៦ នាក់ ដកហូតម៉ូតូ ម៉ាកហុងដាឌ្រីម ពណ៌ខ្មៅ សេរីឆ្នាំ២០២២ ពាក់ផ្លាកលេខ ឧ.ជ ១E-៩០០៨ ( បិទស្គត់ពណ៌សរ ) កាំបិតខ្វែវ ០២ កាំបិតកាចែត ០១ និងដាវ ០១ មានឈ្មោះដូចខាងក្រោម
១/ឈ្មោះ ង៉ែត សុខា ភេទប្រុស អាយុ ១៨ឆ្នាំ រស់នៅភូមិទួលប្រាសាទ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ ( មានកាំបិតខ្វាវ )។
២/ ឈ្មោះ ខូវ កាន់ណារ៉ា ភេទប្រុស អាយុ ១៦ឆ្នាំ រស់នៅភូមិអូរគគីកណ្ដាល ឃុំលំទង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ ( មានដាវ )។
៣/ឈ្មោះ មករា វណ្ណា ភេទ ប្រុស អាយុ ២០ឆ្នាំ រស់នៅភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ។
៤/ ឈ្មោះ សៀយ សុយន់ ភេទប្រុស អាយុ ១៧ឆ្នាំ រស់នៅភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនប្រាកដ។
៥/ឈ្មោះ ហឿន ម៉េងហុង ភេទប្រុស អាយុ ១៨ឆ្នាំ រស់នៅភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ ( មានកាំបិតខ្វែវ )។
៦/ឈ្មោះ ទ្រី ចាន់ទ្រា ភេទ ប្រុស អាយុ ១៨ឆ្នាំ រស់នៅភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ ( មានកាំបិតកាចែត ) ។
សមត្ថកិច្ចបានបន្តទៀតថា ចំណែកឯក្រុមម្ខាងទៀតមានគ្នា ចំនួន ០៤ នាក់ ខូចខាតម៉ូតូ ០១គ្រឿង ម៉ាកហុងដាឌ្រីម សេ១២៥ ពណ៌ខ្មៅ សេរីឆ្នាំ២០២៤ ពាក់ផ្លាកលេខ សៀមរាប ១AQ-៧៧៦៧ មានកាំបិតខ្វែវ ចំនួន ០២ មានឈ្មោះដូចខាងក្រោម ៖
១/ឈ្មោះ សំ រដ្ឋា ( យួន ) ភេទ ប្រុស អាយុ ២២ឆ្នាំរស់នៅភូមិឃ្លាំងកណ្ដាល ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ មុខរបរមិនពិតប្រាកដ ។
២/ ឈ្មោះ ណាត់ ចាន់រិទ្ធ ភេទ ប្រុស អាយុ ២៣ឆ្នាំ រស់ភូមិថ្នល់ទទឹង ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរជាងពិដាន ( មានកាំបិតខ្វែវ២ )។
៣/ឈ្មោះ ហ៊ន ទិត ភេទ ប្រុស អាយុ ២៤ឆ្នាំ រស់នៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ មុខរបរលក់ការ៉ែម ។
៤/ ឈ្មោះ សេង ផានិត ភេទ ប្រុស អាយុ ២៤ឆ្នាំ រស់នៅភូមិគូលេនខាងត្បូង ឃុំគូលេនខាងត្បូង ស្រុកគូលេន ខេត្តព្រះវិហារ មុខរបរធ្វើនំពងទារ ។
នៅចំពោះមុខវត្ថុតាំងដែលដកហូតបានរួមមាន
១/កាំបិតខ្វែវចំនួន៤ដើម ២/កាំបិតកាចែត១ដើម ៣/ដាវ១ដើម ៤/ម៉ូតូ២គ្រឿងជិះធ្វើសកម្មភាព។
បច្ចុប្បន្ន ក្រុមក្មេងទំនើងទាំង១០នាក់ និងវត្ថុតាងខាងលើនេះបានកម្លាំងជំនាញនៃស្នងការខេត្តកសាងសុំណុំរឿងបញ្ជូនទៅកាន់សាលាដំបូងខេត្ត ដេីម្បីចាត់ការបន្តទៅតាមផ្លូវច្បាប់ដោយគ្មានការលើកលែងឡើយ ។
សូមជម្រាបថា បើយោងទៅតាមការបញ្ជាក់របស់លោកឧត្តមសេនីយ៏ត្រី ចំរើន ណេតសុធាវីសំរេច ស្នងការរងនឹងជាអ្នកនាំពាក្យនៃស្នងការខេត្តឧត្តរមានជ័យបានលើកឡើងបន្ថែមថា ទិសដៅអនុវត្ត តាមបទបញ្ជារបស់លោកស្នងការ ខេត្តដាក់ចេញនូវវិធានការទប់ស្កាត់បង្ការ បង្ក្រាប ហើយកម្លាំងនគរបាលជំនាញ ចេញល្បាតទាំងយប់ ទាំងថ្ងៃ ដូចភ្លៀងរលឹម ធ្វើបញ្ជីគ្រប់គ្រង បន្តសហការជាមួយនាយកសាលាលោកគ្រូអ្នកគ្រូដើម្បីធ្វើការសហការជាមួយ អាណាព្យាបាល ឲ្យជួយអប់រំទៅដល់កូនៗ ហើយចំណុចដែលសំខាន់បំផុតករណីបង្ក្រាបក្មេងទំនើងនេះឲ្យបានតែម្ដង។
មជ្ឈដ្ឋានជាច្រើនរបស់ប្រជាពលរដ្ឋរស់នៅក្នុងមូលដ្ឋានមានការសាទរចំពោះកម្លាំងសមត្ថកិច្ចដែលបានបង្ក្រាបក្មេងទំនើងទាំងអស់នេះដែលកន្លងមកពួកគេតែងតែបង្កការអុកឡុកក្នុងមូលដ្ឋានធ្វើឲ្យការរស់នៅរបស់ប្រជាពលរដ្ឋមានការព្រួយបារម្ភជាខ្លាំង។ដោយឈឿន ប៊ុនឈី
