ឧត្តរមានជ័យ:កត្តាគ្រោះថ្នាក់ចរាចរណ៏នៅតែបន្តកើតមានឡើងឥតឈប់ឈរ ជាក់ស្តែងនៅវេលាម៉ោង១១និង៥០នាទី ថ្ងៃទី០៦ខែមីនាឆ្នាំ២០២៥នេះស្ថិតនៅត្រង់ចំណុចភូមិបុស្ស សង្កាត់កូនក្រៀល ក្រុងសំរោង ខេត្តឧត្តរមានជ័យ។ មានចំនួន២ករណីផ្សេងគ្នាក្នុងពេលតែ១ ទីមួយដោយសារតែឡានថៃសណ្តោងរុឺម៉កបើកបរក្នុងស្ថានភាពលឿនបុកអ្នកថ្មើរជើងម្នាក់បណ្តាលឲ្យរងរបួសយ៉ាងធ្ងន់ធ្ងរហើយរថយន្តរ៉េកន្ទុយទទឹងថ្នល់បង្កការភ្ញាក់ផ្អើលទៅដល់អ្នកភូមិចេញមកមើលយ៉ាងព្រោងព្រាតទាំងកណ្តាលថ្ងៃត្រង់។ ទីពីរ ឡានកាម៉ារីឆ្លាមឈប់ចតលើផ្លូវត្រូវម៉ូតូមកបុកចំពីក្រោយយ៉ាងពេញទំហឹងតែម្តង។
សមត្ថកិច្ចមូលដ្ធានដែលនៅកន្លែងកើតហេតុបានបញ្ជាក់ប្រាប់ឲ្យដឹងថាពិតជាមានករណីគ្រោះថ្នាក់ចរាចរណ៍មួយកេីតឡើងរវាងរថយន្តធន់ធ្ងន់(ថៃ)និង អ្នកថ្មើរជើង (ទិសដៅស្របទិសគ្នា) នៅត្រង់ចំណុចលើផ្លូវខេត្តលេខ២៦/៨៦ គីឡូម៉ែត្រ ១១/១២ ស្ថិតនៅភូមិបុស្ស សង្កាត់កូនគ្រៀល ក្រុងសំរោង ខេត្តឧត្តរមានជ័យ បណ្តាលឲ្យរងរបួសធ្ងន់ចំនួន០១នាក់ /ស្រីប្រាកដមែន។
សមត្ថកិច្ចដដែលបានអះអាងបន្តថាករណីគ្រោះថ្នាក់ចរាចរណ៏ខាងលើនេះមាន២ករណី ទី១/រថយន្តធន់ធ្ងន់-(ថៃ)មានសណ្ដោងរឺម៉ុក ម៉ាក(IZUSU) ពណ៌ ស-លឿងផលិពាក់ផ្លាកលេខថៃឡែន 70-4333 និងលេខរ៉ឺម៉ក 70-4334 បើកបរដោយ ឈ្មោះ ឈ្លៀវ តាដក ភេទប្រុសអាយុ៥៦ឆ្នាំមុខរបរ ជនជាតិថៃ មានទីលំនៅបច្ចុប្បន្ន ភូមិណង់ប្រឺ ឃុំតានឺ ស្រុកប្រាសាទ ខេត្តសុរិន្ទ៕បើកបរពីជើងទៅត្បូង (គ្មានរបួស) ពាក់ខ្សែក្រវាត់សុវត្ថិភាព។
ទី២/អ្នកថ្មើរជើងឈ្មោះអន់ រុី ភេទស្រីអាយុ ៦៤ឆ្នាំ មុខរបកសិករមានទីលំនៅបច្ចុប្បន្នរស់នៅភូមិបុស្ស សង្កាត់កូនគ្រៀល ក្រុងសំរោង ខេត្តឧត្តរមានជ័យ ឆ្លងផ្លូវពីកើតទៅលិច(របួសធ្ងន់)ក្រោយកើតហេតុភ្លាមត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្តឧត្តរមានជ័យ។
ករណីទី២/រថយន្តកាម៉ារីឆ្លាមឈប់ចតនៅលើផ្លូវត្រូវម៉ូតូមកបុកចំពីក្រោយបណ្តាលឲ្យអ្នកជិះម៉ូតូរងរបួសស្រាល។
សូមជម្រាបថា បន្ទាប់ពីកើតហេតុភ្លាមសមត្ថកិច្ចជំនាញចរាចរណ៏ផ្លូវគោកនៃស្នងការខេត្តចុះមកដល់ធ្វើការពិនិត្យវាស់វែងទីតាំងចំណុចកើតហេតុផ្ទាល់ដើម្បីយកវត្ថតាងចាត់ការដោះស្រាយទៅតាមនីតិវិធីច្បាប់។ ដោយឈឿន ប៊ុនឈី
