ឧត្តរមានជ័យ: ឯកឧត្តម ឧត្តមសេនីយឯក តាន់ សំណាង អគ្គស្នងការរងនគរបាលជាតិ បានក្រើនរំលឹកទៅដល់ កងកម្លាំងនគរបាលដែលឈរជើង នៅតាម បន្ទាត់ព្រំដែនត្រូវចេះសហការសាមគ្គីគ្នាឲ្យបានល្អជាមួយនឹងអាជ្ញាធរកងកម្លាំងដែលឈរជើងនៅតាមខ្សែបន្ទាត់ព្រំដែនដើម្បីការពារបូរណភាពទឹកដី នឹងបន្តខិតខំយកចិត្តទុកដាក់ចូលរួមទប់ស្កាត់បង្ការបង្ក្រាប ការលបលួច ឆ្លងដែន ការលំហូរចូលនៃគ្រឿងញៀននិងបទល្មើសផ្សេងៗឲ្យបានជាប់ជាប្រចាំតែម្តង។
ការថ្លែងបែបនេះនៅក្នុងពិធីប្រកាសផ្ទេរភារកិច្ចនិងតែងតាំងមុខតំណែងជូនមន្ត្រីនគរបាលជាតិនៃស្នងការដ្ឋាននគរបាលខេត្តឧត្តរមានជ័យកាលពីព្រឹកថ្ងៃ២៦ខែមីនាឆ្នាំ២០២៥នេះស្ថិត នៅក្នុងបរិវេណសាលប្រជុំនៃស្នងការដ្ឋាននគរបាលខេត្តឧត្តរមានជ័យក្នុងនោះក៏មានការអញ្ជើញចូលរួមពីឯកឧត្តម ហោជិនវីរ:យុទ្ធ អភិបាលរងខេត្ត លោកស្នងការរង លោកមេបញ្ជាការវរ លោកអធិការក្រុងស្រុកនិងលោកនាយការិយាល័យចំណុះឲ្យស្នងការខេត្តជាច្រើនរូបផ្សេងទៀត។
ឯកឧត្ដមឧត្ដមសេនីយ៍ឯក តាន់សំណាងអគ្គស្នងការរងនគរបាលជាតិតំណាងដ៏ខ្ពង់ខ្ពស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិបានមានប្រសាសន៍បន្តថា នៅក្នុងថ្ងៃនេះក្នុងនាមខ្ញុំបាទផ្ទាល់សូមកោតសរសើរទៅដល់លោកឧត្តមសេនីយ៏ទោ ខូវលី ស្នងការខេត្ត ដែលបាន ខិតខំប្រឹងប្រែងយកចិត្តទុកដាក់បំពេញតួនាទីភារកិច្ចលើការងារ ក្នុងការកសាងបន្ថែមនូវហេដ្ធារចនាសម្ព័ន្ធថ្មីៗច្រើនសម្រាប់អង្គភាព ជាងនេះទៅទៀតតាំងនាមឲ្យអគ្គស្នងការនគរបាលជាតិ ក៏សូមក្រើនរំលឹកទៅដល់ មន្ត្រីនគរបាលដែលបានទទួល ភារៈកិច្ចនៅថ្ងៃនេះត្រូវខិតខំបន្តលើកិច្ចការងារ ស្នូលដែលថ្នាក់លើប្រគល់ជូន។
លើសពីនេះទៅទៀតក្នុងនាមជាកងកម្លាំងនគរបាលត្រូវតែពង្រឹង លើកិច្ចការងារ តួនាទីឲ្យបានភ្ជាប់ផ្ជួនប្តេជ្ញាចិត្តដើម្បីការពារព្រះមហាក្សត្រឲ្យបានពេញលេញនិងមួយទៀតត្រូវចូលរួមបង្កើនការសហការល្អជាមួយនឹងអាជ្ញាធរគ្រប់លំដាប់ថ្នាក់និងប្រជាពលរដ្ឋទូទៅក្នុងការទប់ស្កាត់បង្ក្រាប់រាល់បទល្មើសផ្សេងៗដើម្បីភូមិឃុំមានសុវត្ថភាព មានដូចជាការបង្ក្រាប ទប់ស្កាត់ រាល់ ល្បែងស៊ីសងគ្រប់ប្រភេទ ការចរាចរគ្រឿងញៀននិងបទល្មើស ធនធានធម្មជាតិ ការលួចឆ្លងដែនខុសច្បាប់ បង្ក្រាបក្រុមក្មេងទំនើងជាដើម និងមួយទៀតត្រូវចូលរួមប្រជុំផ្សព្វផ្សាយបំពេញបន្ថែមលើកិច្ចការងារ នៅតាមសាលារៀន ពាក់ព័ន្ធទៅនឹង ការគោរពច្បាប់ចរាចរណ៍ផ្លូវគោក នឹងជួយសម្រួលដល់ នៅតាមសាលារៀន ជួយសម្រួលចរាចរណ៏ពេល ក្មេងសិស្សសាលាចេញពីរៀននឹងសិស្សសាលាចូលរៀនជាប់ជាប្រចាំផងដែរ។ឯកឧត្តមឧត្តមសេនីយ៍ទោ ខូវលី ស្នងការនគរបាលខេត្តឧត្ដរមានជ័យបាន ឡើងតាមរបាយការណ៍និង លើកឡើងអំពីស្ថានភាព ទូទៅរបស់ស្នងការដ្ឋានពាក់ព័ន្ធទៅនឹងការកសាងនូវហេដ្ឋារចនាសម្ព័ន្ធថ្មីៗនិងជាពិសេសក្នុងនាមលោកផ្ទាល់ ដែល ជានិច្ចកាលតែងតែ បើកកិច្ចប្រជុំផ្សព្វផ្សាយ ពង្រឹងលើកិច្ចការងារអនុវត្តតួនាទីទៅតាម ភារៈកិច្ច តាម ប៉ុស្តិ៏ អធិការក្រុងស្រុក តាមការិយាល័យជំនាញដើម្បីទប់ស្កាត់បង្ក្រាបរាល់បទល្មើសទូទៅ ជាងនេះទៅទៀតពង្រឹងបន្ថែមលើការយាមល្បាត ទៅតាមគោលដៅសំខាន់ៗ២៤លើ២៤ម៉ោង ដើម្បី រក្សាសន្តិសុខសណ្ដាប់ធ្នាប់សាធារណជូនបងប្អូនជាប្រជាពលរដ្ធនៅតាមភូមិសហគមន៏ជាប់ជាប្រចាំថ្ងៃតែម្តង។
សូមជម្រាបផងដែរថា ពិធីប្រកាសផ្ទេរភារកិច្ចនិងតែងតាំងមុខតំណែងជូនដល់មន្ត្រីនគរបាលជាតិនៃស្នងការដ្ឋាននគរបាលខេត្តឧត្តរមានជ័យនៅព្រឹកថ្ងៃទី២៦ខែមីនាឆ្នាំ២០២៥នេះមានចំនួនសរុប៤៨នាក់ក្នុងនោះមានស្រីចំនួន០៦នាក់ផងដែរ។ ( ដោយឈឿន ប៊ុនឈី )
