ថ្នាក់ដឹកនាំជាន់ខ្ពស់របស់ក្រសួងអធិការកិច្ចបានក្រើនរំឭកទៅដល់បងប្អូន ទូទាំងប្រទេស ត្រូវប្រកាន់ខ្ជាប់គោរពនូវច្បាប់ចរាចរណ៍ក្នុងពេលធ្វើដំណើរ

ឧត្តរមានជ័យ:ថ្នាក់ដឹកនាំជាន់ខ្ពស់របស់ក្រសួងអធិការកិច្ច បានក្រើនរំឭកទៅដល់បងប្អូនប្រជាពលរដ្ឋនៅទូទាំងប្រទេសកម្ពុជាខណៈពេលដែលធ្វើចរាចរណ៍នៅតាមដងផ្លូវសូមមេត្តាប្រកាន់ខ្ជាប់នូវការគោរពច្បាប់ចរាចរណ៍ ឲ្យបានជាប់ជាប្រចាំដើម្បី ការពារអាយុជីវិតនិងកាត់បន្ថយនូវអត្រាគ្រោះថ្នាក់ចរាចរណ៍ផ្សេងៗ។

ការថ្លែងបែបនេះនៅក្នុងពិធីផ្សព្វផ្សាយ ច្បាប់ស្តីពីចរាចរណ៍ផ្លូវគោកដែលប្រព្រឹត្តធ្វើឡើងស្ថិតនៅក្នុងបរិវេណ សាលប្រជុំរបស់រដ្ឋបាលខេត្តឧត្តរមានជ័យ នៅថ្ងៃទី១៤ខែមីនាឆ្នាំ២០២៥។នៅក្នុងនោះដែរក៏មានការអញ្ជើញចូលរួមពីអស់លោកលោកស្រី ប្រធានមន្ទីរអង្គភាព ជុំវិញខេត្តនិងសិស្សានុសិស្សប្រមាណជា បីរយជាងផងដែរ។

លោកជំទាវ វីស្រីពៅ រដ្ឋលេខាធិការ ក្រសួងអធិការកិច្ចដែលដឹកនាំប្រតិភូសហការជាមួយរដ្ឋបាលខេត្តឧត្តរមានជ័យធ្វើពិធីនេះឡើងដើម្បីបញ្ជ្រាបការយល់ដឹងបន្ថែម ពេលធ្វើចរាចរណ៍។ ទទឹមនេះដែរលោកជំទាវរដ្ឋលេខាធិការក៏បាន មានប្រសាសន៍បន្ថែមថា ដើម្បីកាត់បន្ថយនៃការគ្រោះថ្នាក់ចរាចរណ៍និងយល់ដឹងពីច្បាប់ចរាចរណ៍ផ្លូវគោកឲ្យកាន់តែច្បាស់ស្នើឲ្យបងប្អូនប្រជាពលរដ្ឋនៅតាមភូមិឃុំសហគមន៍ក៏ដូចជាមន្ត្រីមន្ទីរជំនាញពាក់ព័ន្ធថ្នាក់ក្រោមជាតិមេត្តាចូលរួមគោរពច្បាប់ចរាចរណ៏និងជា ពិសេសសិស្សានុសិស្ស ត្រូវតែចូលរួមគោរពច្បាប់ចរាចរណ៍ក្នុងពេលធ្វើដំណើរនិងពេល ទៅណាមកណាបើ ជិះម៉ូតូត្រូវពាក់មួកសុវត្ថិភាពប្រសិនបើយើងធ្វើដំណើរតាមរថយន្តត្រូវតែពាក់ខ្សែក្រវាត់បើកបរដោយគោរពច្បាប់ជាចម្បងដើម្បីការពារអាយុជីវិតអ្នកដទៃនិងក្រុមគ្រួសាររបស់យើងតែម្តង។

នៅក្នុងពិធីផ្សព្វផ្សាយច្បាប់ស្តីពីចរាចរណ៏ផ្លូវគោកនោះដែរក៏មានការបកស្រាយពី ជំនាញ ពាក់ព័ន្ធយ៉ាងក្បោះក្បាយក្នុងការប្រលងធ្វើប័ណ្ណបើក ការផាកពិន័យ ពន្យល់ច្បាប់នៃការគ្រោះថ្នាក់ចរាចរណ៍និង ណែនាំអំពីស្លាកសញ្ញា នៅពេលបងប្អូនប្រជាពលរដ្ឋសិស្សានុសិស្សបើកបរយានជំនិះគ្រប់ប្រភេទទាំងរថយន្តម៉ូតូដើម្បីចូលរួមគោរពច្បាប់ចរាចរណ៏ជាដើម។

លោកវរសេនីយ៍ឯកធូ សុភា នាយការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តឧត្តរមានជ័យបានលើកឡើងនិងបកស្រាយពន្យល់ពាក់ព័ន្ធទៅនឹងផ្លូវច្បាប់នៃអត្រាគ្រោះថ្នាក់ចរាចរណ៍ដែបងប្អូនចូលរួមក្នុងអង្គពិធីដែលមានជាសំណួរនិងបានឆ្លើយតបយ៉ាងក្បោះក្បាយនិង លើកឡើងពាក់ព័ន្ធទៅនឹង ការកាត់បន្ថយគ្រោះថ្នាក់ចរាចរណ៍ពេលធ្វើដំណើរនៅពេលបត់សូមឲ្យមានការប្រុងប្រយ័ត្ន ទុកសិទ្ធសុវត្ថភាពនៅពេលយើងបើកបរលើដងផ្លូវសាធារណ:។លោកនាយការិយាល័យចរាចរណ៍ផ្លូវគោកបានគូសបញ្ជាក់ថា អត្រាការធ្វើចរាចរណ៍តែងតែកើតមានឡើងជាបន្តបន្ទាប់ដោយសារតែ ការធ្វើដំណើរពុំសូវគោរពច្បាប់ ការគោរពសិទ្ធអាទិភាព។( ដោយឈឿន ប៊ុនឈី )