ខេត្តព្រៃវែង៖សមត្ថកិច្ចស្រុកពារាំងបានឲ្យដឹងថា កម្លាំងនគរបាលខេត្តនិងស្រុក ប៉ុស្ដិ៍រដ្ឋបាល បានបើកប្រតិបត្តិការ បង្រ្កាបល្បែងស៊ីសង កត់ឆ្នោតវៀតណាម និងឃាត់មនុស្សប្រុស/ស្រីចំនួន៣នាក់។
ការបង្ក្រាបនេះ០២កន្លែងផ្សេងគ្នាធ្វើឡើងនៅថ្ងៃទី០៩ ខែមករា នៅក្នុងឃុំកំពង់ពពិល និងឃុំកំពង់ប្រាំង ស្រុកពារាំង ខេត្តព្រៃវែង។
ជនសង្ស័យទី១-ឈ្មោះនួន គីម ភេទប្រុសអាយុ ៦០ឆ្នាំ នៅភូមិបទសន្ទ្រាឃុំកំពង់ពពិល ស្រុកពារាំងខេត្តព្រៃវែង។ឃាត់ខ្លួនជាក់ស្ដែងនៅចំណុចភូមិបទសន្ទ្រា ចាប់យកបានរួមមាន៖ទូរស័ព្ទដៃ០១ គ្រឿង,បិច០១ដើម,លុយចំនួន១៥ ម៉ឺនរៀល,តារាងគាត់ឆ្នោតចំនួន០១ សន្លឹក។
ទី២-ឈ្មោះអេងចាន់ថនភេទស្រីអាយុ៤០ឆ្នាំ ទីលំនៅភូមិត្បូងដំរីឃុំកំពង់ចម្លង ស្រុកខ្សាច់ កណ្ដាល ខេត្តកណ្ដាល។
ឃាត់បានជាក់ស្ដែងនៅចំណុច វត្តល្វាកោង ឃុំកំពង់ប្រាំង ស្រុកពារាំងខេត្តព្រៃវែង ចាប់យកបានរួមមាន៖
ទូរស័ព្ទដៃ០១គ្រឿង,ប៊ិច០១ដើម,លុយចំនួន៣០ម៉ឺនរៀល,ក្រដាសតារាងគាត់ឆ្នោតចំនួន០២រសន្លឹក,សៀវភៅមួយក្បាល។
ទី៣-ឈ្មោះសេម ម៉ៅភេទស្រីអាយុ ៥៥ឆ្នាំនៅភូមិបទសន្ទ្រា ឃុំកំពង់ពពិល ស្រុកពារាំងខេត្តព្រៃវែង។
ឃាត់ជាក់ស្ដែងនៅចំណុចភូមិបទសន្ទ្រា ចាប់យកបានរួមមាន៖ទូរស័ព្ទដៃ០១គ្រឿង ,ប៊ិច០១ដើម,លុយចំនួន១២ម៉ឺនរៀល,តារាងកត់ឆ្នោតចំនួន០១សន្លឹក។
បច្ចុប្បន្នជនសង្ស័យនឹងវត្ថុតាងសមត្ថកិច្ចកំពុងកសាងសំណុំរឿងបញ្ជូនទៅស្នងការខេត្តតាមនិតិវិធី៕
