ចំនួនភ្ញៀវទេសចរមកលេង
កំសាន្តក្នុងខេត្តបាត់ដំបងប្រចាំឆមាស
លោកអ៊ិច អ៊ុំភីនីស្សារ៉ា ប្រធានមន្ទីរទេសចរណ៍ខេត្តបាត់ដំបងបានឱ្យដឹងថា ចាប់ពីថ្ងៃទី១២ ដល់១៤ខែកក្កដា ឆ្នាំ២០២២ រូបលោកបានដឹកមន្រ្តីជំនាញនៃមន្ទីរទេសចរណ៍ ចូលរួមសន្និបាតក្រសួងទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជា ក្នុងនិងក្រោយវិបត្តិជំងឺកូវីដ-១៩ ដំណាក់កាលទី១ (២០២០-២០២១) និងឆមាសទី១ ឆ្នាំ២០២២ និងលើកទិសដៅផែនការស្តារឡើងវិញនូវវិស័យទេសចរណ៍ក្នុងដំណាក់កាលទី២ (ឆមាសទី២ ឆ្នាំ២០២២-២០២៣)នៅទីស្តីការក្រសួងទេសចរណ៍ និងបិទបញ្ចប់នៅសណ្ឋាគារសុខារ៉េស៊ីដង់ភ្នំពេញ ក្រោមអធិបតីភាពដ៍ខ្ពង់ខ្ពស់ សម្ដេចតេជោ ហ៊ុន សែន ។
លោកបន្តទៀតថា ក្នុងអង្គសន្និបាតបានអបអរសាទរលទ្ធផលការងារ ចំណុចសំខាន់ ដែលរួមមាន៖
.ការស្តារឡើងវិញផ្នែកសេដ្ឋកិច្ច និងការងារក្នុងវិស័យការងារ
.ការជំរុញទេសចរណ៍ផ្ទៃក្នុង និងការបើកទទួលភ្ញៀវទេសចរអន្តរជាតិ
.ការពង្រឹងអភិបាលកិច្ចទេសចរណ៍
.បន្តជំរុញទេសចរផ្ទៃក្នុងទៅកាន់គោលដៅថ្មីៗនៅទូទាំងប្រទេស
.បន្តជំរុញការអភិវឌ្ឍន៍ផលិតផលទេសចរណ៍ និងសេវាកម្មទេសចរណ៍សម្រាប់ទីផ្សារទេសចរណ៍ក្នុងស្រុកនិងអន្តរជាតិ
.បន្តជំរុញការវិនិយោគលើហេដ្ឋារចនាសម្ព័ន្ធគាំទ្រវិស័យទេសចរណ៍
-បន្តជំរុញការតភ្ជាប់តាមផ្លូវអាកាស ផ្លូវទឹក ផ្លូវគោកសម្រាប់វិស័យទេសចរណ៍កម្ពុជា
-បន្តចូលរួមអនុវត្តនីតិវិធីប្រតិបត្តិស្តង់ដាអប្បបរមា(SOP)តាមគន្លងប្រក្រតីភាពថ្មីក្នុងវិស័យទេសចរណ៍
-បន្តជំរុញយុទ្ធនាការប្រឡងប្រណាំងដូចជា៖ ទីក្រុងស្អាត រមណីយដ្ឋានស្អាត សេវាល្អ បដិសណ្ឋាកិច្ចល្អ ភូមិទេសចរណ៍ស្អាត បង្គន់សាធារណៈស្អាតជាដើម
-បន្តជំរុញការប្រើប្រាស់បច្ចេកវិទ្យាឌីជីថលក្នុងឧស្សាហកម្មទេសចរណ៍
-បន្តកម្មវិធីបណ្តុះបណ្តាលជំនាញ ពង្រឹងសមត្ថភាពមន្រ្តីរាជការក្នុងវិស័យទេសចរណ៍
-បន្តសហការជាមួយក្រសួង អប់រំ យុវជន និងកីឡាក្នុងការដាក់ឱ្យអនុវត្តន៍កម្មវិធីជំនាញទេសចរណ៍អាស៊ាន
-បន្តតាមដាននិងសិក្សាពីការវិវត្ត និងនិន្នាការថ្មីៗនៃវិស័យទេសចរណ៍
-ពង្រឹងអភិបាលកិច្ចទេសចរណ៍និងជំរុញការរៀបចំគោលនយោបាយនិងផែនការអភិវឌ្ឍន៍ទេសចរណ៍ថ្មីៗ ស្របតាមតម្រូវការជាក់ស្តែង។
លោកប្រធានមន្ទីរបានបញ្ជាក់ទៀតថា ដោយឡែកសម្រាប់ខេត្តបាត់ដំបងសង្កេតឃើញថាមានភ្ញៀវទេសចរណ៍ចម្រុះជាតិសាសន៍បានមកទស្សនាសម្រាកនិងកម្សាន្ដយ៉ាងច្រើនជារៀងរាល់ឆ្នាំដោយសារខេត្តបាត់ដំបងជាខេត្តគោលដៅទេស
ចរណ៍មួយយ៉ាងសំខាន់នៃព្រះរាជាណាចក្រកម្ពុជា។
