ខេត្តប៉ៃលិន ៖ ប្រភពពីប្រជាពលរដ្ឋបានឱ្យដឹងថាពួកគាត់បាននាំគ្នាភ័យ រត់ឆ្លេរឆ្លាចុះឡើងៗ ដោយមានអ្នកខ្លះ បានរាយការណ៍ទៅអាជ្ញាធរខេត្ត ដើម្បីឱ្យជួយយករថយន្តបន្លត់អគ្គីភ័យ ចូលទៅជួយពន្លត់ ខណ:ភ្លើងកំពុងតែឆាបឆេះព្រៃភ្នំខៀវយ៉ាងសន្ធោរសន្ធៅគួរឱ្យភ័យខ្លាច អាចរាលមកបណ្តាលឱ្យឆេះផ្ទះរបស់ពួកគាត់ ខណ:សង្ស័យថា មានជនខិលខូចមួយចំនួន មានចិត្តលោភលន់ លួចដុតព្រៃភ្នំខៀវ ដើម្បីរានយកដីធ្វើជាកម្មសិទ្ធិផ្ទាល់ខ្លួន។ ហេតុការណ៍ប្រជាពលរដ្ឋផ្អើលភ្លើងឆេះព្រៃភ្នំខៀវនេះ បានកើតឡើងកាលពីវេលាម៉ោង៧ និង៤០នាំទីយប់ថ្ងៃទី១៩ ខែមេសា ឆ្នាំ២០២៣ ស្ថិតនៅលើភ្នំខៀវ ក្បែរផ្ទះប្រជាពលរដ្ឋ ក្នុងភូមិថ្មី សង្កាត់ប៉ៃលិន ក្រុងប៉ៃលិន ខេត្តប៉ៃលិន។ ប្រភពព័ត៌មានពីប្រជាពលរដ្ឋដដែលរស់នៅក្នុងភូមិខាងលើ បានរៀបរាប់ឱ្យដឹងទៀតថា ៖ ចាប់តាំងពីម៉ោងប្រមាណ៤ និង៣០នាទីរសៀលថ្ងៃដដែល ពួកគាត់ឃើញមានផ្សែងហុយចេញពីភ្នំខៀវ ដោយសង្ស័យថា មានអ្នកលួចដុតព្រៃខាងលើ ដើម្បីយកដីធ្វើជាកម្មសិទ្ធិផ្ទាល់ខ្លួន ខណ:ដែលស្ងាត់មនុស្ស លុះក្រោយពេលដុតរួច ស្រាប់តែអណ្តាតភ្លើងបានរាលដាល រហូតដល់ម៉ោង៧យប់មានខ្យល់ខ្លាំង ធ្វើឱ្យភ្លើងកាន់តែឆាបឆេះយ៉ាងពេញទំហឹង រាលចុះពីលើភ្នំ មកក្បែរផ្ទះអ្នកភូមិ ទើបអាជ្ញាធរមូលដ្ឋានបានទាក់ទង ទៅដល់មន្រ្តីសាលាក្រុងប៉ៃលិន និងមន្រ្តីបរិស្ថានខេត្តប៉ៃលិន ចុះត្រួតពិនិត្យមើលស្ថានភាពភ្លើងដែលកំពុងតែឆាបឆេះនេះ ដោយមានរថយន្តពន្លត់អគ្គីភ័យស្នងការនគរបាលខេត្តប៉ៃលិន ត្រៀមនៅក្បែរផ្លូវ ជាស្រេចដើម្បីបាញ់ពន្លត់ភ្លើងឱ្យទាន់ពេលវេលាផងដែរ។ លោក ចក់ រិទ្ធី អភិបាលរងក្រុងប៉ៃលិន […]
បន្ទាយមានជ័យៈប្រជាកសិករចំនួនជាង៣០គ្រួសារ រស់នៅក្នុងស្រុកមង្គលបូរីនិងស្រុកព្រះនេតព្រះខេត្តបន្ទាយមានជ័យជាប់និង ព្រំប្រទល់ស្រុកឯកភ្នំខេត្តបាត់ដំបង បានលើកឡើងទាំងកំហឹងថា ដោយសារតែមួរម៉ៅក្តៅក្រហាយពីការគំរាមកំហែងពីមន្រ្តីប៉ូលីសនិងមន្រ្តីយោធាដែលប្រើប្រាស់តួនាទីខុសឆ្គងមកសំឡុតគំរាមកំហែងពួកគាត់ជារៀងរាល់ថ្ងៃ។ការសំឡុតនិងគំរាមកំហែងនេះ ទើបតែក្នុងរយៈពេលថ្មីៗប៉ុន្មានខែនេះ របស់មន្ត្រីយោធាពាក់ស័ក្ត៣ម្នាក់ នាយរងសេនាធិការម្នាក់និងនាយរងប៉ុស្តិ៍រដ្ឋបាលឃុំព្រៃចាស់ម្នាក់.និងបក្សពួកជាពលរដ្ឋស៊ីវិលចំនួន៣នាក់ទៀត មកគំរាមកំហែងញ៉ុះញ៉ង់រាយការណ៏ទៅថ្នាក់លើមិនសមហេតុផល ដើម្បីធ្វើឲ្យថ្នាក់ដឹកនាំខេត្តបាត់ដំបងដាក់កម្លាំងចុះមកត្រួតពិនិត្យនិងបានហាមឃាត់ពួកគាត់ជាប្រជាកសិករធ្លាប់កាន់កាប់អាស្រ័យផលធ្វើស្រែលើទីតាំងដីនោះជាច្រើនឆ្នាំមកហើយ ដែលមានលិខិតកាន់កាប់ប្រើប្រាស់ដីធ្លីពីអាជ្ញាធរមូលដ្ឋានភូមិឃុំស្រុកខេត្តបន្ទាយមានជ័យ ដែលលិខិតនោះចេញឲ្យក្នុងកំឡុងឆ្នាំ២០០៦កន្លងមក ដោយហាមឃាត់មិនឲ្យពួកគាត់ធ្វើស្រែចិញ្ចឹមជីវិតជាបន្តទៀត ដោយពួកគេលើកឡើងថាដីតំបន់នេះជាដីតំបន់៣ត្រូវបានហាមឃាត់ ហើយជាដីឋិតក្នុងខេត្តបាត់ដំបង ព្រោះប្រជាកសិករទាំងអស់នេះរស់នៅក្នុងខេត្តបន្ទាយមានជ័យ មិនអាចមកធ្វើស្រែក្នុងទីកដីខេត្តបាត់ដំបងបានទេ ហើយលិខិតកាន់កាប់ប្រើប្រាស់ដីធ្លីរបស់ប្រជាកសិករទាំងអស់នោះត្រូវបាននិរាករណ៏ចោលអស់ហើយ និងបានរុះរើកាប់បំផ្លិចបំផ្លាញ ទ្រព្យសម្បត្តិ(ពួកគាត់)ប្រជាកសិករដូចជា លើកម៉ាស៊ីនបូមទឹកទំលាក់ចូលទឹកស្ទឹង រុះរើខ្ទមធ្វើស្រែ ចាក់ស្រូវពូជចោល គំរាមចាប់ចងដាក់ខ្នោះជាដើម ដើម្បីពួកខ្លួនក្តោបយកដីពីពួកគាត់ធ្វើជាកម្មសិទ្ធិ។ ប្រជាពលរដ្ឋទាំងនោះបានបន្តថា ជាក់ស្តែងកាលពីថ្ងៃសុក្រទី២៥ ខែធ្នូឆ្នាំ ២០២០ថ្មីៗ កន្លងមកនេះមានកងកម្លាំងចម្រុះចំនួន២៦នាក់ជាមន្ត្រីប៉ូលិសនិងមន្ត្រីកងរាជអាវុធហត្ថខេត្តបាត់ដំបង បានចុះមកត្រួតពិនិត្យមើលប្រជាពលរដ្ឋអាស្រ័យផលដីនៅចំណុចគៀនស្បូវនិងចំណុចអាងតាម៉ាក់បន្ទាប់មកកម្លាំងទាំងនោះបានសាកសួរពួកគាត់(ជាប្រជាកសិករ)ដែលកំពុងបូមទឹកដាក់ស្រែនិងព្រួសស្រូវ ហើយពួកគាត់បាននិយាយថាមិនឱ្យបូមទឹកដាក់ស្រូវធ្វើស្រែនៅតំបន់នេះទៀតទេ។ព្រោះថាមានគេរាយការណ៍ថាមានប្រជាពលរដ្ឋយកគ្រឿងចក្រត្រាក់ទ័រឈូសឆាយព្រៃថ្មី បន្ទាប់មកទើបកម្លាំងសមត្ថកិច្ចចុះត្រួតពិនិត្យនិងសាកសួរ រួចហើយទើបដឹងថាប្រជាកសិករពួកយើងខ្ញុំមិនបានឈូសឆាយព្រៃដូចពួកគេរាយការណ៍នោះទេ។ ពួកគាត់ជាប្រជាកសិករដដែលខាងលើបានបន្តថា តាមពិតពួកអ្នករាយការណ៍នោះឯងជាអ្នកឈូសឆាយដីព្រៃ គឺមានឈ្មោះលោកជា ជេម មានតួនាទីជានាយរងសេនាធិការនិងបក្ខពួកជាមន្រ្តីយោធា.សិករងខេត្តបាត់ដំបង…២..ឈ្មោះអនុសេនីយ៍ឯកព្រំ ណារ័ត្ន ជាមន្រ្តីយោធាប្រចាំបឹងទន្លេសាបពាក់ស័ក្ត៣និងទី៣.ឈ្មោះធឿន ភក្តី.ជានាយរងប៉ុស្តិ៍នគរបាលរដ្ឋបាលព្រៃចាស់..បាននាំបក្សពួកគាត់មានដូចជាឈ្មោះ.១..ថឹក..ឌឿក..២..ឈ្មោះយ៉ង់ យិន..៣..ឈ្មោះសុខ ចន្ទ ដែលពួកគេទាំង៣ជាប្រជាពលរដ្ឋស៊ីវិលនិងជាមេឈ្មួញប្រមូលទិញដី ដែលមានមន្រ្តីយោធានិងមន្រ្តីនគរបាលនាយរងប៉ុស្ត៏ទាំងនោះនៅពីក្រោយខ្នង។ ពួកគាត់ជាប្រជាពលរដ្ឋដដែលបន្តថា ពួកមន្រ្តីយោធានិងមន្រ្តីនគរបាលនាយរងប៉ុស្ត៏និងបក្ខពួកជាពលរដ្ឋស៊ីវិលនោះរាយការណ៏ទៅថ្នាក់លើខេត្តបាត់ដំបងមិនពិតឡើយ បើពិតដូចការរាយករណ៏ថាបានរុករានទន្ទ្រានឈូសឆាយព្រៃលិចទឹកថ្មីមែននោះសូមឲ្យចាប់ខ្លួនពួកគាត់ចុះ។ តែខណៈពេលនេះកម្លាំងចម្រុះបានចុះមកពិនិត្យជាក់ស្តែងគឺមិនមានទន្រ្ទានយកដីព្រៃថ្មីដូចការចោទប្រកាន់នោះឡើយ។ គឺពួកគាត់ធ្វើតែនៅលើដីស្រែដែលពួកគាត់ធ្លាប់បានធ្វើនិងកាន់កាប់អាស្រ័យផលជាយូរឆ្នាំកន្លងមកមិនមានព្រៃឈើនោះឡើយ។ពួកគាត់បន្តថា ដោយកម្លាំងចម្រុះនោះពិនិត្យឃើញជាក់ស្តែងហើយរួចប្រាប់កុំឲ្យធ្វើស្រែនៅកន្លែងនេះបន្តទៀត ទៅវិញ តើឲ្យពួកគាត់ទៅធ្វើស្រែនៅឯណាវិញ ដើម្បីចិញ្ចឹមជីវិត។ […]
ភ្នំពេញ:លោកបណ្ឌិត ទូច សុឃ:អ្នកនាំពាក្យរងក្រសួងមហាផ្ទៃ បានឱ្យដឹងថា រយៈពេល១សប្តាហ៍ ចាប់ពីថ្ងៃទី១៩ ដល់ថ្ងៃទី២៥ ខែតុលា ឆ្នាំ២០២៤ ករណីក្មេងទំនើងនៅទូទាំងប្រទេស នៅបន្តមានសភាពស្ងប់ស្ងាត់ ដោយថ្ងៃខ្លះក៏សឹងតែគ្មានករណីនេះកើតឡើងតែម្ដង។ ក្នុងរយៈពេល៧ថ្ងៃ នៃសប្តាហ៍ទី៣នេះ មានត្រឹមជាង ១០ករណីតែប៉ុណ្ណោះដែលបានកើតឡើង ហើយជាករណីមានលក្ខណៈទ្រង់ទ្រាយតូចតាចនៅទូទាំងប្រទេស។ លោកបន្តថា ភាពស្ងប់ស្ងាត់នៃករណីក្មេងទំនើង ក្នុងរយៈពេលពីរបីសប្តាហ៍កន្លងមកនេះលោក បានកត់សម្គាល់ថា នេះគឺជាទិដ្ឋភាពមួយដែលគ្រប់គ្នាចង់បាន មិនថាប្រជាពលរដ្ឋ ឬក៏អាជ្ញាធរមានសមត្ថិកិច្ចនោះទេ ហើយក៏ជាការយកចិត្តទុកដាក់ខ្ពស់របស់ប្រមុខរាជរដ្ឋាភិបាល ដើម្បីសុខសុវត្ថិភាពរបស់ប្រជាពលរដ្ឋទូទាំងប្រទេស។ លោកបន្តសង្កត់ធ្ងន់ថា ម៉្យាងទៀតក៏ជាពេលវេលាមួយដែលសង្កេតឃើញថា បណ្តាយុវជន ក៏ដូចជាក្រុមក្មេងទំនើងមួយចំនួន ហាក់មានការយល់ដឹងច្រើន ពីអ្វីដែលគួរធ្វើ និងអ្វីដែលមិនគួរធ្វើ និងបានយល់ពីទោសទណ្ឌនៃការប្រព្រឹត្តនូវទង្វើនោះ ក្នុងផ្លូវច្បាប់ទទួលបានអ្វីខ្លះត្រលប់មកវិញដល់គ្រួសារ និងសង្គមជាតិ។ លោកបានបន្ថែមថា អនុសាសន៍ដ៏ខ្ពង់ខ្ពស់របស់ប្រមុខរាជរដ្ឋាភិបាល ដែលមានសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បាននឹងកំពុងយកចិត្តទុកដាក់ជំរុញឱ្យអនុវត្តយ៉ាងសកម្មនូវគោលនយោបាយភូមិ-ឃុំ-សង្កាត់មានសុវត្ថិភាព និងទាមទាឱ្យមានការចូលរួមពីគ្រប់ភាគីពាក់ព័ន្ធ ទាំងយុវជន សិស្សានុសិស្ស ក៏ដូចជាអាណាព្យាបាល លោកគ្រូ អ្នកគ្រូ អាជ្ញាធរមូលដ្ឋាន ព្រមទាំងសមត្ថកិច្ចគ្រប់លំដាប់ថ្នាក់បង្កើនការផ្សព្វផ្សាយ ជាចំណែកមួយចូលរួមទប់ស្កាត់និងបង្ការរាល់បទល្មើសផ្សេងៗទាំងក្នុងនិងក្រៅមូលដ្ឋាន ក្នុងនោះកម្លាំងនគរបាលជាតិនៃក្រសួងមហាផ្ទៃ បានដើរតួនាទីសំខាន់ក្នុងការធានាសន្តិសុខ […]
ជនជាតិថៃ ម្នាក់ ករណី រក្សាទុក និងប្រើប្រាស់ដោយខុសច្បាប់នូវសារធាតុញៀនទៅកាន់សាលាដំបូងខេត្តចាត់ការតាមនីតិវិធី…..(ខេត្តបន្ទាយមានជ័យ) ៖ កម្លាំងអាវុធហត្ថក្រុងប៉ោយប៉ែត បានបេីកប្រតិបត្តិការបង្ក្រាបករណី រក្សាទុក និងប្រើប្រាស់ដោយខុសច្បាប់នូវសារធាតុញៀន ឃាត់ខ្លួនជនសង្ស័យជនជាតិថៃម្នាក់ រួមនឹងថ្នាំញៀនមួយចំនួន នៅវេលាម៉ោង ០៣និង៣០នាទី ថ្ងៃទី១៥ ខែកក្កដា ឆ្នាំ២០២២ នៅចំណុចផ្សាររាត្រីទឹកពុះ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បញ្ជូនមកកាន់មូលដ្ឋានកងរាជអាវុធហត្ថក្រុងប៉ោយប៉ែត ដេីម្បីអនុវត្តតាមនីតិវិធី។
