ព័ត៌មានជាតិ

សម្តេចបវរធិបតី សម្ភោធដាក់ឱ្យប្រើប្រាស់ជាផ្លូវការគម្រោងអភិវឌ្ឍន៍ ទំនប់អូរតេធិបតី ទំនប់សែនសុខដុម និង ទំនប់សែនមនោរម្យ ក្នុងខេត្តមណ្ឌលគិរី

Posted on Author kdn Comment(0)

 

ខេត្មណ្ឌលគិរី:សម្តេចមហាបវរធិបតីនាយករដ្ឋមន្រ្តីបានមានប្រសាសន៍ថា នៅថ្ងៃនេះ ក្រុងសែនមនោរម្យ និងស្រុកអូររាំង នៃខេត្តមណ្ឌលគិរី ទទួលបាននូវសមិទ្ធផលធំៗចំនួន ៣ គឺទំនប់អូរតេធិបតី ដែលនៅចំពោះមុខនេះ ទំនប់សែនសុខដុម និង ទំនប់សែនមនោរម្យដោយចំណាយថវិកាសរុបប្រមាណ ៦២ លានដុល្លារអាមេរិក ក្រោមក្របខ័ណ្ឌឥណទានមូលនិធិទ្រទ្រង់ថវិការបស់រាជរដ្ឋាភិបាលកម្ពុជា ហើយសមិទ្ធផលនេះបានកើតឡើង មិនមែនជាការចៃដន្យនោះទេ គឺបានមកពីកិច្ចខិតខំប្រឹងប្រែង និង សាមគ្គីភាព រួមទាំងការឯកភាពផ្ទៃក្នុង, ជាពិសេសកិច្ចសហការ ដ៏ល្អប្រពៃរវាង ក្រសួងសេដ្ឋកិច្ច និង ហិរញ្ញវត្ថុ និង ក្រសួងធនធានទឹក និង ឧតុនិយម ព្រមទាំង អាជ្ញាធរមូលដ្ឋាន និង ប្រជាពលរដ្ឋ, ហើយក៏បានស្តែងចេញនូវសមិទ្ធផលជាច្រើននៅ ទូទាំងប្រទេស និយាយជារួម និង និយាយដោយឡែក សមិទ្ធផលនៅខេត្តមណ្ឌលគិរី។

សម្តេចមានប្រសាសន៍បន្តថា គម្រោងអភិវឌ្ឍន៍ធនធានទឹកសម្រាប់ពហុវិស័យនៅក្នុងខេត្តមណ្ឌលគិរីនេះ គឺជាផ្នែកមួយនៃផែនការមេរបស់ក្រសួងធនធានទឹក និងឧតុនិយម ដើម្បីផ្គត់ផ្គង់ធនធានទឹកដល់គ្រប់វិស័យបម្រើដល់សេចក្តី ត្រូវការរបស់ខេត្ត ហើយបណ្តាអាងទឹកក្នុងតំបន់នេះក៏នឹងទាក់ទាញកំណើនទេសចរផងដែរ ៕

ខេត្តមណ្ឌលគិរី ព្រឹកថ្ងៃព្រហស្បតិ៍ ទី២៤ តុលា ២០២៤

🌐 Hun Manet
🌐 Samdech Thipadei Hun Manet, Prime Minister of Cambodia
🌐 Instagram
🌐 X(Twitter)
🌐 YouTube
🌐 Tiktok

#ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

kdn

Related Articles
ព័ត៌មានជាតិ

មន្រ្តីគយនិងរដ្ឋាករកម្ពុជា ចុះត្រួតពិនិត្យនិងបិទលតាប័ត្រពន្ធគយ លើរថយន្តពន្ធនិងអាករជាបន្ទុករបស់រដ្ឋ ចំនួន ០៥គ្រឿង

Posted on Author kdn

បន្ទាយមានជ័យ÷មន្រ្តីនគរបាលស្នងការខេត្តបន្ទាយមាជ័យបានឱ្យដឹងថា ក្រុមការងារតំណាងអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ តំណាងអគ្គនាយកដ្ឋានគយនិងរដ្ឋាករកម្ពុជា មន្ត្រីគយចល័តតំបន់១ និង មន្ត្រីគយសាខាខេត្តបន្ទាយមានជ័យ ដឹកនាំដោយលោក កែវ សារ៉ាត់ នៅព្រឹកថ្ងៃទី ២៤ ខែសីហា ឆ្នាំ២០២២នេះបានអញ្ជើញចុះត្រួតពិនិត្យ និងបិទលតាប័ត្រពន្ធគយ រថយន្តពន្ធនិងអាករជាបន្ទុករបស់រដ្ឋ ចំនួន ០៥គ្រឿង ក្នុងចំណោម (៧៥៧គ្រឿង) របស់ក្រសួងមហាផ្ទៃ ផ្នែកសន្តិសុខសាធារណ: នៅស្នងការដ្ឋាននគរបាលខេត្តបន្ទាយមានជ័យ។ ពិធីនេះមានការអញ្ជើញចូលរួមពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ តំណាងគណៈកម្មការ ត្រួតពិនិត្យរថយន្តក្រសួងមហាផ្ទៃ និងមន្ត្រីក្រោមឱវាទជាច្រើនរូប។   គួរបញ្ជាក់ថា រថយន្តទាំង ០៥គ្រឿងដែលក្រុមការងារគយនិងរដ្ឋាករចុះពិនិត្យថ្ងៃនេះគឺជារថយន្តចង្កូតឆ្វេងទាំងអស់ មានស្រាប់ ដែលបានប្រើប្រាស់ជាមធ្យោបាយដឹកជញ្ជូន ប្រចាំនៅស្នងការដ្ឋាននគរបាលខេត្តបន្ទាយមានជ័យ។ ក្រោយត្រួតពិនិត្យផ្ទៀងផ្ទាត់ឯកសាររួច ក្រុមការងារគយ ក៏បានបិទលតាប័ត្រពន្ធគយ ដើម្បីបញ្ជាក់ពីភាពស្របច្បាប់ និងបានប្រគល់ជូនអង្គភាពនគរបាលយកទៅប្រើប្រាស់បន្តវិញ៕
ព័ត៌មានជាតិ

សមត្ថកិច្ចឃាត់ខ្លួនជនសង្ស័យម្នាក់ តាមដីការបស់សាលាដំបូងខេត្ត

Posted on Author kdn

ខេត្តកោះកុង ៖ លោក វរសេនីយ៍ឯក ហួន នុន អធិការនគរបាលស្រុកស្រែអំបិល នៅថ្ងៃទី៧ ខែមករា ឆ្នាំ២០២១ វេលា ម៉ោង១១និង២៥នាទី បានដឹកនាំកម្លាំងជំនាញ ប្រឆាំងគ្រឿងញៀនសហការជាមួយផ្នែកព្រហ្មទណ្ឌ,ប៉ុស្ត៍រដ្ឋបាលស្រែអំបិល និងកំលាំងអន្តរាគមន៍ ចុះអនុវត្តន៍តាមដីកាបង្គាប់ឲ្យចាប់ខ្លួនរបស់សាលាដំបូងខេត្តកោះកុង លេខ:៣៦០០ត.ព/២០២០ ចុះថ្ងៃទី២៤/៨/២០២០ ចេញដោយ.លោក ឡោ ក្រឹម ចៅក្រមស៊ើបសួរសាលាតំបូងខេត្តកោះកុង.នៅចំណុចភូមិស្រែអំបិល ឃុំស្រែអំបិល ស្រុកស្រែអំបិល។ សមត្ថកិច្ចបានឲ្យដឹងថា ដីកានេះ-បង្គាប់ឲ្យចាប់ខ្លួនជនសង្ស័យឈ្មោះ អីង ចិត្រា ភេទប្រុសអាយុ២១ឆ្នាំ ជនជាតិខ្មែរទី លំនៅបច្ចុប្បន្ន ភូមិ ឃុំស្រែអំបិល ស្រុកស្រែអំបិលខេត្តកោះកុង។ ពីបទជួញដូរចែកចាយនូវសារធាតុញៀនដោយខុសច្បាប់ នៅចំនុច ភូមិស្រែអំបិល ឃុំស្រែអំបិល។ បច្ចុប្បន្នជនសង្ស័យបានឃាត់ខ្លួននៅអធិការដ្ឋាននគរបាលស្រុកស្រែអំបិល ដើម្បីកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តកោះកុង៕
ព័ត៌មានជាតិ

ប្រកាសចូលកាន់តំណែងក្រុមប្រឹក្សាខេត្តឧត្តរមានជ័យអាណត្តិទី៤ 

Posted on Author kdn

  ឧត្តរមានជ័យ):ឯកឧត្តម ទេសរដ្ឋមន្ត្រី គន់ គីម ប្រធានក្រុមការងាររាជរដ្ឋាភិបាលចុះមូលដ្ឋានខេត្តឧត្តរមានជ័យ នៅព្រឹកថ្ងៃទី២០ ខែ មិថុនាឆ្នាំ២០២៤ បានអញ្ជើញជាអធិបតីភាពក្នុងពិធីប្រកាសចូលកាន់តំណែងក្រុមប្រឹក្សាខេត្តឧត្តរមានជ័យអាណត្តិទី៤ ចំនួន១៩ រូប ព្រមទាំងបានក្រើនរលឹកឲ្យក្រុមប្រឹក្សា និងអាជ្ញាធរខេត្តឧត្តរមានជ័យ ត្រូវបំពេញភារកិច្ចប្រកបដោយវិជ្ជាជីវៈ និងធ្វើយ៉ាងណាឲ្យមានការទទួលខុសត្រូវនិងមានប្រសិទ្ធភាពខ្ពស់ ក្នុងការបំរើផលប្រយោជន៍ជូនប្រជាពលរដ្ឋនៅតាមមូលដ្ឋាន។ ពិធីប្រការចូលកាន់តំណែងក្រុមប្រឹក្សាខេត្តឧត្តរមានជ័យថ្ងៃនេះបានរៀបចំនៅសាល់ប្រជុំសាលាខេត្តឧត្តរមានជ័យ ដោយមានការចូលរួមពីរ រដ្ឋលេខាធិនការក្រសួងមហាផ្ទៃ អភិបាលខេត្តឧត្តរមានជ័យនិងអង្គភាពពាក់ព័ន្ធនៅក្នុងខេត្តឧត្តរមានជ័យ ព្រមទាំងភ្ញៀវកិត្តិយសជាច្រើនរូបផងដែរ។   ឯកឧត្តមទេសរដ្ឋមន្ត្រី គន់ គីម បានមានប្រសាសន៍ថា  ក្រុមប្រឹក្សា អភិបាល ខេត្តនៅថ្នាក់ក្រោមជាតិ ដែលត្រូវប្រកាសចូលកាន់តំណែងថ្មី ត្រូវរៀបចំសមត្ថភាពថ្មីពាក់ព័ន្ធនិងការរៀបចំចាត់ចែងការងារ ផែនការអភិវឌ្ឍន៍ប្រកបទៅដោយលក្ខណៈពិសេសហើយ ក្រុមប្រឹក្សាខេត្ត ក្រុង ស្រុក ត្រូវរៀបចំធ្វើវេទិកាសាធារណៈនៅតាមមូលដ្ឋាន។ ឯកឧត្តម ទេសរដ្ឋមន្ត្រី ជំរុញឲ្យក្រមប្រឹក្សា និងអាជ្ញាធរខេត្តត្រូវតែតាមដានកិច្ចការងារនៅតាមមូលដ្ឋានអោយកាន់តែបានច្បាស់ឬដែលនៅសេសសល់យកមកដោះស្រាយ ក្នុងអង្គប្រជុំ អំពីការលំបាកនឹងការងារងាយស្រួលឲ្យអង្គប្រជុំ លោកស្តាប់ ពីព្រោះអាជ្ញាធរខ្លះដែលទទួលការងារតាមស្រុកគាតអត់ហ៊ានរាយការណ៍។  យើងជាក្រុមប្រឹក្សាខេត្តតំណាងឲ្យប្រជាជនដែលបោះឆ្នោតតែងតាំងដោយព្រះរាជក្រឹត្យ  ដូច្នេះហើយយើងជាក្រុមប្រឹក្សាខេត្តមានអំណាចផ្ដល់យោបល់ទាក់ទិនដើម្បីធ្វើការ កែលម្អ ធ្វើអោយដំណើរការខេត្តឧត្តរមានជ័យរីកចម្រើនដើរទៅមុខ។ ឯកឧត្តម ទេសរដ្ឋមន្ត្រី បានបញ្ជាក់ទៀតថា ចំពោះរដ្ឋបាលខេត្ត ត្រូវចាត់ចែង ឲ្យមានការិយាល័យជាប្រព័ន្ធនៃសេនាធិការ […]

Leave a Reply

Your email address will not be published.