សេចក្តីជូនដំណឹងរបស់រដ្ឋបាលរាជធានីភ្នំពេញ

ក្រុមប្រឹក្សាខេត្តប៉ៃលិន ប្រជុំសាមញ្ញលើកទី៥១ អណត្តិទី៣

  ខេត្តប៉ៃលិន ៖ នៅសាលប្រជុំធំសាលាខេត្ត នាព្រឹកថ្ងៃទី០៧ ខែកញ្ញា ឆ្នាំ២០២៣ ក្រុមប្រឹក្សាខេត្តប៉ៃលិន បានបើកកិច្ចប្រជុំសាមញ្ញលើកទី៥១ អាណត្តិទី៣ របស់ខ្លួន ស្ថិតក្រោមអធិបតីភាព ឯកឧត្តម ជា ចាន់ឌិន ប្រធានក្រុមប្រឹក្សាខេត្ត និងលោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន ព្រមទាំងមានការចូលរួមពីសំណាក់ឯកឧត្តម លោកជំទាវ សមាជិកក្រុមប្រឹក្សាខេត្ត, គណៈអភិបាលខេត្ត លោក-លោកស្រី ប្រធានមន្ទីរអង្គភាពស្ថាប័នជុំវិញខេត្ត និងអាជ្ញាធរក្រុង-ស្រុក ជាច្រើននាក់ផងដែរ ។ ក្នុងកិច្ចប្រជុំនេះមានរបៀបវារៈដូចជា ៖ ១-ពិនិត្យ និងអនុម័តសេចក្តីព្រាងកំណត់ហេតុ នៃកិច្ចប្រជុំសាមញ្ញលើកទី៥០ អាណត្តិទី៣ របស់ក្រុមប្រឹក្សាខេត្តប៉ៃលិន ២-ពិនិត្យ និងអនុម័តសេចក្តីព្រាងរបាយការណ៍ ស្តីពីការអនុវត្តការងារប្រចាំខែសីហា ឆ្នាំ២០២៣ និងទិសដៅការងារបន្តខែបន្ទាប់ របស់រដ្ឋបាលខេត្តប៉ៃលិន និង ៣-បញ្ហាផ្សេងៗ ។ ក្រោយពីបានស្តាប់ការលើកឡើងពីរបៀបវារៈ និងបញ្ហាសំខាន់ៗក្នុងកិច្ចប្រជុំរួចមក លោកជំទាវបណ្ឌិត បាន ស្រីមុំ អភិបាលខេត្តប៉ៃលិន បានមានប្រសាសន៍ក្រើនរំលឹកដល់អាជ្ញាធរមូលដ្ឋាន ក្រុង-ស្រុក, ឃុំ-សង្កាត់ និងមន្ទីរអង្គភាពជំនាញពាក់ព័ន្ធជុំវិញខេត្ត […]

មេបញ្ជាការរងកងពលតូចថ្មើរជើងលេខ៤២បានចូលរួមមូលមតិគ្នាជាឯកច្ឆ័ន្ធផ្តួចផ្តើមធ្វើបុណ្យកឋិនទានសាមគ្គីដង្ហែទៅកាន់វត្តតាមាន់សែនជ័យ

    ឧត្តរមានជ័យ:លោកឧត្តមសេនីយ៍ត្រីនាក់ វង្សមេបញ្ជាការរងនិងជានាយសេនាធិការកងពលតូចថ្មើរជើងលេខ៤២តំណាងដ៏ខ្ពង់ខ្ពស់ លោកឧត្តមសេនីយ៍ទោប៉ែនវ៉ូយ មេបញ្ជាការកងពលតូចថ្មើរជើងលេខសែសិបពីរ បានចូលរួមមូលមតិគ្នាជាឯកឆន្ទ ផ្ដួចផ្ដើមប្រារព្ធធ្វើពិធីបុណ្យកឋិនទានសាមគ្គីតាមប្រពៃណីព្រះពុទ្ធសាសនាដើម្បីដង្ហែទៅវត្តប្រគេនព្រះសង្ឃដែលគង់ចាំព្រះវស្សាអស់ត្រីមាសចំនួនបីខែ ក្នុងពុទ្ធសីមាព័ទ្ធវត្តតាមាន់សែនជ័យដែលមានទីតាំងស្ថិតនៅភូមិតាមាន់សែនជ័យ ឃុំគោកមន ស្រុកបន្ទាយអំពិលខេត្តឧត្តរមានជ័យនាព្រឹកថ្ងៃទី០៥និង០៦ខែវិច្ឆិកាឆ្នាំ២០២២នេះនៅក្នុងនោះក៏មានការអញ្ជើញចូលរួមពីសំណាក់លោកលោកស្រីប្រធានមន្ទីរអង្គភាពពាក់ព័ន្ធជុំវិញខេត្តជាច្រើននាក់ផងដែរ។ ជាមួយគ្នានេះលោក ឧត្តមសេនីយ៍ត្រីនាក់វង្សបានបញ្ជាក់ប្រាប់ឲ្យដឹងនៅថ្ងៃទី០៦ខែវិច្ឆិកាឆ្នាំ២០២២ថា ការធ្វើកម្មវិធីបុណ្យកឋិនទាននេះដែរ គឺដោយមានការចូលរួមពីលោកមេបញ្ជាការ មេបញ្ជាការរង និងពលទាហានទាំងអស់ក្នុងកងពលតូចថ្មើរជើងលេខ៤២សែសិបពីរព្រមទាំងលោកយាយសនសូត្រនិងកូនចៅមកពីខេត្តកំពង់ធំនិងគណៈកម្មការអាចារ្យពុទ្ធបរិស័ទចំណុះជើងវត្តផងដែរ ។ លោកឧត្តមសេនីយ៍ត្រីនាក់វង្សមេបញ្ជាការរងនិងជានាយសេនាធិការកងពលតូចលេខ៤២សែសិបពីរ បានបញ្ជាក់បន្ថែមថា ចំពោះការធ្វើបុណ្យនេះដែរ គឺដើម្បីប្រមូលបច្ច័យដែលកើតចេញពីអង្គធម្មទាននេះយកទៅកសាងសមិទ្ធផលនានាក្នុងវត្ត ដើម្បីឱ្យវត្តប្រាសាទតាមាន់សែនជ័យ នេះប្រែក្លាយទៅជាវត្ត ទេសចរណ៏ល្អស្អាតមួយសម្រាប់បងប្អូនប្រជាពលរដ្ឋមកលេងកម្សាន្ត ជាដើម។ សូមបញ្ជាក់ផងដែរ វត្តតាមាន់សែនជ័យនេះស្ថិតនៅ ភូមិតាមាន់សែនជ័យឃុំគោកមនស្រុកបន្ទាយអំពិលខេត្តឧត្តរមានជ័យ មានចម្ងាយពីទីរួមខេត្តប្រមាណជា៧០គីឡូម៉ែត្រពីទីរួមខេត្តហើយវត្តតាមាន់សែនជ័យមានទីតាំងជាប់ផ្លូវឡើងប្រាសាទតាមាន់ និងជាប់ខ្សែក្រវ៉ាត់ព្រំដែនថៃតែម្តង ហើយវត្តមួយនេះទៅថ្ងៃមុខនិងក្លាយជាកន្លែងមួយដែលទាក់ទាញភ្ញៀវទេសចរណ៍មកពីបណ្តាខេត្តឆ្ងាយៗមកទស្សនាកំសាន្តនារដូវបុណ្យទានផងដែរ។(ដោយឈឿន ប៊ុនឈី)    

មេបញ្ជាការថ្មីត្រូវបន្តចូលរួមសាមគ្គីភាពផ្ទៃក្នុងអង្គភាពឲ្យបានល្អជាប់ជានិច្ច

  ឧត្តរមានជ័យ: ថ្លែងក្នុងពិធីប្រកាសផ្ទេរភារកិច្ចនិងតែងតាំងប្តូរមុខតំណែងមេបញ្ជាការនៃវរសេនាតូចនគរបាលការពារព្រំដែនគោកលេខ៩០៥ចំណុះឲ្យស្នងការនគរបាលខេត្តឧត្តរមានជ័យលោកឧត្ដមសេនីយ៍ទោហួត សុធី ស្នងការនគរបាលខេត្តឧត្តរមាន ជ័យតំណាងដ៏ខ្ពង់ខ្ពស់ឯកឧត្តមនាយឧត្តមសេនីយ៍សន្តិបណ្ឌិតនេតសាវឿនអគ្គស្នងការនគរបាលជាតិ បានមានប្រសាសន៍ថា មេបញ្ជាការដែលមកទទួលមុខតំណែងថ្មីនេះសូមយកចិត្តទុកដាក់ឲ្យបានខ្ពស់ ពង្រឹងរាល់ភារកិច្ចដឹកនាំកម្លាំងមន្ត្រីនគរបាលក្រោមឱវាទដោយឆន្ទះមោះមុត ដើម្បី បន្តការងារប្រចាំថ្ងៃ ហើយមួយវិញទៀតក្នុងនាមយើងជាមេបញ្ជាការ ត្រូវ យកចិត្តទុកដាក់បន្ថែមខិតខំបំពេញតួនាទីភារកិច្ចរបស់ខ្លួនពិសេស នៅតំបន់ព្រំដែន ត្រូវបន្តយកចិត្តទុកដាក់បង្កើនទំនាក់ទំនងសហការជាមួយ អាជ្ញាធរមូលដ្ធានកងកម្លាំងដែលពាក់ព័ន្ធនៅតាមខ្សែបន្ទាត់ព្រំដែនពីព្រោះចំណុចនេះសំខាន់ណាស់។ លោកឧត្តមសេនីយ៏ទោស្នងការបានណែនាំនូវគន្លឹះសំខាន់ៗមួយចំនួនហើយក្រើនរំលឹកបន្ថែមដល់លោកមេបញ្ជាការវរ៩០៥ថ្មីត្រូវបង្កើនសាមគ្គីភាពផ្ទៃក្នុងជាមួយកងកម្លាំង ពង្រឹងការកសាង បរិវេណនៃ ទីបញ្ជាការឲ្យបានល្អប្រសើរជាបន្តបន្ទាប់ជាងនេះទៅទៀត ចំពោះការងារ ស្នូលរបស់កងកម្លាំងក្នុងនាមយើងធ្វើជាមេគេត្រូវធ្វើអ្វីមួយត្រូវយកចិត្តទុកដាក់ស្ដាប់ ការណែនាំទទួលបទបញ្ជាផែនការដែលថ្នាក់លើប្រគល់ជូននិងបន្តយកចិត្តទុកដាក់អនុវត្តផែនការលើកទិសដៅផ្សេងៗ មួយចំនួនរបស់អង្គភាព របស់ខ្លួនឲ្យបានជាប់ជាប្រចាំថ្ងៃផងដែរ។ សូមបញ្ជាក់ថា ពិធីប្រកាសផ្ទេរភារកិច្ចនិងតែងតាំងប្តូរមុខតំណែងមេបញ្ជាការនៃវរសេនាតូចនគរបាលការពារព្រំដែនគោកលេខ៩០៥ចំណុះឲ្យស្នងការនគរបាលខេត្តឧត្តរមានជ័យនារសៀលថ្ងៃទី១១ខែមករាឆ្នាំ២០២៣នេះស្ថិតនៅក្នុងបរិវេណវរសេនាតូចនគរបាលការពារព្រំដែនលេខ៩០៥ក្នុងឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។នៅក្នុងពិធីប្រកាសផ្ទេរភារកិច្ចនិងតែងតាំងមុខតំណែងនេះដែរដោយលោកវរសេនីយ៏ឯកកុល វិបុល ជានាយការិយាល័យនគរបាលប្រឆាំងបទល្មើសសេដ្ធកិច្ចមកបំរើការងារជាមេបញ្ជាការនៃវរសេនាតូចនគរបាលការពារព្រំដែនគោកលេខ៩០៥ជំនួសលោកវរសេនីយ៏ឯកសឿមផ្នើក ត្រូវផ្លាស់ប្តូរតួនាទីទៅបំរើការងារជាមេបញ្ជាការនៃវរសេនាតូចនគរបាលការពារព្រំដែនគោកលេខ៧០២ដែលអតីតលោកវរសេនីយ៏ឯកគង់សំខាន់មេបញ្ជាការចាស់ត្រូវបានដាក់ឲ្យចូលនិវត្តន៏កាលពីអំឡុងថ្ងៃទី០៦ខែមករាឆ្នាំ២០២៣ កន្លងមកនេះ។ (ដោយឈឿន ប៊ុនឈី)