ឃាត់ខ្លួនប្រជាពលរដ្ឋខ្មែរលួចឆ្លងដែលខុសច្បាប់ចូលប្រទេសថៃ ចំនួន ១០៤នាក់

នៅថ្ងៃទី១៨ ខែតុលា ឆ្នាំ២០២១ អាជ្ញាធរមានសមត្ថកិច្ចថៃ បានចុះត្រួតពិនិត្យនៅតាមច្រកព្រំដែនថៃ-កម្ពុជា បានឃាត់ខ្លួនប្រជាពលរដ្ឋខ្មែរលួចឆ្លងដែលខុសច្បាប់ចូលប្រទេសថៃ ចំនួន ១០៤នាក់ នៅត្រង់បរិវេន សួនប៉ាយូខាលីបតាន់ ខេត្តសាកែវ។
ប្រជាពលរដ្ឋខ្មែរទាំងអស់ក៏បានសារភាពថា ពួកគាត់បានបង់ប្រាក់ទៅឱ្យមេខ្យល់ក្នុងម្នាក់ ចាប់ពី ៦,០០០បាត ទៅដល់ ៩,០០០ ដើម្បីបានចូលមកក្នុងប្រទេសថៃ។
នៅល្ងាចថ្ងៃដដែលនេះ បន្ទាប់ពីធ្វើការផ្តន្ទាទោសនិងផាកពិន័យរួច អាជ្ញាធរស្ថានីយ៍ប៉ូលីសតាប្រៈយ៉ា នឹងបញ្ជូនពួកគាត់ឱ្យត្រឡប់ចូលប្រទេសកម្ពុជាវិញតាមច្រកតំបន់ ឃុំឃោគសូង ស្រុកតាប្រៈយ៉ា ចេញតាមខេត្តបន្ទាយមានជ័យ។