ពលករខ្មែរលបឆ្លងដែនខុសច្បាប់ ត្រូវទាហានឈុតខ្មៅថៃ ស្ទាក់ចាប់បាន
ខេត្តបាត់ដំបង: ពលករខ្មែរចំនួន ៥ នាក់ ត្រូវបានក្រុមទាហានថៃចាប់ខ្លួន និង ៥ នាក់ទៀត ដែលប្រឹងរត់ឆ្លងអូរព្រំដែនចូលមកកម្ពុជាវិញ ក៏ត្រូវបាននគរបាលវរ:ព្រំដែនកម្ពុជាឃាត់ខ្លួនបានដែរ ខណ:ដែលពួកគេលបឆ្លងដែនចូលទឹកដីដើម្បីរកការងារធ្វើដោយខុសច្បាប់។
ការឃាត់ខ្លួននេះបានធ្វើឡើងកាលពីព្រឹកថ្ងៃទី៩ ខែសីហា ឆ្នាំ២០២១ ត្រង់ចំណុចភូមិ៥ ឃុំណងតាខុង ស្រុកពោងណាំរ៉ន ខេត្តច័ន្ទបុរី ប្រទេសថៃ
នៅមុនពេលឃាត់ខ្លួនគឺមានពលករខ្មែរចំនួន១០នាក់ បានលបឆ្លងអូរព្រំដែនចូលទៅក្នុងទឹកដីថៃ ស្របពេលដែលកម្លាំងទាហានថៃកំពុងល្បាតក៏បានស្ទាក់ចាប់បាន៥នាក់ (ប្រុស១ ស្រី៤) ដោយឡែកពលករ៥នាក់ទៀត បានរត់ឆ្លងដែនត្រឡប់ចូលមកកម្ពុជាវិញ ហើយក៏ត្រូវកម្លាំងវរ:ការពារព្រំដែនកម្ពុជាឃាត់ខ្លួនបាននៅវេលាម៉ោង១១ ថ្ងៃត្រង់ នាថ្ងៃដដែលផងដែរដោយសារតែបច្ចុប្បន្នខេត្តជាប់ព្រំដែនថៃទាំងអស់កំពុងត្រូវបានបិទខ្ទប់នៅឡើយ៕
