ប៉ោយប៉ែត:រូបសំណាកព្រះពុទ្ធរូប ព្រះវិស្ណុ កម្ពស់៨ម៉ែត្រ ៦តឹកត្រូវបានអាជ្ញាធរខេត្តបន្ទាយមានជ័យរៀបចំពិធីក្រុងពាលីបញ្ចុះបឋមសិលាសាងសង់ររង្វង់យកមកតម្កល់នៅរង្វង់មូលច្រកទ្វារអន្តរជាតិក្រុងប៉ោយប៉ែត ដើម្បីសុំសេចក្តីសុខសប្បាយ។
ពិធីនេះដែរក្រោមអធិបតីភាព ឯកឧត្តមប៉ាន់ខែម ប៊ុនថន នាយករងខុទ្ទកាល័យសម្តេចតេជោនាយករដ្ឋមន្ត្រី អមដំណេីរដោយ ឯកឧត្ដម ខេង ស៊ុម ប្រធានក្រុមប្រឹក្សាខខេត្ត ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ និងមានការចូលរួម ពី ភាគីថៃ អាជ្ញាធរក្រុងប៉ោយប៉ែតលោក/លោកស្រីកងកម្លាំងប្រដាប់អាវុធ យុវជន ប្រជាពលរដ្ឋ យ៉ាងច្រើនកុះករ។
ឯកឧត្ដម អ៊ុំ រាត្រី អភិបាលនៃគណ:អភិបាលខេត្តបន្ទាយមានជ័យបានលើកឡើងថា រូបសំណាកព្រះពុទ្ធរូប ព្រះវិស្ណុ កម្ពស់៨ម៉ែត្រ៦តឹកនេះ ជាសមិទ្ធិផលថ្មីមួយទៀតតំណាងឱ្យខេត្តបន្ទាយមានជ័យ ប្រយោជន៏ដល់ការគោរពប្រតិបត្តិរបស់ប្រជាពលរដ្ឋខ្មែរ ទូទៅ ដែលបានយកមកតម្កល់ស្ថិតនៅជាប់និងមាត់ច្រកទ្វារអន្តរជាតិចេញចូលរវាង កម្ពុជា និង ថៃ ក៏ដូចជាភ្ញៀវជាតិ និងអន្តរជាតិបានដឹងនិងស្គាល់ថាប្រទេសកម្ពុជា គោរពតាមគន្លងព្រះពុទ្ធសាសនា ជាសាសនារបស់រដ្ឋ និង ដើម្បីសុំសេចក្តីសុខសប្បាយផងដែរ។
សូមបញ្ជាក់ថា ពិធីបញ្ចុះបឋមសិលាសាងសង់នេះធ្វើនៅព្រឹកថ្ងៃព្រហស្បតិ៍ ៦កើត ខែភទ្របទ ឆ្នាំខាល ចត្វាស័ក ព.ស ២៥៦៦ត្រូវនឹង ថ្ងៃទី១ខែកញ្ញាឆ្នាំ២០២២នេះ នៅភូមិប៉ោយប៉ែត សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។
