បន្ទាយមានជ័យ : សហការជាមួយគណៈកម្មាធិការជាតិរៀបចំការបោះឆ្នោត បានរៀបចំ វគ្គអប់រំផ្សព្វផ្សាយ និងបញ្ជ្រាបការយល់ដឹង ស្ដីពី«សារៈសំខាន់នៃការបោះឆ្នោតនៅតាមគ្រឹះស្ថានសិក្សារដ្ឋ និងឯកជន»ក្រោមអធិបតីភាព ឯកឧត្តម ម៉ុក ដារ៉ា អគ្គលេ ខាធិការរងនៃគណៈកម្មាធិការជាតិរៀបចំការបោះឆ្នោត (គ.ជ.ប)អមដំណើរដោយ ឯកឧត្តម ស៊ុំ ប៊ុនហុង អគ្គនាយកនៃអគ្គនាយដ្ឋាន អប់រំ ព័ត៌មាន និងទំនាក់ទំនង សាធារណៈ និងមានការចូលរួម ឯកឧត្តម សេកសុខុម ទីប្រឹក្សាក្រសួងព័ត៌មាន និងជាប្រធានមន្ទីរព័ត៌មានខេត្ត លោក ឈូ ប៊ុនរឿង ប្រធានមន្ទីរអប់រំយុវជន និងកីឡាខេត្ត លោក យ៉ង់ សក្តិ ប្រធានលេខាធិការដ្ឋានរៀបចំការបោះឆ្នោតខេត្ត ។
អញ្ជើញជាអធិបតីឯកឧត្តម ម៉ុក ដារ៉ា អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត(គ.ជ.ប)បានមានប្រសាសន៍ថា វគ្គអប់រំផ្សព្វផ្សាយនិងបញ្ជ្រាបការយល់ដឹងស្ដីពី«សារៈសំខាន់នៃការបោះឆ្នោតនៅតាមគ្រឹះស្ថានសិក្សារដ្ឋ និងឯកជន»បានជម្រុញឱ្យប្រជាពលរដ្ឋមានការយល់ដឹងកាន់តែទូលំទូលាយនៃការបោះឆ្នោតនិងមានការសួរជាសំនួរនិងចម្លើយបកស្រាយដោវាគ្មិនផងដែរ។
ក្នុងឱកាសនោះក៏មានការចូលរួមពីសំណាក់ លោកនាយក នាយករង សាស្ត្រាចារ្យ លោកគ្រូ អ្នកគ្រូ សិស្សានុសិស្ស និងនិស្សិត មាន៖សាកវិទ្យាល័យជាតិមានជ័យ,សាកលវិទ្យាល័យ ឯកទេសនៃកម្ពុជា វិទ្យាល័យសម្ដេចឪ, វិទ្យាល័យសិរីសោភ័ណ,វិទ្យាល័យអូរអំបិល,វិទ្យាល័យ ហ៊ុន សែនខ្លាកូន និងសមាជិក សមាជិកា លេខាធិការដ្ឋានរៀបចំការបោះឆ្នោតខេត្ត បរុស ៣១២នាក់។
ពិធីនេះធ្វើឡើងនៅសាលប្រជុំមន្ទីរអប់រំយុវជន និងកីឡា ខេត្តបន្ទាយមានជ័យ ស្ថិតនៅក្នុងភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ៕នាព្រឹក ថ្ងៃសៅរ៍ ១៣ កើត ខែអស្សុជ ឆ្នាំខាល ចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី ៨ ខែតុលា ឆ្នាំ២០២២ ។
ព័ត៌មានថ្មីៗ ទាន់ហេតុការណ៍ 24h✅ដោយ ហុីង ចាន់ថន
