ខេត្តសៀមរាប៖ដោយសារការផ្ទុះឆេះកំប៉ុងចេញពីចង្ក្រានហ្គាស ក្នុងតូបមួយនៅជាប់នឹងរបងស័ង្កសី អតីតសាលាខេត្តសៀមរាប ខាងលិចអតីតផ្សារថៃហួត ស្ថិតក្នុងភូមិមណ្ឌល ២ សង្កាត់ស្វាយដង្គំ ក្រុងសៀមរាប ដែលបណ្ដាលឱ្យអគ្គីភ័យឆាបឆេះមានអណ្តាតភ្លើងឆេះយ៉ាងសន្ធោរសន្ធៅ តែសំណាងល្អ មិនមានគ្រោះថ្នាក់ដល់មនុស្សម្នាណាម្នាក់ឡើយហើយក្រុមជំនាញបង្ការនិងពន្លត់អគ្គីភ័យ នៃស្នងការដ្ឋាននគរបាលខេត្តសៀមរាបបានជួយសង្គ្រោះទាន់ពេលវេលា នៅវេលាម៉ោង ០០ និង ១៥នាទីរំលងអធ្រាត្រឈានចូលថ្ងៃទី ២១ ខែមេសា ឆ្នាំ២០២៤៕ សមត្ថកិច្ចនៅកន្លែងការខេត្តបានឲ្យដឹងថាអគ្គីភ័យនេះបានឆាបឆេះបណ្ដាលមកពីផ្ទុះកំប៉ុងហ្គាសចេញពីតូបលក់ដូរមួយកន្លែងស្ថិតក្នុងភូមិឃុំខាងលើកណ្ដាលមកពីខ្វះការប្រុងប្រយ័ត្នពីម្ចាស់តូបលក់បាយមានស្លាកយីហោ “សុវណ្ណ មរកត” បានយកចិញ្ចើមផ្លូវសម្រាប់ថ្មើរជើង ធ្វើអាជីវកម្មលក់ដូរ។
(ឧត្តរមានជ័យ)រូបបដិមាករចំនួន៥ព្រះអង្គត្រូវបានប្រជាពលរដ្ធរស់នៅក្នុងភូមិគោកវត្ត ឃុំចុងកាល់ ស្រុកចុងកាល់ ខេត្តឧត្តរមានជ័យ ខណះពេលដែលម្ចាស់ផ្ទះកំពុងតែជីកដីបម្រុងធ្វើបន្ទប់ទឹកក៏ប្រទះឃើញរូបព្រះអង្គចំនួន៥ព្រះអង្គ ដែលកប់នៅក្នុងដីជំរៅ២ម៉ែត្រក្បែរទៅនឹងចំហៀងផ្ទះតែម្តង។ ប្រភពពីលោក សា ប្បឿន រ៉ាន់ ភេទប្រុសអាយុ៤២ឆ្នាំរស់នៅភូមិគោកវត្ត ឃុំចុងកាល់ ស្រុកចុងកាល់ ខេត្តឧត្តរមានជ័យបានបញ្ជាក់ប្រាប់ឲ្យដឹងនៅថ្ងៃទី០៩ខែសីហាឆ្នាំ២០២២ថា កាលពីល្ងាចថ្ងៃទី០៧ខែសីហាឆ្នាំ២០២២វេលាម៉ោងប្រមាណជា៥ល្ងាចរូបលោកនិងកូនម្នាក់ទៀតកំពុងយកចបជីករួមនឹងប៉ែល ជីកដីនៅចំហៀងផ្ទះដើម្បីធ្វើជាបន្ទប់ទឹកប្រើប្រាស់ ក្រោយមកក៏ជីកជំរៅទៅក្រោមបានប្រហែលជាជំរៅ២ម៉ែត្រក៏ប្រទះឃើញដុំថ្មមួយដុំជាប់គ្នាពណ៌រាងខៀវដូចព្រះអង្គធំប្រក់នាគ បន្ទាប់មកលោកក៏បានយកដុំថ្មនោះឡើងមកខាងលើលាងទឹកសម្អាតចេញចេញក៏ឃើញរូបរាងជាព្រះអង្គ ហើយក្រោយមកទៀតលោកក៏បានជីករាវរកបន្ថែមទៀតក៏ឃើញព្រះនៅជាប់គ្នារហូតដល់៥ព្រះអង្គក្រោយមកទៀតលោកក៏បានយកព្រះអង្គទាំងអស់ឡើងលើផ្ទះអ៊ុចធូបបន់ស្រន់សុំសេចក្តីសុខដល់ព្រឹកឡើងនៅថ្ងៃទី០៨ខែសីហាឆ្នាំ២០២២លោកក៏បានរាយការណ៏ជូនសមត្ថកិច្ចតែម្តង។ លោកសា ប្បឿន រ៉ាន់ បានបន្តទៀតថាក្រោយពីលោកបានថែរក្សាព្រះអង្គទាំង៥ព្រះអង្គនោះបានតែមួយយប់នៅព្រឹកថ្ងៃទី០៨ខែសីហាឆ្នាំ២០២២មាននគរបាលស្រុកចុងកាល់ជាច្រើននាក់មកដល់ផ្ទះរបស់លោកហើយបានថតរូបលោកជាមួយព្រះអង្គហើយក៏ត្រឡប់ទៅវិញ។លោកបន្តថានៅថ្ងៃដដែលនគរបាលស្រុកចុងកាលបានមកផ្ទះរបស់លោកម្តងទៀតហើយក៏បាននាំលោកនិងព្រះអង្គដែលលោករកឃើញនៅក្នុងដីនោះរួមទាំងលោកនាំយកទៅកាន់អធិការស្រុក ក្រោយមកទៀតខាងនគរបាលស្រុកក៏បានឲ្យលោកវិលត្រឡប់មកផ្ទះវិញ។ លោក ហុង យឿន ប្រធានមន្ទីរវប្បធម៌និងវិចិត្រសិល្បះខេត្តឧត្តរមានជ័យបានបញ្ជាក់ប្រាប់ឲ្យដឹងនៅថ្ងៃទី០៩ខែសីហាឆ្នាំ២០២២ថា លោកបានទទួលបានពត៌មានហើយករណីដែលប្រជាពលរដ្ធនៅស្រុកចុងកាល់ជីកដីធ្វើបន្ទប់ទឹកប្រទះឃើញរូបព្រះចំនួន៥ព្រះអង្គនោះ តែបច្ចុប្បន្នវត្ថុតាំងដែលដកហូតបាននៅខាងប៉ូលីសជាអ្នកគ្រប់គ្រងនៅឡើយ ហើយខាងមន្ទីរក៏ពុំទាន់បានទទួលយកមករក្សាទុកនោះដែរ។ សូមបញ្ជាក់ថា ពាក់ព័ន្ធទៅនឹងប្រជាពលរដ្ធជីកដីឃើញរូបព្រះចំនួន៥ព្រះអង្គនៅត្រង់ចំណុចខាងលើនេះដែរ ខាងក្រុមការងារពត៌មានយើងពុំអាចសុំការបកស្រាយពីសមត្ថកិច្ចនគរបាលជំនាញខាងផ្នែកការពារបេតិភ័ណ្ឌនៃស្នងការខេត្តឧត្តរមានជ័យបានទេ ព្រោះទូរស័ព្ទខលចូលហើយពុំមានអ្នកទទួល។ (ដោយឈឿន ប៊ុនឈី)
ខេត្តប៉ៃលិន ៖ អស់រយ:ពេលប៉ុន្មានថ្ងៃកន្លងទៅនេះ គេសង្កេតឃើញការរៀបចំសង្ក្រាន្តប៉ៃលិនឆ្នាំ២០២៤នេះ ពិតជាមានការភ្ញាក់ផ្អើលខ្លាំង ខណ:ដែលភ្ញៀវទេសចរណ៍បានចូលមកលេងកម្សាន្តក្នុងខេត្តមួយនេះ មានការកើនឡើងខ្ពស់ហួសពីការរំពឹងទុករបស់អាជ្ញាធរខេត្ត ដោយក្នុងនោះនៅតាមគោ លនៅទេសចរណ៍រមណីយដ្ឋាននានា ទូទាំងខេត្ត បានទទួលស្វាគមន៍ទេសចរជាតិ និងអន្តរជាតិ រហូតដល់ចំនួន ៨០៨២៨៩នាក់ សម្រាប់រយៈពេល៤ថ្ងៃ ពោលគឺចាប់ពីថ្ងៃទី១៣-១៤-១៥និង ១៦ ខែមេសា ឆ្នាំ២០២៤ នៃពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំរោង ឆស័ក ព.ស ២៥៦៨។ ដូច្នេះ ប្រជាពលរដ្ឋ ដែលលក់ដូរគ្រឿងសម្ភារ:ផ្សេងៗ និងម្ហូបអាហារពិតជាដាច់ខ្លាំង រីឯផ្ទះសំណាក់សណ្ឋាគារ ក៏ស្ទើរតែរក កន្លែងឱ្យភ្ញៀវសម្រាកគ្មានដែរ ដោយមានភ្ញៀវពេញៗតែម្តង។ បើតាមប្រភពព័ត៌មានពីលោក លឹម វាសនា ប្រធានមន្ទីរទេសចរណ៍ខេត្តប៉ៃលិន បានឱ្យដឹងថា៖ សម្រាប់សង្ក្រានប៉ៃលិន រយៈពេល ៤ថ្ងៃ គឺស្ថានភាពទូទៅក្នុងខេត្តប៉ៃលិននេះ មានភាពល្អប្រសើរ គ្មានបញ្ហាអ្វីមួយកើតឡើងគួរឱ្យកត់សម្គាល់នោះទេ ខណ:ដែលអាជ្ញាធរខេត្តក៏បានដឹកនាំប្រជាពលរដ្ឋរាំលេងកម្សាន្តនៅតាមគោលដៅសង្ក្រាន្តទាំងចំនួន៤គោលដៅ ហើយភ្ញៀវទេសចរ ជាតិ និងអន្តរជាតិ ទាំង៤ថ្ងៃ សរុបរួម៨០៨២៨៩នាក់ ក្នុងនោះភ្ញៀវជាតិ ៧៨៨២៦៥នាក់ និងភ្ញៀវអន្តរជាតិ ២០០២៤នាក់ បានមកលេងកម្សាន្តយ៉ាងច្រើនកុះករ […]
