ព័ត៌មានសន្តិសុខសង្គម

ករណីម្ដាយនឹងកូនតូចម្នាក់ ជិះម៉ូតូធ្លាក់ទឹកស្រះ ស្លាប់ ទាំង២នាក់

Posted on Author kdn Comment(0)

ខេត្តសៀមរាប៖យោងតាមសេចក្ដីរាយការណ៍ព័ត៌មានបឋមអាជ្ញាធរមូលដ្ឋានបានឲ្យដឹងថា ករណីម្ដាយនឹងកូនតូចម្នាក់ ជិះម៉ូតូធ្លាក់ទឹកស្រះ ស្លា..ប់ ទាំង២នាក់ ដោយមិនអាចជួយសង្គោះបានទាន់ពេលវេលា បង្កឲ្យមានការភ្ញាក់ផ្អើលដល់ប្រជាពលរដ្ឋពេញភូមិ។

ហេតុការណ៍បានកើតឡើង នៅម៉ោងប្រមាណ ១១ជាងព្រឹកថ្ងៃទី ២៤ ខែកក្កដា ឆ្នាំ២០២២ ស្ថិតនៅភូមិប្រយុទ្ធ សង្កាត់ទឹកវិល ក្រុងសៀមរាប។

ប្រភពរាយការណ៍បន្តថា ស្ត្រីរងគ្រោះ ឈ្មោះ ធឿង ឈុឺងអឺ ភេទស្រី អាយុ៣២ឆ្នាំ ត្រូវជាម្តាយ។ ឯឈ្មោះ ធុន សុវណ្ណបញ្ញា ភេទប្រុស អាយុ៩ឆ្នាំ ត្រូវ ជាកូន។ អ្នកទាំង២មានទីលំនៅភូមិប្រយុទ្ធ សង្កាត់ទឹកវិល ក្រុងសៀមរាប ជិះម៉ូតូហុងដា ពាក់ផ្លាកលេខ សៀមរាប ១O ៨១៦៩។ ជុំវិញករណីនេះ សមត្ថកិច្ចនៅពុំទាន់បញ្ជាក់មូលហេតុនៅឡើយទេ៕SRP

kdn

Related Articles
ព័ត៌មានសន្តិសុខសង្គម

ករណីគ្រោះថ្នាក់ចរាចរណ៏

Posted on Author kdn

ករណីគ្រោះថ្នាក់ចរាចរណ៏ បង្កដោយខ្លួនឯង ភ្នំពេញ ៖ បុរសបើកបររថយន្តNissan Navara ម្នាក់បង្កដោយខ្លួនឯងនេះ ខណ:ពេលបុរសរូបនេះបើករថយន្តរេចង្កូតទៅបុករថយន្តធុនធំដែលចតអែបកៀនផ្លូវកំពុងដាក់ថ្មចូលក្នុងឃ្លាំងបណ្តាលឱ្យរងការខូចខាតរថយន្តយ៉ាងដំណំនិងស្ត្រីរួមដំណើរម្នាក់រងរបួសស្រាល។ ហេតុការណ៍ករណីគ្រោះថ្នាក់ចរាចរណ៏នេះបានកើតឡើង​កាលពី​ម៉ោងជាង៧ព្រឹកថ្ងៃទី១៦ ខែកក្កដាឆ្នាំ២០២២ ស្ថិតនៅតាមបណ្ដោយ​ផ្លូវភ្នំពេញ-ហាណូយ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។ ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេល​កើតហេតុឃើញរថយន្តធុនធំដឹកថ្មមួយគ្រឿងម៉ាកDAEWOO NOVUS ពណ៌ស្លែ ពាក់ផ្លាកលេខត្បូងឃ្មុំ 3A-0869 បានចតនៅ​អែបកៀនផ្លូវដើម្បីដាក់ថ្មចូលក្នុងឃ្លាំង។ ពេលនោះស្រាប់តែមាន​រថយន្ត​ម៉ាកNISSAN NAVARA ពណ៌ខ្មៅ ពាក់ផ្លាកលេខ​ភ្នំពេញ2W-6420 បើកបរដោយបុរស​និងរួមដំណើរ​ដោយស្ត្រីម្នាក់​ធ្វើដំណើរតាមបណ្ដាយផ្លូវភ្នំពេញ-ហាណូយពីជើង​ទៅត្បូងក្នុងល្បឿន​លឿន ហើយខណៈមកដល់ត្រង់ចំណុចកើតហេតុបានបើក​គេចពី​រថយន្តមួយគ្រឿងទៀតក៏ជ្រុលចង្កូតទៅបុកចំពីក្រោយរថយន្តធុនធំពេញទំហឹងបណ្ដាលឱ្យរងការខូចខាតយ៉ាងដំណំ ចំណែកឯស្ត្រីម្នាក់​ដែលរួមដំណើររងរបួសត្រូវបានបញ្ជូនទៅកាន់មន្ទីរពេទ្យភ្លាមៗ។ បច្ចុប្បន្នម្ចាស់រថយន្តទាំងពីរគ្រឿងកំពុងធ្វើការដោះស្រាយគ្នា។ ដោយ ៖ ភ្នាក់ងារ
ព័ត៌មានសន្តិសុខសង្គម

សាខាកាកបាទក្រហមកម្ពុជា ខេត្តប៉ៃលិន និងក្រុមការងារចុះអប់រំផ្សព្វផ្សាយ ទប់ស្កាត់ ជំងឺផ្ដាសាយបក្សី ក្នុងក្រុងប៉ៃលិន

Posted on Author kdn

  ប៉ៃលិន៖កាលពីថ្ងៃសៅរ៍ ១៣កើត ខែផល្គុន ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី ០៤ ខែមីនា ឆ្នាំ២០២៣ ដោយមានការចង្អុលដឹកនាំពីលោកជំទាវបណ្ឌិតបានស្រីមុំប្រធានគណៈកម្មាធិការសាខាឯកឧត្តមស្លេះយូរប្រធានគណៈកម្មាធិការអនុសាខា កក្រក ក្រុងប៉ៃលិន បានដឹកនាំ អនុប្រធាន សមាជិក គណៈកម្មាធិការអនុសាខាក្រុងប៉ៃលិន អ្នកស្ម័គ្រចិត្ត ចំនួន ១១ នាក់ ស្រី ៣នាក់ ចុះធ្វើការអប់រំផ្សព្វផ្សាយស្តីពីការបង្ការទប់ស្កាត់ជម្ងឺផ្តាសាយបក្សី H5N1ជូនបងប្អូនអាជីវករលក់ដូរក្នុងផ្សារប៉ាហ៊ី។ ឯកឧត្តមស្លេះយូរប្រធានគណៈកម្មាធិការអនុសាខា កក្រកក្រុងប៉ៃលិនបានឱ្យដឹងថា មានអ្នកទទួលផលចំនួន ៥០០ នាក់ ស្រី ៣២៥នាក់ចែកប័ណ្ណផ្សព្វផ្សាយអំពីវិធានការពារខ្លួនជម្ងឺផ្តាសាយបក្សី H5N1 ចំនួន ៥០០សន្លឹកដើម្បីអោយបងប្អូនដែលជាអាជីវករយល់ដឹងអំពីវិធានការពាររខ្លួនជម្ងឺផ្តាសាយបក្សី H5N1 គឺសូមកុំទៅប៉ះពាល់បក្សីដែលឈឺ ឬងាប់ កុំពិសាបក្សីដែលងាប់ ពាក់ម៉ាស់ ស្រោមជើងស្រោមដៃ ឧស្សាហ៍លាងដៃអោយបានស្អាត មុនពេលបរិភោគអាហារ ជាពិសេសងាយឆ្លងលើកុមារ ហើយបើមានអាការៈ មានរោគសញ្ញាគ្រុនក្តៅ លើសពី ៣៨.៥ អង្សារសេ និងមានរោគសញ្ញា ក្អក ឬ ឈឺក ឬ […]
ព័ត៌មានសន្តិសុខសង្គម

កត្តាគ្រោះធម្មជាតិមានភ្លៀងធ្លាក់ជាប់ៗគ្នាជាច្រើនថ្ងៃបណ្ដាលឲ្យទឹកជំជន់ហូរបុកកាត់ផ្តាច់ផ្លូវលំនិងលំនៅដ្ឋានប្រជាពលរដ្ឋ

Posted on Author kdn

  ឧត្តរមានជ័យ:កត្តាគ្រោះធម្មជាតិធ្វើឲ្យ មានភ្លៀងធ្លាក់ជាច្រើនមេបង្កជាជំនន់ទឹកភ្លៀងហូរបុកផ្តាច់ផ្លូវ លំមួយខ្សែដាច់ប្រមាណជាជាងម្ភៃម៉ែត្រ ទីតាំងផ្លូវដែលកំពុងបាក់ដាច់ជាកង់ៗនេះផងដែរគឺស្ថិតនៅចំណុចលូអូរតាម៉ា សង្កាត់សំរោង ក្រុងសំរោង ខេត្តឧត្តរមានជ័យ នេះបើយោងតាមការបញ្ជាក់ប្រាប់ឲ្យដឹងពីអ្នកភូមិ នៅថ្ងៃទី២៤ខែកញ្ញាឆ្នាំ២០២៤នេះតែម្តង។ ប្រជាពលរដ្ឋដែលរស់នៅក្បែរទីតាំងផ្ទាល់មានឈ្មោះ ឈុនវាសនា បាន បញ្ជាក់ប្រាប់ឲ្យដឹងនៅវេលាម៉ោងប្រជា១១ថ្ងៃត្រង់ ថ្ងៃទី២៤ខែកញ្ញាឆ្នាំ២០២៤នេះថា ផ្លូវចំណុចនេះទើបតែដាច់នៅពេលថ្មីៗនេះទេខណៈដែលមានភ្លៀងធ្លាក់ជាប់ៗគ្នាប្រមាណជាបីទៅបួនថ្ងៃ ដោយឡែកផ្លូវក្រាលក្រួសក្រហមមួយខ្សែនេះដែរគឺនៅឆ្នាំ២០២៤កន្លងទៅនេះអាជ្ញាធរក៏ដូចជាមន្ទីរជំនាញពាក់ព័ន្ធធ្វើ ស្ថាបនាជួសជុលបានយ៉ាងស្អាតល្អហើយ សម្រាប់បងប្អូនប្រជាពលរដ្ធធ្វើដំណើរឆ្លងកាត់ទៅមក ប៉ុន្តែដោយកត្តាធម្មជាតិទឹកហូរធ្លាក់មកពីលើបណ្ដាលឲ្យបុកដាច់ធ្វើឲ្យពួកគាត់ពិបាកក្នុងការធ្វើដំណើរឆ្លងកាត់តែម្តង។ ដោយឡែកប្រភពពីប្រជាពលរដ្ឋម្នាក់ទៀតឈ្មោះម៉ៅដែលមានដីស្រែចម្ការធ្វើនៅចំណុចទីតាំងខាងលើបានអះអាងថា ចំពោះផ្លូវនេះផងដែរឲ្យតែដល់រដូវវស្សាទឹកហូរបុកមកខ្លាំងគឺតែងតែបាក់ដាច់ជារៀងរាល់ឆ្នាំតែម្តង ហើយ មួយវិញទៀតចំពោះផ្លូវនេះដែរប្រសិនបើមន្ទីរជំនាញមានគម្រោងធ្វើជាស្ពានតាមលក្ខណ:បច្ចេកទេសស្តង់ដាឬមួយក៏ ដាក់លូរបង្ហៀរឲ្យបានខ្ពស់ជាងនេះប្រាកដជាទឹកហូរបុកមិនបាក់ទៀតឡើយ ចឹងទេក្នុងនាមពួកគាត់ជាប្រជាពលរដ្ធនៅតែទទូចស្នើរសុំទៅ អាជ្ញាធរគ្រប់លំដាប់ថ្នាក់ មេត្តាជួយសម្របសម្រួលធ្វើផ្លូវចំណុចលូរអូរតាម៉ានេះ កុំឲ្យដល់រដូវខែវស្សាមានភ្លៀងទឹកហូរមកបុកផ្តាច់ផ្លូវបែបនេះ។ ប្រភពដដែលនេះបន្តថា ជាក់ស្តែងដូចឃើញស្រាប់ហើយឲ្យតែដល់រដូវវស្សាគឺដឹងតែផ្លូវចំណុចអូរតាម៉ាដាច់រហូតទោះបីអាជ្ញាធរខិតខំប្រឹងប្រែងធ្វើតភ្ជាប់ផ្លូវយ៉ាងណាក៏ដោយ ពីព្រោះថាកម្លាំងទឹកខណៈពេលដែលភ្លៀងច្រើនថ្ងៃទឹកហូរធ្លាក់មកពីលើមកគឺដឹងតែទឹកហូរបុកដាច់ទៀត  មួយវិញទៀតចំពោះ ប្រជាពលរដ្ឋដែលចេញចូលធ្វើអាស្រ័យផលនៅតំបន់នេះមិនមែនមានតែអ្នកភូមិពុលមួយទេ គឺមានភូមិច្រើនផ្សេងទៀតគឺមាន ភូមិភ្នៀត ភូមិដូនកែវសែនជ័យ ភូមិឈូកភូមិគោកគរ សុទ្ធសឹងតែជាអ្នកប្រកបការងារធ្វើស្រែចម្ការ ដាំដំឡូងមី ផ្សេងៗជាដើម។ សូមជម្រាបផងដែរថាបើយោងទៅតាមបងប្អូនប្រជាពលរដ្ឋក្នុងការលើកឡើងស្ថិតនៅផ្លូវចំណុចដែលកំពុងប្រឈមក្នុងការបាក់ស្រុតនេះដែរ ប្រសិនបើ ពុំមានការអន្តរាគមន៍ឬក៏គម្រោងរបស់មន្ទីរជំនាញគ្រប់ផ្នែកពាក់ព័ន្ធធ្វើស្ពានលើផ្លូវក្រាលគ្រួសក្រហមនោះទេ គឺដឹងតែ ជំនន់ទឹកភ្លៀងមកលិចនឹងហូរបាក់ដាច់ ជាបន្តបន្ទាប់និយាយជារួមបាក់រាល់ឆ្នាំ ហើយមួយវិញទៀតផ្លូវនេះគឺជាសរសៃឈាមរបស់បងប្អូនប្រជាកសិករក្នុងការដឹកជញ្ជូន ផ្នែកកសិកម្មលើផលដំណាំស្រែចម្ការជាច្រើនហិកតារនៅតំបន់នេះ។ (ដោយឈឿន ប៊ុនឈី )

Leave a Reply

Your email address will not be published.